(0 гласови)

Специјалниот пратеник на американскиот државен секретар за Западен Балкан Метју Палмер не ја исклучува можноста за размена на територии меѓу Србија и Косово.

„На страните е да ги одредат параметрите на дијалогот“, изјави тој во интервју за порталот „ЕУ обзервер“. 

На прашањето во врска со можноста за размена на територии, тој вели: „Она што ние го поддржуваме е страните да најдат начин да се вратат на преговарачката маса и да пројандат пат кон нормализација на односите, идеално би било со заемно признавање“.

Палмер не одговорил на прашањето за тоа дали позицијата на САД е спротивна од германскиот став дека размената на територии би можело да го дестабилизира регионот.

(1 Гласај)

Невообичаена постапка за лице за кое е распишана потерница. Младото момче кое српската полиција го доведе во врска со ликвидацијата на еден од водачите на Партизан - Љубомир Марковиќ Кича (39), на 1-ви ноември минатата година лоцирано било во главниот град на Грција.

„Осомничениот е поврзан со директно убиство и по него издадена е потерница. Него неодамна грчката полиција го уапси, но набрзо беше пуштен затоа што наводно за него немало докази. Ова е крајно невообичаена постапка за лице по кое е распишана потерница, особено за најтешко кривично дело, да биде пуштен на слобода“ - вели извор од истрагата.

Од неофицијални извори, момчето е син на познат бизнисмен, но веќе некое време е во круг на проблематично друштво и станал близок со еден човек од најсилната навивачка група.

 

„Мотивот за убиството на Марковиќ на директиниот извршител не е негова материјална корист. Тој прифатил да ја “заврши оваа сурова работа“ за да се докаже на навивачкото милје и да се искачи на повисоко место во нивната хиерархија. Нападнатиот Марковиќ и осомничениот се знаеле лично од стадионите па Кича го препознал. Знаел што сакаат да му направат и кој би можел да стои позади тој злочин затоа и почнал да бега и не се обидел да се одбрани и да пука со пиштол иако и тој бил вооружен“ - тврди изворот.

Извршителот по убиството се “засолнил“ во Грција каде што престојува веќе подолго време.

„Напаѓачот бил добро запознат и со движењето на жртвата, но имал и други важни информации, кој ќе биде со Кича во моментот на нападот и каде треба да бега. Веројатно имал и логистичка поддршка за брзо да се оддалечи од местото на злосторот“ - вели соговорникот. 

(0 гласови)

Потпретседателот на СДСМ и пратеникот Мухамед Зекири, во синоќешната емисија “Отворено” на Телевизија 24 рече дека СДСМ е спремна за предизборна коалиција со сите партии на Албанците, освен со ДУИ.

-Ние сме отворени за соработка со сите политички партии на Албанците во земјава, освен со ДУИ, нема шанса со нив да се оди заедно во предизборна коалиција. Тоа е исклучено како можност и нема да се случи, рече Зекири.

Тој додаде дека за останатите партии вратите се отворени.

(0 гласови)

До 12 март на полноќ партиите треба да ги достават изборните листи за шестте изборни единици за претстојните предвремени парламентарни избори, кои треба да се одржат на 12 април, согласно роковникот, кој го објави Државната изборна комисија за активностите во пресрет на изборите. Проверени кадри, од партиските јадра ќе бидат носители на изборните листи, кои се уште официјално не се соопштуваат, но и нови лица на листите најавуваат партиите, кои деновиве ги кројат изборите листи за претстојните избори.

Власта и опозицијата веќе најавија до кога планираат да ги објават носителите на листите, но и останатите кандидати за пратеници. СДСМ планира имињата да ги оболодени по Конгресот, кој треба да се одржи во периодот од 8 до 12 март, а ВМРО-ДПМНЕ носителите ќе ги објави на 5 март, а другите кандидати не подоцна од 10 март.

