(0 гласови)

Пред салонот М -КАР  во Скопје Државна Лотарија додели  уште еден автомобил MINI ONE од инстант лозот МИНИ И МАКСИ.
Среќниот добитник на кој  ги предадовме клучевите од прекрасниот автомобил е Меридон Муртезани од Тетово.
Меридон ни ја раскажа неговата среќна приказна.

Имено, тој често купува инстант лозови, а на роденденот на неговата внука барајќи подарок за неа во трговскиот центар Палма мол во Тетово,  од  продажното  место на Државна Лотарија 

купиле само два лоза МИНИ И МАКСИ. Еден од двата лоза му донел три исти симболи и посакуваниот автомобил MINI ONE. 
Меридон пресреќен за добивката вели дека кој игра тој и добива и дека не престанува тука со игрите на среќа на Државна лотарија.

Dobitnik MINI oNE 2


Тој го напушти салонот со новиот автомобил кој ќе го вози низ улиците на Тетово.

 Инстант лозот МИНИ и МАКСИ во продажба е од 06.09.2019 година, a како главни добивки од овој инстант лоз се 10 автомобили  BMW X1 и 5 автомобили MINI ONE. 

Покрај автомобилите лозот нуди можност и за многу парични добивки. Не пропуштајте ја шансата за МИНИ инвестиција од 80 денари да дојдете до МАКСИ добивка со инстант лозот МИНИ и МАКСИ. 

(0 гласови)

Милитантите во Сирија се обиделе со дронови да ја нападнат руската авиобаза Хмејмим, соопштиле од Министерството за одбрана од Русија, меѓутоа рускиот ПВО реагирал навреме и ги уништил воздушните мери.

„Russia today“ пренесува дека рускиот противвоздушен ракетен систем успеал да го одбие нападот. По нападот се огласило и руското министерство за одбрана кое ја објавило следната изјава:

„Три воздушни мети со мала величина се приближија на рускиот воен објект на североистокот, вчера навечер 19-ти јануари 2020-та година. Ги открија руските противвоздушни ракетни системи во воздухопловната база Хмејмим. Воздушните цели се уништени на сигурна оддалеченост од базата. Нема жртви или пак материјални штети. Руската база продолжува да работи како и вообичаено“.

Според истражувањата, руската војска во текот на 2019-та година уништила најмалку 58 беспилотни летала и 27 ракети додека се борела со одбивање на нападите на воздушната база.

Погледнете го видеото:

(0 гласови)

1ТВ по долго време откако излезе аферата со случајот Рекет, се огласија на социјалните мрежи.

– Нашата прва објава ја посветуваме на Бојан Јовановски, човекот кој ја создаде 1ТВ и се бореше секој вработен да има достоинствен третман, човекот кој беше другар со секој вработен во телевизијата, сведоци сме на фактите кој бил и како бил, стои во соопштението.

Велат дека целата јавност ќе биде изненадена од позадината и вистината за Рекет.

– Како беше изреката, вистината е како шило, а тоа шило ќе го дупне надуениот балон за Рекет, стои во соопштението до јавноста.

(0 гласови)

Три ракети од типот „Качуша“ паднаа во Зелената зона во близина на американската амбасада во ирачкиот главен град Багдад.

Британската новинска агенција „Ројтерс“ утринава пренесе дека нови експлозии одекнале во таканаречената Зелена зона во Багдад каде што се сместени бројни амбасади.

„Раша Тудеј“ пренесува дека најмалку две експлозии одекнале во околината на Зелената зона, односно во близина на американската амбасада, но засега нема информации за можни повредени или жртви.

„Од амбасадата се слушаат сирени“, открил извор за рускиот медиум, а на ЈуТјуб се појавија и видео снимки направени од местото непосредно по ракетирањето.

Ова не е прв пат да се гранатира Зелената зона во Багдад во последниве неколку месеци. Меѓу другите, воената база „Таџи“ беше мета на напади на 14-ти јануари, а претходно на 8-ми јануари одекнаа две силни експлозии во Багдад. Зелената зона беше мета на напади и на 5-ти јануари кога беа повредени неколку лица.

 

(0 гласови)

Засега непознат хакер на „Дарк Веб“ објавил листа со лозинки на преку 500.000 сервери, рутери и паметни уреди.

Листата објавена на популарниот форум за хакирање, вклучува IP адреси, кориснички имиња и лозинки.

Останува нејасно колку податоците се веродостојни, бидејќи сите списоци датираат измеѓу октомври и ноември, 2019-та година.

