(0 гласови)

Градоначалникот на градот Вентимиља, северозападна Италија, бил „ограбен“ во директен пренос на телевизија. На видеото кое веднаш стана хит на интернет, новинарка разговарала за редот и безбедноста во градот, кога одненадеж крадец му го украл палтото кое му било оставено на клупа. По шокот, градоначалникот одговорил на прашањето за безбедноста, па на шега ја замолил ТВ екипата да му ја надомести загубата.

 

(0 гласови)

Азербејџанското министерство за одбрана објави видео снимка од уништување на воен конвој на ерменската армија на линијата на фронтот во спорниот регион Нагорно-Карабах.

Ситуацијата во Нагорно-Карабах ескалираше во текот на минатата седмица. Баку и Јереван меѓусебно се обвинуваат за ескалацијата на судирите, во Ерменија е воведена воена состојба и се врши општа мобилизација, додека пак во Азербејџан е воведена вонредна состојба и делумна мобилизација.

Меѓународната заедница повикува на воздржаност, додека целиот конфликт драстично го влошува Турција која отворено е на страната на Азербејџан и повикува на агресија против Ерменците во Нагорно-Карабах.

Од терен досега пристигнаа голем број на снимки, а на една од последните кои ги објави азербејџанската страна може да се види како се уништува конвој на ерменските сили.

(0 гласови)

Азербејџанското министерство за одбрана објави видео снимка од уништување на воен конвој на ерменската армија на линијата на фронтот во спорниот регион Нагорно-Карабах.

Ситуацијата во Нагорно-Карабах ескалираше во текот на минатата седмица. Баку и Јереван меѓусебно се обвинуваат за ескалацијата на судирите, во Ерменија е воведена воена состојба и се врши општа мобилизација, додека пак во Азербејџан е воведена вонредна состојба и делумна мобилизација.

Меѓународната заедница повикува на воздржаност, додека целиот конфликт драстично го влошува Турција која отворено е на страната на Азербејџан и повикува на агресија против Ерменците во Нагорно-Карабах.

Од терен досега пристигнаа голем број на снимки, а на една од последните кои ги објави азербејџанската страна може да се види како се уништува конвој на ерменските сили.

(0 гласови)

Шведскиот политичар со балкански корени, Дарко Мамковиќ кој моментално е дел од градските власти во Норчепинг, снимен е како консумира дрога.

„Беше тоа грешка кога бев пијан на приватна забава, каде се покажа дека лицето кое ми ја даде супстанцата, бара компромитирачки материјал против мене за изнуда“, изјави Мамковиќ.

На снимката која ја објави „Експресен“, Мамковиќ се наведнува на масата и консумира најверојатно кокаин. Тој два пати се наведна на масата на која има алкохол, енергетски пијалоци и наргиле.

 
 

Извори на „Експресен“ откриваат дека за консумирањето на наркотици на Мамковиќ се разговарало и во неговата партија на Социјалдемократи на Шведска. Мамковиќ инаку бил член на регионалниот одбор и претседател на општинскиот одбор на Социјалдемократите од Норчепинг.

Видео снимката можете да ја погледнете на овој ЛИНК.

(0 гласови)

Фондацијата Бил и Мелинда Гејтс потпиша договор со 16 фармацевтски компании со цел да соработуваат за производство на вакцина против коронавирусот, да го забрзаат процесот и да обезбедат што поскоро да започне дистрибуцијата низ целиот свет.

„Фармацевтските компании се согласија да ги прошират капацитетите за производство на лекови. На пример, лекот „ремдесивир“ беше направен од компанијата „Гилид“, а сега дополнителни количини ќе се произведуваат во фабриките на компанијата „Фајзер“. Ниту една фабрика никогаш немаше дозволено своите фабрики конкуренцијата да ги користи на овој начин, а сега гледаме слична соработка и кога станува збор за вакцините“, изјави Бил Гејтс.

