Таа е дефинитивно најбрзо растечкиот талент на светската техно сцена. Deborah De Luca е на бесконечна светска турнеа додека во исто време ја раководи својата издавачка куќа Sola mente records каде ја пласира музиката што ја продуцира...

Во моменти кога е на самиот врв во оваа индустрија и настапува на најголемите и најважните подиуми ширум светот Deborah De Luca повторно решава да го стави Скопје како една од последните станици од оваа година. Со овој гест таа покажува почит кон една од најдобрите публики во Европа, публика која таа почит ја заслужи на претходните настапи во нашата земја и со право ја стави на пиедесталот на омилени музичари кои некогаш настапувале кај нас.

Deborah de Luca1

Таа е миленик кај повеќе генерации, а моментално е една од најабараните артисти, неодамна шпански Vogue (https://www.vogue.es/living/articulos/conoce-a-la-dj-italiana-deborah-de-luca-la-gran-reina-actual-de-la-musica-techno) ја опиша како “ Италјанската Dj-ка Deborah de Luca, една од денешните најголеми кралици на техно музиката“.

Настанот ќе се реализира на 28 декември во големата сала на А1 Арена (екс. сала Борис Трајковски) со почеток од 22:00 .Влезниците во претпродажба се со промотивна почетна цена од 600 денари.

Македонија предновогодишно ќе има можност да се забавува со урбан звук како примерот на големите светски метрополи, а за заокружување на оваа урбана приказна најавуваме беспрекорна организација со високи стандарди која за момент ќе Ви овозможи да се чувствувате како да сте дел од најголемите музички настани во светот.

Deborah de Luca3

Саудиска Арабија планира во северозападниот дел од земјата да го изгради Неом, градот на иднината во кој не би важеле строгите исламски закони и во кој жените би имале исти права како и во западните земји.

Проектот позади кој стои принцот престолонаследник Мухамед бин Салман вреден е 500 милијарди долари и замислен е како место во кое исламското кралство би можело да организира спектакуларни спортски настани како трките Формула 1 или пак бокс натпревари за титулата првак.

Градот на иднината би требало да биде завршен до 2030-та година. Тамошните власти уште пред две години кога бил направен проектот за градење на градот на иднината, ангажирале голем број експерти за јавните служби од целиот свет како советници на проектот кои би требало да бидат десна рака на принцот престолонаследник.

 

Кога градот ќе биде изграден, тој ќе функционира како целосно независен од остатокот на таа земја. Во него за двата пола ќе важат истите правила како и во западните земји, а неговите жители ќе можат да уживаат и во алкохол.

Во Тијад веруваат дека градот на иднината од 2030-та година би можел да им помогне во намалување на зависноста од нафта. 

Руските медиуми објавиле дека станува збор за Дмитриј Обрететски, 49-годишен тајкун.

Рускиот милијардер, тајкун кој живеел во Велика Британија, загинал кога го удрил автомобил додека го шетал кучето во Сури. Во несреќата учествувале три возила. 

Полицијата во Сури објавила дека бил удрен маж на возраст од околу 40 години и дека подоцна починал. Руските медиуми објавиле дека станува збор за Дмитри Обрететски, 49-годишен тајкун.

Некои руски медиуми денес ги објавиле сомненијата на неговите пријатели. Павел Бoровков се прашува дали несреќата била случајно или не.

"Life" пишува дека Обрететски е долгогодишен жител на Велика Британија, но дека често одел работно во Русија.

 

"Знаете, луѓето во Велика Британија возат автомобили многу внимателно...не ја исклучуваме можноста ова да се случило намерно", навел Бoровков.

Во несреќата учествувале три автомобили, а полицијата и натаму трага по информации за несреќата.

 

Несреќата се случила на 25-ти ноември, но вчера била потврдена во медиумите.

Да потсетиме, во Велика Британија се случиле серија мистериозни смртни случаи на истакнати Руси. Бадри Патаркатшвили умрел во Ледерхед во 2008-ма, Александар Периплични потоа умрел во 2012-та во Вејбриџ, а Борис Березовски во Аскот во 2013-та година.

 

 

Посетителите на Поинт Робертс прво мора да минат низ Канада за да влезат во САД. Овој град со вкупно 1.314 жители зазема површина од 12,65 километри квадратни километри, а и припаѓа на државата Вашингтон. 

Поинт Робертс е таканаречена пен-ексклава, односно, дел од територијата на една земја, до која со конвенционални средства може да се дојде само преку територијата на друга држава.

За да се дојде до Поинт Робертс, кој се граничи со Канада и водите на Заливот Баундари, потребно е да се минат 40 километри преку Канада.