Меѓутоа, експертите предупредуваат дека, дури и IP адресите и лозинките да се ажурирани или променети, добро обучените хакери и понатаму можат да ја искористат сличната „ранливост“ на другите уреди групирани на ист ISP.

(0 гласови)

Во Министерството за надворешни работи започната е внатрешна постапка, преку која треба да се утврди дали имало злоупотреби при набавката на пасошите, изјави во понеделникот техничкиот министер за внатрешни работи Наќе Чулев, по медиумските извештаи за курупција во изност од над 12 милиони евра при набавките на новите пасоши.

„Во однос на пишувањата на одредени медиуми за незаконист во постапката за набавка на пасоши, тоа што во моментов можам да потврдам е дека во рамки на Министерството за внатрешни работи во тек е интерна постапка која треба да утврди дали постојат одредени елементи кои укажуваат на можни злоупотреби при набавката на патни исправи. За сите недоследности кои би се утврдиле ќе биде покрената соодветна постапка за што јавноста би биле информирана“, изјави Чулев.

Претходно, порталот Вечер објави документација според којашто спротивно на прописите со германскиот изработувач на пасошите, кој е единствени понудувач била потошана Одлука за измени од претходната Одлука за јавната набавка која од се зголемила за околу 12 милиони евра нови пари. Така, повеќе не биле 7 туку се 19,5 милиони евра за плаќање за пасошите, колку што побарале од „Veridos GMBH“. Со други понудувачи воопшто не се ни разговарало, а со леснотија се доддаени нови 12,5 милиони евра на претходните 7 за иста набавка, или цената на тендерот е зголемена за околу 170 отсто.

 

(0 гласови)

Речи си две третини од граѓани сметаат дека Македонија нема соодветен пристап во справувањето со загадувањето на воздухот, покажува последното истражување на јавното мислење кое за Детектор го спроведе Институтот за политички истражувања Скопје.

Според него, 62,6% од граѓаните се на став дека земјава нема соодветен пристап во борбата со загадувањето, додека 18,1% се со спротивно мислење.

Споредбата со истражувањето кое ИПИС за Детектор го спроведе во јануари минатата година, покажува дека перцепцијата на граѓаните се влошила. Ако лани во истиот период 26,7% сметале дека земјава има соодветен пристап во справувањето со загадувањето, сега тој процент на граѓани паднал на 18,1%. За сметка на тоа, се зголемил бројот на граѓани кои сметаат дека Македонија несоодветно се справува со загадувањето. Од 58,7% во јануари минатата година, бројот на граѓани кои сметаат дека Македонија нема соодветен пристап за справување со загадениот воздух се зголемил на 62,6%.

Во Скопје, еден од најзагадените градови во Македонија уште поголем процент на граѓани се убедени дека државата не знае да се справи со загадувањето. Анкетата покажува дека 78% од граѓаните од Скопје сметаат дека државата нема соодветен пристап во борбата со загадувањето, додека 11,4% имаат спротивен став.

(0 гласови)

Министерката за финансии Нина Ангеловска денеска порача дека Буџетот е во добра кондиција и оти финансиите се стабилни. Апелираше до политичките субјекти да се однесуваат одговорно и интересите на граѓаните да бидат пред политичкото поентирање и медиумското внимание.

На прес-конференцијата во Владата, Ангеловска рече дека реализацијата на вкупни приходи изнесува 97 проценти и оти се очекува и годинава да има одлична реализација на приходната страна, а редовно се сервисира и расходната страна.

Таа посочи дека ќе продолжи редовната исплата на пензиите кои ќе бидат и зголемени, а ќе бидат исплатени и повисоки плати во образованието и здравството. Старите долгови редовно ќе се исплаќаат, а аукциите на државните хартии од вредност се одвиваат согласно однапред утврдениот календар. Јавниот долг е стабилен и изнесува 47, 7 проценти.

До крајот на месецот, како што најави Ангеловска, треба да биде готова и платформата за јавен долг која ќе овомозжи јасен преглед на целокупниот долг.

Според Ангеловска, со добра динамика се одвива и проектот за субвенционирање на платите, како и повратот на ДДВ кон фирмите. Само во првите 16 дена од месецов исплатени се 926 милиони денари поврат на ДДВ кон фирмите. Одлични резултати, како што рече Ангеловска, дава и мерката за поврат на ДДВ кон граѓаните. Нова исплата се очекува веќе следниот месец, а преку наградната игра која е надполнување на мерката, досега се доделени награди во вредност од 1,8 милини денари.

