(0 гласови)

Градоначалникот на Белград, Зоран Радојичиќ изјави дека денеска во главниот град на Србија ќе биде прогласена вонредна состојба, јавуваат тамошните медиуми.

Српскиот претседател Александар Вучиќ синоќа најави дека клубови, сплавовите и кафулињата што немаат тераси во Белград ќе бидат затворени на две недели во периодот од 23 часот до 6 часот, како мерка за спречување на ширењето на коронавирусот.

Парично ќе се казнуваат лицата кои нема да носат заштитни маски во трговските центри и јавниот градски и меѓуградски превоз, а ќе бидат затворени и студентските домови затоа што голем број студенти се заразени.

Бројот на луѓе собрани во затворено ќе биде ограничен на 100, на растојание и со маски, а на отворено на 500 лица.

(0 гласови)

После повеќедневна расправа во рамки на ЕУ, формирана е листа на земји од кои Грција ќе прима посетители, изјавил Стелиос Петсас, портпаролот на владата на оваа земја, која во средата ги отворила границите за масовен туризам.

Петсас изјавил дека доаѓањето на сите меѓународни летови во Грција ќе биде дозволено, освен за директни летови од Велика Британија и Шведска до 15-ти јули.

Од правец на Бугарија, патниците ќе влегуваат во Грција преку граничниот премин Промахонас, додека од другите премини на границите со оваа земја влезот ќе биде дозволен само во одредени услови. Патниците од Албанија, Македонија и Турција ќе може да влезат во Грција само според строго определени услови, рекол портпаролот на владата и додал дека траектот од Игуменица и Патрас повторно почнал да сообраќа.

Петсас рекол дека Грција ги отворила границите за туристите од одредени рестрикции, како и дека ги преземаат сите неопходни мерки со цел нивна заштита, заштита на локалното население и сите оние кои се вработени во секторот за туризам.

По влез во земјата, туристите ќе бидат тестирани за коронавирус, рекол тој и додал дека во текот на вчерашниот ден 5.899 луѓе од 16 аеродроми се тестирани на Ковид-19, како и дека резултатот треба да биде познат денеска.

Грчките власти внимателно ја следат епидемиолошката ситуација во Европа и светот и нема да прават отстапки по прашање заштита на јавното здравје и човечките животи, истакнал Петсас. 

(0 гласови)

Министерот за надворешни работи Никола Димитров ширел лажни вести кога јавно на телевизија тврдел дека вториот на листата на кандидати на опозицијата во изборната единица 5 Антонио Милошоски избегнувал да прими покана за на суд.

За време на ТВ дуел во емисијата Само Вистина на Канал 5 Димитров пред десетина денапобара носителката на опозицијата во И. Е. 1 да влијае на Милошоски да ја примипоканата од која според него тој бегал.

Но, според документите до кои дојдоа дел од медиумите ова тврдење на Димитров е лагазатоа што Милошоски уште во април ја примил поканата за на суд за која зборува Димитров.

Предходно и самиот Милошоски изјави дека поканата ја добил одамна но Димитров досега не се извини за лажната вест. Со лажните вести што ги шири Димитров се покажува дека тој е подготвен во јавноста дане ја кажува вистината за да постигне политички поени а притоа да не ја преземе одговорноста за искажаните лаги.

По објавувањето на поканата која Милошоски ја примил уште во април останува отворено прашањето дали Димитров е подготвен да им се извини на јавноста, на Силјановска и на Милошоски за грубата манипулација со поканата за на суд.

Ианку самата покана за Милошоски кој тој уредно ја примил е политички спорна затоа што иако за тој случај истрагата траела со години таа е испратена на два дена предоргиналниот датум за предвремени избори 12 април.

(0 гласови)

Основачот на „Мајкрософт” – Бил Гејтс го обвини Фејсбук и другите социјални мрежи за брзото распространување на коронавирусот во САД, поради дезинформациите на нив.

- Какво иноваторство видовме? За жал, дигиталните технологии и платформи, веројатно придонесоа за распространувањето на ова што јас го сметам за луди идеи. Социјалните мрежи би можеле да бидат и пополезни за справување со ваквата и слични кризи, ако беше обезбедено споделувањето точни и веродостојни податоци – изјави Гејтс во последното свое интервју.

Тој натаму додава дека дезинформациите убедиле поголем дел од населението, оти некои мерки против Ковид-19, како што е носењето маски и физичкото растојание, не се неопходни, наводно.