Во СДСМ веќе е почната процедурата околу кандидирањето на идните кандидати за пратеници, а носителите на листи ќе бидат познати по Конгресот на партијата.

Портпаролот на СДСМ Костадин Костадинов вчера посочи дека Конгресот треба да се одржи од 8 до 12 март и оти сега е неблагодарно да шпекулира со било какви информации.

– Процедурата околу кандидирање и евидентирање на идните кандидати за пратеници секако дека е отпочната. СДСМ дава можност на базата од последната клетка на партиското функционирање, а тоа се месните одбори, да предлагаат нивни кандидати од местата од каде тие се наоѓаат и како отворена партија даваме можност за сите кои ги препознаваат политиките на СДСМ по пат на самокандидирање да поднесат кандидатури во партијата. Околу носителите на листи ќе очекуваме кога ќе дојде ред на Конгресот на СДСМ, кој е највисок орган на одлучување на партијата да бидете запознаени, пред тоа би било неблагодарно и непринципиелно од една одговорна партија да шпелулира со било какви информации, изјави Костадинов.

Генералниот секретар на партијата, Љупчо Николовски неодамна во интервју за МИА нагласи дека работна група во која ќе бидат вклучени и надворешни експерти од различни области ќе состави ранг листа на кандидати за пратеници од редовите на СДСМ, по претходно строго утвдени критериуми од страна на партиското раководство.

Конечната одлука за тоа кој од партијата ќе биде на листата пратеници, ќе биде донесена на Конгресот. Тој додаде дека имињата на кандидатите ќе стигнуваат од базата, од месните и општинските одбори, од Извршниот одбор и Градската организација, но постои и можност и за самокандидирање.

Лидерот на ВМРО-ДПМНЕ Христијан Мицкоски, пак, вчера истакна дека до 5 март ВМРО-ДПМНЕ се очекува да ги објави имињата на носителите на кандидатските листи во шесте изборни единици во земјата за претстојните предвремени парламентарни избори, додека останатите имиња од листите не подоцна од 10 март изјави денеска лидерот на партијата Христијан Мицкоски.

– Најголем дел луѓе за првпат би се нашле на листи, но ќе има и такви чие што искуство е потребно во рамките на пристојно функцонирање во Парламентот, изјави Мицкоски.

Генералниот секретар на ВМРО-ДПМНЕ и шеф на Републичкиот изборен штаб на партијата неодамна во Игор Јанушев во интервју за МИА, пак посочи дека на листите на партијата ќе има некомпромитирани кадри кои ќе се борат за обнова и за подобар живот во Македонија.

Постапката за избор на пратеници е во тек, истакна Јанушев неодамна во интервју за МИА, кој не сакаше да споменува имиња, но вели дека „ќе има многу нови кадри, но ќе биде застапено и искуството”.

-Заеднички именител ќе биде тоа што понудата за пратеници ќе биде таква каква што на граѓаните им е потребна и каква граѓаните бараат. Со интегритет, чесни, со искрени намери да работат за Македонија. При изборот важни ни се анкетите кои континуирано ги работиме, но и мислењето на базата односно општинските комитети кои постојано се на терен. Ќе имаме некомпромитирани кадри кои со срце ќе се борат за обнова и подобар живот во Македонија. Обновата ќе ја донесат луѓе со кредибилитет за кажаниот збор. Тоа е нашата обврска, истакнува Јанушев.

ДУИ, како што посочи лидерот на партијата Али Ахмети, пак, во врска со тоа дали на кандидатските листи за претстојните избори ќе се најдат веќе искусни пратеници, рече дека дека ќе се направат истражувања и анализи во рамки на партијата и оти ќе предложат кандидати кои ќе бидат прифатливи за нивните гласачи, но и за сите граѓани.

Изборната кампања, која трае 20 дена, според роковникот на ДИК, ќе започне на 23 март, а ќе заврши на 10 април на полноќ.