Поинт Робертс е град со празни плажи и десетина бензински станици. Посетителите надвор од регионот ретко проаѓаат низ ова место. Ова во суштина е оградена заедница која ја чува американската влада.

Кога се воспоставила американско-канадската граница во 1846-та година на 49-тата северна паралела, линијата го пресекла канадскиот полуостров, оставајќи вишок територија на САД на долниот дел, на околу 40 километри јужно од Ванкувер. Освен ретките кои доаѓаат во Поинт Риверс со авион или брод, останатите доаѓаат со автомобили од Канада.

Локалниот историчар Марк Свенсон истакнува дека Поинт Робертс не настанал како превид. Овој дел од територијата им овозможил на САД вредни права за рибилов и им обезбедил стратешко место на пацифичкиот северозапад.

Со децении оваа територија и била на располагање на американската војска, но во 1908-ма година било одлучено да им се додели на доселиниците, во главно оние од Исланд.

Денес Поинт Робертс е пошумена, рурална заедница, во која освен луѓе и орки престојуваат и стотина белоглави орли.

Посетителите кои доаѓаат големиот Ванкувер со популација од 2,5 милиони жители, велат дека одмораат во истиот момент кога стапнуваат во Поинт Робертс, во кој освен супермаркети и неколку продавници, нема ништо друго.

Постојат гласини дека Поинт Робертс е популарно место за населување на сведоци заштитени со федерална програма и дека некои од нив добиле и нов идентитет и сместување баш во овој дел од светот. Канада има посебно строг закон и им забранува влез на оние со криминално досие, што е дополнителна заштита за наводните сведоци, бидејќи сите кои влегуваат во Поинт Робертс мора да минат низ Канада за да влезат во САД.

Поинт Робертс не е единствена американска енклава од овој вид. Тука се Алјаска, делови од Минесота како Нортвест Енгл и Елм Поинт, Алберг во Вермонт и Провинс Поинт.

 

Весникот „Монд“ пишува дека руски шпиони ги користеле Француските Алпи како главен камп за операции во Европа. 15 припадници на руското воено разузнавање биле активни на континентот од 2014 година, а последен пат преминале преку Франција во септември 2018 година.

Разузнавањето на Франција, Швајцарија и Велика Британија презеле операции за потрага по руските шпиони. Еден од тие 15 агенти бил идентификуван од британските служби како еден извршителите на нападот во Солсбери во март минатата година во кој беа затруени Сергеј Скрипал и неговата ќерка Јулија. Шпионите, според весникот дејствувале во Велика Британија, Бугарија, Црна Гора, Крим и Молдавија.

Бриселскиот портал “Politico“ направил годишна листа на најмоќните луѓе во Европа или пак листа на луѓе кои во 2020-та година би можеле да го обликуваат Стариот континент.

На врвот на листата е францускиот претседател Емануел Макрон додека пак останатите 27 луѓе од листата се сместени во три категории кои се претставени во три видови моќ - луѓе од акција, негативци и сонувачи.

Како што наведуваат, овогодишната листа се состои од луѓе со најголема моќ и влијание во европската политика и политиката општо, а на која се наоѓаат 19 мажи и девет жени, односно 20 политичари, четворица активисти, тројца јавни функционери и една личност од технолошкиот сектор.

На врвот на листата, како што спомнавме е Макрон, а како што наведуваат тие, тој го искристил “вакуумот“ кој настанал поради Брегзит и слабоста на Германија и кој го разбесни Европскиот парламент кога го критикуваше европскиот систем и се обиде да го “саботира“ изборот на Урсула фон дер Лајен.

 

Веднаш позади него на листата е Маргарет Вестагер од Данска која е сместена во групата луѓе од акција, а која добила втор мандат во Европската комисија како комесар за конкуренција.

Во категоријата “луѓе од акција“ ставени се и претседателката на Европската централна банка, Кристин Лагард, рускиот претседател Владимир Путин, британскиот премиер Борис Џонсон, германската канцеларка Ангела Меркел, претседателката на ЕК Урсула фон дер Лајен, ирскиот премиер Лео Варадкар, поранешниот и веројатно иден австиски канцелар Себастијан Курц и европскиот комесар за трговија Фил Хоган.

 

Во категоријата “негативци“ се нашле девет луѓе каде што првото место го има советникот на британскиот премиер Доминик кој е познат поради тоа што на Британија ѝ приреди шок во 2016-та година така што се открило дека бил мозокот за компанијата за излегувањето од ЕУ.

На второто место е лидерот на германската политичка партија “Зелени“, Роберт Хабек.