- Од почетокот на пандемијата, платформите распространуваат различни теории на заговор и лаги, поврзани со коронавирусот. На пример, се тврдеше дека новите кули за безжична комуникациска технологија за 5-Г придонесуваат за ширењето на заразата, и оти 5-Г ги напаѓа и го ослабнува имунитетот на луѓето. Тоа се непроверени, неточни и лажни податоци – вели Гејтс.

Извор www.dailysabah.com/

(0 гласови)

Доста е веќе од неправди и измами, време е да се исправиме и да исправиме се! – вели во своето видео обраќање до невработените, лидерот на ВМРО-ДПМНЕ и воедно кандидат за премиер, Христијан Мицкоски.

- Драги сограѓани, кои поради лошите политики на власта и лошата економска клима сте без работно место. Вам ви е најтешко и ве разбирам. Се обврзувам пред вас дека ќе стимулираме отварање на нови работни места на домашни инвеститори, но и ќе привлечеме странски и домашни инвестиции од над 4 милијарди евра, со цел да ја намалиме невработеноста под 10% – вели во своето обраќање Мицкоски.

Нашата цел е да создадеме услови во Македонија, за секој кој сак да работи, да има каде да се вработи, но и да има можност да отвори сам свој бизнис. Нашата грижа ќе биде насочена и кон социјално ранливите групи, лицата со попреченост и многу други, кои не по своја волја не можат да заработат за себе, и државата е должна да се грижи за егзистенција, вели тој.

- Создаваме за сите. Ова е време на одлуки. Исправи се Македонјо! Одбери обнова – повикува лидерот на ВМРО-ДПМНЕ, Христијан Мицкоски.

(0 гласови)

Студенти од Тоскалуса, Алабама, на кои им бил дијагностициран КОВИД-19, присуствувале на забави во и околу градот, како дел од вознемирувачкиот натпревар за да видат кој може прв да го фати вирусот, изјави член на градскиот совет за ABC News во средата.

Советничката на градскиот совет на Тоскалуса, Соња Мекинстри, рече дека студентите организираат „КОВИД журки“ како игра за намерно да ја пренесат инфекцијата едни на други, од која всушност загинаа повеќе од 127.000 луѓе во Соединетите држави. Таа рече дека неодамна дознала за ваквото однесување и го информирала градскиот совет за забавите што се случуваат во градот.

Таа рече дека организаторите на забавите намерно ги покануваат гостите кои имаат COVID-19.

„Тие ставаат пари во тенџере и се обидуваат да го фатат КОВИД. Кој ќе добие корона прв, ги добива парите. Нема смисла“, рече Мекинстри. „Тие го прават тоа намерно“.

Началникот на пожарникарската служба во Тоскалуса, Ренди Смит, во вторникот пред Градскиот совет изјави дека го потврдил невнимателното однесување на студентите.

Обраќајќи се на Градскиот совет, Смит изрази загриженост дека во последните неколку недели се одржувале забави низ целиот град и околината на округот Тоскалос, „на кои студенти или деца би се заразиле“, се вели во видеото од состанокот добиен од филијалата на ABC, VBMA во Бирмингем.

„На почетокот мислевме дека станува збор за некаква гласина“, им рече Смит пред членовите на советот. „Ние го направивме истражувањето. Не само што канцелариите на лекарите го потврдија тоа, туку федералната држава исто така потврди дека тие ги имаат истите информации“.

(0 гласови)

Во Македонија засега хоспитализитани се 407 пациенти заболени со Ковид-19.

Според последните податоци, на Инфективната клиника вкупно се примени 90 лица. На кислородна поддршка се 44 пациенти, a нема пациенти на механичка вентилација.

Во болницата во Козле се хоспитализирани 26 возрасни пациенти позитивни на Ковид-19 и 6 деца позитивни на вирусот.

Во ГОБ „8 Септември“ примени се 7 нови, вкупно хоспитализирани се 123 пациенти. На респираторна машина се 8 пациенти. Во болницата во Битола се хоспитализирани 39, а во болницата во Штип се хоспитализирани 36 пациенти. На инфективните одделенија во Тетово, Охрид, Велес, Куманово, Прилеп и Гостивар се хоспитализирани 87 пациенти – позитивни и сомнителни на Ковид-19.

Вкупната бројка на ковид-дијагностицирани во нашата земја од почетокот на епидемијата изнесува 6.625, бројката на оздравени пациенти е 2.748, на починати е 321. Во моментов бројот на активни случаи во земјата изнесува 3.556 лица, од кои над 2.000 се од Скопје.