„Меѓу другото, компаниите се согласија да соработуваат на производството на вакцини и да го зголемат производтвото со невидена брзина, обезбедувајќи одобрените вакцини да бидат дистрибуирани што е можно поскоро“, додаде основачот на „Мајкрософт“.

Според зборовите на Гејтс, моментално најголемиот дел од светската залиха на вакцини против коронавирусот е предвидена за испраќање во богатите земји.

„Овие држави склучуваат договори со фармацевтските компании, обезбедувајќи го правото да купат вакцини веднаш откако ќе бидат произведени. Но, што е со земјите од светот со ниски и ниско средни приходи, земји од Јужен Судан, преку Никарагва до Мјанмар? Како што стојат работите, овие земји ќе можат да покријат најмногу 14% од своето население“, предупреди Гејтс.

 

Сепак, според Гејтс, за тоа не треба да се критикуваат богатите земји, туку треба да се работи на зголемување на капацитетите.

„Тие прават нешто што е сосема разбирливо - се обидуваат да го заштитат својот народ. Наместо тоа, мораме значително да ги зголемиме светските капацитети за производство на вакцина“, порача Бил Гејтс.

(0 гласови)

Албанскиот премиер ги претставува природните убавини на Северна Македонија како дел од Албанија.

“Прекрасна Албанија. Кањон Лешница”, напиша Рама на својот Фејсбук профил со фотографија од водопадот на реката Лешница на Шар Планина.

Така е кога никој не ме прашува“ – авторот за фотографијата од Лешница што  ја објави Еди Рама

Останува прашањето дали македонското Министерство за надворешни работи ќе реагира на оваа провокација на албанскиот премиер.

По овој пост, на социјалните мрежи беа испратени жестоки коментари за албанскиот премиер Рама, како и бројни критики.

(0 гласови)

Министерот за здравство Венко Филипче најави дека многу скоро се очекува во болниците во нашата земја да бидат достапни брзи тестови за Ковид 19, посочувајќи дека Министерството за здравство планира надградување на стратегијата за тестирање, односно ново воспоставување на стратегијата за широко тестирање. Во моментов во земјава се активни 2303 случаи на заразени со Ковид-19. Од почетокот на епидемијата досега се регистрирани 17 674 заболени лица, оздравени се 14 642 лица, а починаа 729 како последица од вирусот.

– Последните неколку месеци на пазарот се подостапни брзи тестови за детектирање на вирусот (не на антителата). Меѓутоа се брзи и за 10-15 минути го детектират тоа без потребна лабораторија, без лабораториски апарат. Значи брис и една мала плочка. За кратко време ќе почнеме со набавка. Тие тестови пред се ќе бидат дистрибуирани во болниците, и во соработка со Центрите за јавно здравје, веројатно на граничните премини. Сето тоа ќе овозможи многу брз резултат на пациентите кои доаѓаат пред се итните, и на тие што им е потребна некаква интервенција. За 15 минути на лице место, без никаква потреба за голема експертиза, ќе знаат вработените дали пациентот е позитивен или негативен, рече Филипче.

Освен во болниците, министерот додаде, дека брзи тестови за Ковид-19 ќе има и на граничните премини, но пред тоа ќе треба да се подготви стратегија.

Меѓу другото, министерот истакна дека ниту една земја нема начин на широко тестирање како што имаме ние, со исклучок на големите земји. Филипче исто така рече дека во државата се тестираат дури и луѓето кои што биле во ризик, а немаат симптоми се со цел да се види да не се случи да има асимптоматски носители. Со такво широко тестирање, посочи министерот, се штитат и сите луѓе околу позитивните.

Премиерот Зоран Заев наведе дека Владата и надлежните институции се целосно посветени на мерките за лична заштита преку кои ќе се спречи ширењето на КОВИД-19, а со тоа и потребата од карантин и други порестриктивни мерки.