На листата на “негативци“ се наоѓаат и извршниот директор на Фејсбук, Дејвид Маркус познат по тоа што се обидува да ја наметне крипто валутата, лидерот на италијанското движење Матео Ренци, шкотската премиерка Никол Старџеон, шефот на германската агенција за заштита на податоци Јоханес Каспер, францускиот левичарски ориентиран политичар Франсоа Руфин, првата словенечка претседателка Зузана Чапутова.

 

Местото во оваа категорија го заслужил и поранешниот италијански министер за внатрешни работи и лидер на десничарската партија „Лига Север“, Матео Салвини.

Во категоријата на сонувачи на првото место е активистката Грета Тунберг. Исто така тука се наоѓа и унгарскиот премиер Виктор Орбан за кој се вели дека е предводник на национализмот во ЕУ, францускиот министер за финансии Бруно ле Мер, Германката Карола Рекетер која станала позната поради тоа што спасувала мигранти кај италијанското крајбрежје, генералниот секретар на Европскиот парламент Клаус Веле и британската комесарка за информации, Елизабета Деам.

На оваа листа исто така се придружил и германскиот писател и изведувач Гоц Хубичек кој го сметаат за гуру во паритјата AfD, германскиот министер за финансии Олаф Шолц и работник од фирмата “Delivero“, Жан Даниел Замор.

Порталот “Politico“ образложил дека на листата можеби не се наоѓаат највлијателните луѓе во Европа туку оние кои имаат важно и неочекувано влијание во неа.

За време на неодамнешното привремено затворање на Белата куќа поради безбедносни предупредувања, американските новинари открија систем на против-ракетна одбрана на покривот на Белата куќа.

Зградата на Белата куќа во Вашингтон беше затворена на 26-ти ноември откако неидентификуван авион навлезе во воздушниот простор на американската престолнина. Истовремено, неколку американски борбени авиони тргнаа кон Вашингтон. Подоцна, американската команда за воздухопловна одбрана на Твитер објави дека авионот не се смета за непријателски.

За време на затворањето, американските медиуми известуваа од Белата куќа за развојот на ситуацијата. Продуцентот на "CBS", Сара Кук на Твитер објави фотографија на која се гледа систем за против-воздушна одбрана на покривот на зградата пред резиденцијата на американскиот претседател.

Американските медиуми пренесуваат дека на фотографијата може да се види ракетниот систем земја-воздух „Авенџер“ кој е опремен со осум ракети од типот „Стингер“. Дизајниран е за заштита на американските сили од воздушни удари на мала висина.

Со оглед на тоа што бројни терористички организаци и криминали започнуваат да користат беспилотни летала, се чини како логичен потегот владините и претседателските објекти да бидат заштитени со ваков тип на одбрана.

Снимката настанала во Бакингемската палата, а тројца лидери зборувале за тоа зошто Макрон доцнел.

На интернет се појавила снимка на која се слуша како светските лидери, вклучувајќи ги премиерите на Велика Британија и Канада, Борис Џонсон и Џастин Трудо, и претседателот на Франција Емануел Макрон, го озборуваат американскиот претседател Доналд Трамп на отворањето на НАТО самитот во Лондон. 

На снимката, која настанала во Бакингемската палата, тројцата лидери зборуваат за тоа зошто Макрон доцнел на самитот во Лондон, на кој се одбележуваат и 70 години од настанувањето на алијансата.

"Затоа доцнеше?", го прашал Џонсон Макрон, пред да се вклучи и Трудо.

"Доцнеше бидејќи водеше 40-минутна прес конференција", рекол Трудо, алудирајќи на состанокот Макрон-Трамп на почетокот на денот.

Трудо потоа дода: "О, да, да. Најави..." пред да го пресече Макрон. Тој е завртен со грб кон камерата и неговите зборови се нечујни.

Премиерот на Канада потоа направил уште една смешна забелешка по повод прес конференцијата.

 

"Гледавте како членовите на неговиот (мислејќи на Трамп) тим останаа без текст", рекол Трудо.

Иако тројцата заедно не кажале за кого зборуваат, нивниот разговор веројатно се однесувал на американскиот претседател, кој е познат по своите долги и бурни прес конференции.

Кралицата Елизабета Втора во вторникот навечер ги примила светските лидери во Бакингемската палата, каде и настанало ова видео.

Шефовите на државите и владите во Лондон слават 70 години од НАТО, а иако тоа можеби е добра можност за сликање со кралицата, на самитот всушност се одвива вистинска семејна драма, пишува DW.