Досега во земјата се направени вкупно 63.383 тестирања на Ковид -19.

(0 гласови)

Бразилскиот национален институт за вселенски истражувања "INPE" регистрираше над 2,200 пожари при прегледот на сателитските снимки во регионот на Амазонија во текот на мај.

Според информациите на Институтот, тоа е за речиси 20% повеќе во однос на истиот период од минатата година, односно регистрирани се најголем број на пожари од 2007-ма година.

Повеќе од 2 илјади квадратни километри шума се уништени во периодот од јануари до мај оваа година, што е поразителен податок.

 

Со почетокот на сезоната на суша во Амазонија, експертите и активистите за околина обично го вклучуваат алармот. Се претпоставува дека оваа година, поради пандемијата на коронавирусот, властите воопшто нема да вложат напори за да го следат овој проблем.

Критичарите исто така го обвинуваат претседателот Жаир Болсонаро дека ја поддржува „дефорестацијата“ и тактиката на „сечење и палење на шумите“.

Болсонаро, инаку десно ориентиран популист, во минатото не ја криеше идејата за економска експлоатација на Амазонија, а минатата година се најде на жесток удар на критики поради разорните пожари во „белите дробови на светот“.

 

Критичарите тврдат дека планот на Болсонаро е со уништување на шумите, да се отворат нови подрачја каде што ќе се развива земјоделството, сточарството и рударството.

Министерот за животна средина на Бразил, Рикардо Салес, неодамна изјави дека владата треба да го искористи фактот што вниманието на граѓаните е насочено кон коронавирусот и да се ублажат прописите за заштита на околината во подрачјето на Амазонија.

(0 гласови)

„Нема да има нов раст на заболени од коронавирус во Русија и светот“ - смета членот на Руската академија за науки, Генадиј Онишченко.

„Не треба да се зборува за нова пандемија на вирусот корона од овој тип, затоа што за седум месеци, колку што поминаа од првиот случај во Кина, не дојде до поголема мутација на генот (вирусот), ниту пак тоа ќе се случи. Тоа е специфично за овој вирус“ - изјавил Онишченко.

Според неговите зборови, САРС и МЕРС исто така не мутирале, како што е ситуацијата и со овој вирус.

„А, бидејќи тоа не се случува, во најдобар случај, наесен исто ќе имаме случаи на коронавирус, но нема да има пандемија“ - објаснил тој.

Тој исто така смета дека ниту сега не е забележан пандемиски скок на бројот на заразени од коронавирусот.

„До утрово во светот регистрирани се околу 10.3 милиони случаи на заболени, што за пренесување по пат на воздушно-респираторни капки е ништо.

Само во Русија годишно од грип се разболуваат во просек 6-7 милиони луѓе“ - објаснил академикот.

Притоа, како што вели тој, поради тоа што 40 отсто од заразените немаат никакви симптоми на вирусот, но се преносители и извор на заразата, треба внимателно да се однесуваме кон луѓето кои што се во поодминати години и кои што остануваат во ''зоната на ризик'' и мора да се почитуваат сите мерки за заштита од коронавирусот.

(0 гласови)

Претседателката на Европската комисија, Урсула фон дер Лајен, денес за следната недела закажала мини-самит со цел да се поттикне договор за пакетот за закрепнување на ЕУ од последиците на пандемијата.

На самитот на 8-ми јули, Фон Дер Лајен го повикала претседателот на Европскиот парламент, Давид Сасоли, Ангела Меркел, канцеларка на Германија, земјата која моментално претседава со ЕУ, и претседателот на Европскиот совет Шарл Мишел, соопштила Европската комисиија. 

Како што додала, постигнувањето на брз и амбициозен договор за пакетот за закрепнување во наредните недели ќе биде прв приоритет на ЕУ.

 

Лидерите на ЕУ ќе се сретнат на 17-18 јули, прв пат по избивањето на пандемијата лично, за да го разгледаат пакетот за закрепнување на ЕУ, вклучувајќи го дологорочниот буџет од 1,1 илјади милијарди евра и привремен инструмент од 750 милиони за борба со последиците од Ковид-19.

Целта на мини-самитот е пред тоа да дојде до единство и да се обезбеди лидерите на 27-те членки да постигнат договор.

 

Инаку, истиот ден кога се одржува мини-самитот, канцеларката Меркел во Брисел ќе ја претстави агендата на германското претседателство на Европскиот парламент.

 

Top