-Она на коешто сме сите фокусирани од здравствената комисија до државниот кризен штаб до Владата е мерките на лична заштита. Тука ги полагаме сите надежи. Сите се свесни, граѓаните знаат дека се во иднина ќе зависи од тоа колкав ќе биде бројот на заразени, бројот на смртни случаи, колку ќе трае оваа пандемија зависи од нашата лична одговорност. Колку повеќе носиме макса, правиме дезинфекција, држиме дистанца, не мора секој пат да правиме средба, можеме и по телефон дел од работите да ги завршиме, рече Заев.

Со намалување на тепературите, како што кажа, се зголемува и опасноста од зголемување на бројот на заболени и токму затоа е многу важно сите безусловно да ги почитуваат мерките. Владата, како што кажа Заев не размислува за нов карантин како мерка, но доколку надлежната Комисија поредложи аргументи, не се исклучува и таа опција.

Заев рече дека инспекциите казнуваат, затвораат, се поднесуваат кривични пријави, но не можат да ја најдат секоја домашна прослава.

-Сите да се потсетиме како беше и колку беше и колку е тоа страшно што се случува со оваа пандемија. Ние сите се опуштивме. Доаѓа зима, зимата ќе биде многу потешка од летото затоа што летото генерално, кажуваат стручните лица што значи дури и инфицирањето и како тоа се пренесува, зошто имаме асимптоматски случаеви, во зимата тоа нема да е така. Од почитувањето на мерките ќе зависи како државата ќе се движи. Ние како Влада не одлучуваме за овие работи. Ако прашате дали ќе затвараме, дали ќе има карантини. Не. Зошто? Да ја ништиме економијата, да го ништиме социјалниот живот на граѓаните? Не. Ама Комисијата која што е императив над сите ги каже сите издржливи аргументии тоа се случи, ние што да правиме, не сакаме, ниту Комисијата сака, ниту некои очекуваат дека има потреба од тоа, но важно е да ги почитуваме тие мерки, посебно затоа што залади времето, паѓаат температурите, дефинитивно ќе растат и бројките, рече Заев.

Тој потенцираше дека единствените мерки околу здравствениот аспект којшто во моментот ги разгледува Владата е како да се охрабрат и наградат здравстените работници.

Вчерашната статистика на Министерството за здравстви покажува 48 нови случаи од 387 тестирања. Починати се четири лица, а оздравеле 61 пациент.

На Инфективната клиника, според вчерашните податоци, примени биле шест пациенти. Вкупно се хоспитализирани 70 пациенти. На кислородна поддршка се 33 пациент, нема пациенти на механичка вентилација. Во болницата во Козле хоспитализирани биле 4 деца и 3 мајки позитивни на ковид-19, 7 деца и 7 мајки суспектни на вирусот. Во ГОБ „8 Септември“ примени биле 3, а вкупно хоспитализирани се 36 пациенти. На респиратор се 6 пациенти. Во болницата во Битола хоспитализирани биле 17, а во болницата во Штип 36 пациенти. На инфективните одделенија во Тетово, Охрид, Велес, Куманово, Прилеп, Гостивар, Струмица и Струга се хоспитализирани се 173, позитивни и сомнителни на Ковид-19.

(0 гласови)

Фијаско и на генералната проба, националната платформа за онлајн учење и денес паѓа. Илјадници ученици, наставници и родители и утрово не можеа да се приклучат на националната платформа за онлајн на закажаната генерална проба.Требаше да се приклучат и основните и средните училишта, но сите обиди завршија со објаснување дека се работи на одржување на платформата или дека се појавила грешка.

„Ова е фијаско. На само еден ден пред почетокот на школската година и децата и наставниците немаат претстава како би личело работењето на неа“, коментираат родителите на социјалните мрежи, а има такви кои го повикуваат господ на помош.

По речиси еден час обиди дел од учениците успеаја да се приклучат, па кажаа дека платформата е празна, нема ставено содржини, а дел од наставниците се пожалија пак дека немаат интернет во школите, од каде што треба да се приклучат на платформата, па тестирањето се сведе само на обиди за приклучување. Министерката за образование Мила Царовска и денес повика на трпение и кај учениците и кај наставниците. Таа очекува во првите две недели да има проблеми со влегувањето на платформата, со вклучувањето на учениците, но верува дека проблемите ќе бидат надминати.