 

Како што се наведува, оној кој своето семејство го нарекува мозочно мртво, како Макрон, кој тоа го повторил и во Лондон, не може да се надева ништо друго освен - молчење на масата или вистинска семејна расправија. 

Клаудија Мејџор, која веќе со години во Фондацијата за наука и политика во Лондон ја истражува одбранбената политика на Европската унија, за DW вели дека францускиот претседател сакал да поттикне дискусија - но, дека е сосема друго прашање дали тоа го направил на конструктивен начин.

 

Таа оценува дека Макрон е нетрпелив политичар кој смета дека треба "да се побрза во средбата со иднината", па се определил на драстични зборови.

"Ен марче! Така во 2017-та година успеал како аутсајдер да стане претседател на Франција. И својата биографија, во свој типично нескромен манир ја нарекол "Револуција". И сега тој сака револуција во европската одбранбена политика. Бидејќи според неговото мислење, од Американците како гарант на атлантско-европската безбедност нема многу корист", рекла Мејџор.

 

Професорот на парискиот универзитет Сјенс Фредерик Ансел смета дека неговата стратегија до некаде и успеала бидејќи неговите претерани изјави предизвикале реакција од Германија, што било и целта - да се поттикне дебата, јасно да се заземе позиција, а посебно тоа да го направат Германците.

Клаудија Мејџор додава и дека европските партнери се лути поради солирањето на Макрон и го обвинуваат дека сака да зборува во името на Европа, но не и да разговара со Европа.

Таа смета дека во Полска или Балтичките држави неговите зборови се сфатени како закана, бидејќи во тие земји НАТО важи како единствено животно осигурување против големиот заканувачки руски сосед.

Во Германија, реакцијата исто така била одбивна.

Лош тајминг, смета Клаудија Мејџор - кога во Франција во 2017-та година Маркон станал претседател, во Германија се одвивала предизборна кампања. По изборите биле потребни уште шест месеци за да се оформи влада.

Како што се вели, авторитетот на канцеларката Ангела Меркел паѓа, а коалицијата која таа ја предводи е се понестабилна.

"Тоа се гледа и по дебатата за мозочната смрт на НАТО", вели Мејџор и додава дека Франција и Германија и онака се традиционално неслогласни, како и дека во Франција се скептични кон НАТО и сметаат дека можеби би можеле и без Американците, додека Германците многу се потпираат на Вашингтон.

Се знае дека многу НАТО-дипломати зад затворени врати се согласуваат со Маркон.

Сепак, како што се наведува, НАТО, чисто воено гледано, изгледа добро - тоа и натаму е најмоќниот воен сојуз во историјата, а одвојувањата за одбрана на земјите членки прв пат се зголемуваат во последните 25 години, што нагласил и генералниот секретар на НАТО, Јенс Столтенберг, но тој го игнорира реалниот проблем, а тоа е недостигот на политичко насочување.

Германскиот министер за одбрана Хајко Мас сака да формира комисија од експерти која на НАТО пактот во наредните месеци би требало да му даде ориентација.

Ни францускиот експерт за геополитика, Фредрик Ансел, ни германската научничка Клаудија Мејџор не сметаат дека една комисија може да го среди повеќегодишниот проблем - Мејџор смета дека таква комисија би можела да биде само потребна мерка за деескалација.

DW заклучува дека расправијата семејната маса е непријатна и се прашува уште колку долго НАТО ќе го игнорира својот проблем.

На пролет, Зоолошка градина Скопје ќе биде збогатена со уште една содржина која ќе ги анимира најмладите посетители. За првпат кај нас ќе се изгради детски „Авантура парк“ со адреналински и рекреативни содржини за деца.

„Сакаме Скопје да го има овој парк. Многу европски и светски метрополи имаат авантуристички паркови во природа. Тоа е парк кој служи истовремено за забава и физичка активност за деца над петгодишна возраст. Ќе содржи реквизити со различни нивоа на предизивик- лавиринти, дрвени куќарки, јажиња со препреки и многу други интересни содржини со загарантирана безбедност. Со децата ќе работат луѓе кои се обучени за тоа. „Авантура парк“ ќе биде донација од Агенцијата за млади и спорт, а со директорот Дарко Каевски и градоначалникот на град Скопје, Петре Шилегов одлучивме бесплатно да го отстапиме на сите основни училишта во делот на физичкото воспитување за деца од 6 до 15 години. Проектот е во изработка и се надеваме дека на пролет, Скопје ќе го добие еден од најубавите авантуристички паркови во регионот“- изјави директорот Ѓорѓи Галетановски.

avantura

avantura2

Top