Соработката со заменичката министерка за финансии во техничката влада, Ангеловска ја оцени како професионална, коректна и на солидно ниво.

Заменик-министерка за финансии од редовите на опозицијата Гордана Димитриеска Кочоска денеска во контрареакција на прес-конференцијата на министерката Нина Ангелосвка праша зошто се оди кон задолжувања, ако Буџетот е во добра кондиција.

На прес-конференција одржана по онаа на министерката за финансии, Димитриеска Кочоска рече дека не се земаат кредити ако има ликвидност на Буџетот.

- Дали таа зема кредити за да има одредена комоција, а после тоа чека да дојде денот да врати друг кредит и при тоа плаќа и камата на кредитот кој што го земала, а ја плаќа каматата и на кредитот којшто ќе го раздолжи во некој иден период – запраша заменик-министерка за финансии.

Таа ја праша министерката за финансии зошто повратот на ДДВ од 15 милиони евра го извршиле во јануари, наместо во декември.

- Дали на овој начин ја изманипулира јавноста со процентот на наплата на данокот на додадена вредност? Воедно ја прашувам зошто фирмите мораше да чекаат подолго време да си го добијат својот поврат на ДДВ, иако знаеме дека сите тие се борат со проблемот со ликвидност – рече Димитриеска Кочоска.

Во однос на изјавата на Ангелова, дека каматните стапки се ниски, а во минатото биле високи, дополнителната заменик министерка потсети дека каматните стапки се формираат на меѓубанкарскиот пазар на пари каде што еуриборот е основата на која што се додава одреден процент на ризик и на основ на тоа се формираат каматните стапки. Во моментот еуриборот е во минус, а, како што нагласи Димитриеска Кочоска, ние повторно плаќаме позитивни камантни стапки.

- За она што го кажа Ангелова, дека побарувачката за државните записи на 14 јануари била многу поголема отколку понудата, ќе посочам дека ова е жално да го каже министер за финансии од причина што кога банките имаат вишок на ликвидност – да, тие даваат поголема побарувачка, бидејќи немаат каде да ги пласираат парите, а зошто немаат каде да ги пласираат парите заради тоа што фирмите тонат. Да ги погледнеме податоците од Народна банка и да видиме какви реструктуирања прават во кредитите, тонат во проблеми со ликвидност, немаат никаков интерес за инвестирање од оваа хаотична бизнис-клима и токму заради тоа побарувачката на 14 јануари беше толку повисока во однос на понудата – констатираше заменик-министерка за финансии.

Во врска изјавата на Ангелова, дека имаат професионална и коректна соработка со дополнителната заменик-министерка, Димитриеска Кочоска рече дека сите барања кои ги има упатено до министерката не се одговорени.

(0 гласови)

Седумдесет и пет затвореници избегале од затвор во источен Парагвај, во непосредна близина на границата со Бразил, соопштија локалните власти, цитирани од Би-Би-Си.

Има сомнежи дека многу од затворениците биле пуштени од чуварите слободно да минат преку централниот влез на затворот.

Откриен бил и тунел, но властите сметаат дека тој може да им послужил само како покритие за бегството.

Десетици од избеганите затвореници му припаѓале на најголемиот криминален синдикат во Бразил. Овој синдикат од Сао Паоло, што брои приближно 30.000 членови, се занимава со шверц на наркотици и оружје во Бразил, како и во Парагвај, Боливија и Колумбија.

По проверка на целиот затворски комплекс, лоциран во источниот град Педро Хуан Кабалеро, во неделата, полицијата открила дека цело едно крило со членови на бразилската банда е испразнето. Во една од ќелиите се најдени околу 200 вреќи со песок.

Парагвајскиот министер за внатрешни работи Евклид Асеведо изјави дека е јасно дека затворските чувари се замешани во бегството.

- Откривме тунел и сметаме дека бил покритие за ослободувањето на затворениците. Имало соучесници кои работат во затворот, рече Асеведо.

Според него, има информации дека затворениците биле пуштани надвор во помали групи во текот на последните неколку дена и тоа се случувало додека директорот бил на годишен одмор.

(0 гласови)

Откако имаше инцидент по скокањето на крстот во Штип, каде врниците кои скокаа се “тепаа“ за него па попот реши да го остави во црквата следеше скандал и во Валандово. Попот во Валандово 3 пати го фрлаше крстот. По два неуспешни обида, бидејќи скокнале непријавени учесници, тој им се обрати со погрдни зборови на присутните и по третпат го фрли крстот. „Багра народ сте, срам да ви е“-рече попот.

 

Top