„ Дајте да дадеме поддршка на процесот. За првпат се случува и за ФИНКИ како факултет, и за Министерството за образование и за локалните самоуправи, а што е најважни и за наставниците. Тие лани поминаа еден похаотичен период па научија нови дигитални алатки. Сега малку поорганизирано Оваа платформа ја градиме за да ни трае во наредните дваесет, педесет години, да се надградува, да расте. И ќе биде тешко, нема да биде лесно и многу предизвици ќе има, но јас сум сигурна дека ќе ја поминеме годината ако сите веруваме дека децата треба да имаат стимулирање и да имаат информации кои тековно ќе ги добиваат секој ден, и да си го гледаат наставникот. Затоа што тоа е двонасочна комуникација што дава грижа“, рече министерката Царовска при посетата на ОУ „Даме Крапчев“ во Општина Гази Баба.

Таа уште еднаш објасни дека за работа на платформата не се потребни уреди со некои посебни перформанси и дека таа работи и на телефон и на таблет и на најслабиот компјутер.

(0 гласови)

Кривичниот суд во Скопје денес пресуди - Една година и шест месеци затвор за поранешниот премиер Никола Груевски и условна казна од една година за поранешниот министер за транспорт и врски, Миле Јанакиески.

Ова е епилогот на долгогодишниот процес за „Насилство во Општина Центар“, најстарото обвинение на Специјалното јавно обвинителство во кое покрај Груевски и Јанакиески, обвинети беа уште пет лица.

Главниот нарачател на насилствата во бараките на Општина Центар во 2013-та година, експремиерот Никола Груевски доби затворска казна во траење од 1 година и шест месеци, а му се судеше во отсуство со оглед на тоа што веќе подолго време е побегнат во Будимпешта.

Второобвинетиот за организација на насилствата, Миле Јанакиески доби условна казна од една година затвор, ако во наредните 4 години направи друго кривично дело.

Останатите петмина извршители кои беа обвинети во случајот добија условни казни од 2 години, иако обвинителството за четворица од нив побара затворски казни.

Да потсетиме, случајот беше отворен поради насилствата што се случуваа на протестите на 7-ми и 10-ти јуни 2013-та година пред просториите на Општина Центар во Скопје. Според обвинителството, организатори на протестите биле ВМРО-ДПМНЕ, не за да се спречи рушење на црквата „Свети Константин и Елена“, туку да не дојде до примени на ДУП за „Мал ринг“.

(0 гласови)

Рускиот фонд за директни инвестиции (РДИФ) досега има добиено барања од различни земји во светот за вкупно над 1,2 милијарди дози вакцина Спутник В, користени за борба против коронавирусот, објавија руските медиуми.

„ РДИФ доби барања за повеќе од 1,2 милијарди дози Спутник В за периодот 2020-2021 година. Повеќе од 50 земји во Европа, Азија, Средниот исток и Латинска Америка поднесоа апликации”, рече шефот на РДИМ, Кирил Дмитриев.

Претходно, РДИФ објави договори постигнати со партнери во Мексико за набавка на 32 милиони дози, Бразил до 50 милиони дози, Индија – 100 милиони дози и Непал – 25 милиони дози вакцини.

„ Гледаме голем интерес за вакцината од голем број азиски земји. Во врска со ова, РДИФ изразува подготвеност за снабдување со вакцини на други земји во регионот, бидејќи новата коронавирусна инфекција е наш заеднички непријател, што може да се победи само со заеднички напори”, рече Дмитриев.

Руски Спутник В е првата регистрирана вакцина против коронавирус. Произведена е од институтот Гамалеи, а на 11 август доби потврда за регистрација од Министерството за здравство на Руската Федерација.

Големите клинички испитувања – фаза III, со најмалку 40 000 учесници, Русија ги започна на 26 август, но испитувањата сè уште не се завршени. Првите резултати од овие тестови се очекува да бидат објавени во октомври или ноември.

извор: Makfax

Top