(0 гласови)

Дуа Липа (24), британската пејачка со албанско потекло, го честитала Денот на независноста на самопрогласената република Косово.

Овој нејзин потег предизвика лавина негативни коментари од Србите.

Пејачката на својот Инстаграм профил објави фотографија под која напиша: „12 години независност. Постои само една земја, останатите се нијанси“, пишува под фотографијата.

Оваа јавна порака предизвикала бес кај нејзините следачи, а голем број Срби кои ја почитуваат и ја сакаат нејзината музика, луто ѝ одговориле дека Косово е дел од Србија.

 

„Косово е Србија“, „Врати се во Србија“, „Како да не“, „Тогаш зошто не живееш таму“, „Ти си таков националист, Косово е Србија“, се само некои од коментарите под нејзината објава.

За тоа дека го поддржува Косово докажа и минатата година на фестивал во Приштина, кога го покажа двоглавиот орел, симболот на голема Албанија, но го прегрна и знамето на Албанија, што и тогаш разлути нејзини многубројни фанови од Србија. 

(0 гласови)

Поранешниот министер за внатрешни работи, Оливер Спасовски, одобрил набавка на 3.000 чифта полициски чизми што не исполнувале четири од предвидените критериуми за квалитет, извести денес техничкиот министер за внатрешни работи, Наќе Чулев. Тој до Обвинителството за гонење организиран криминал и корупција доставил поднесок со сите податоци за јавната набавка и направените прекршувања.

„Набавката на чизмите доцнела, но ниту бил раскинат договорот ниту, пак, била активирана банкарската гаранција“, рече министерот Чулев.

Во меѓувреме, служба од МВР направила проверка на квалитетот на чизмите во независна лабораторија, која покажала дека дадениот примерок отстапува од стандардите и не исполнува четири критериуми за што помошниците двапати го информирале тогашниот министер Спасовски. Анализа направил и економскиот оператор во друга независна лабораторија, но и таа анализа покажала отстапки од квалитетот. И покрај забелешките, договорот со „Пинко Кирил ДООЕЛ“ бил склучен во април 2016 година, кои за 14.840.000 денари во рок од 60 дена биле задолжени на МВР да му испорачаат 3.000 чифта полициски чизми.

„Иако веднаш требало да го раскине договорот поради квалитетот на чизмите, министерот не го раскинал ниту, пак, ја активирал банкарската гаранција. Поради доцнењето, банкарската гаранција истекла, а нова не била направена. МВР за компанијата не дало ниту негативна референца во согласност со Законот за јавните набавки. Една година по истекот на законскиот рок, се врши прием на чизмите, а економскиот оператор доставил и фактура. Од Финансии не можеле да направат исплата поради истечениот договор, па затоа направиле анекс на договорот“, објасни министерот Чулев.

Тој јавно го праша Спасовски дали набавката на неквалитетни чизми е високиот стандард за кој се залагал во полицијата. Рече дека очекува Обвинителството веднаш да постапи и по овој поднесок нагласувајќи дека нивните анализи на оваа набавка покажале грубо кршење на Законот за јавните набавки.

(0 гласови)

Германците уште еднаш докажаа како функционира една правна држава во која се почитуваат законите. Ова на своја кожа најдобро го почуствува 22-годишно лице со потекло од соседно Косово.

Македонските граѓани се сведоци на дивеење на улиците ширум државата каде секојдневно се прават илјадници прекршоци, се поминува на црвено и по булеварите се вози со преголема брзина. На ваквиот хаос во сообраќајот македонската Влада реагираше - со намалување на казните за сообраќајни прекршоци.

Не така далеку од Македонија, во една нормална европска земја - Германија, властите размислуваат поинаку. Тамошниот суд одлучи со последната казна да испрати порака до целата земја дека човечкиот живот во Германија вреди, а несовесното возење нема да помине без казна. И тоа каква.

 

Имено, 22-годишниот Куштрим Х. организирал дива улична трка во предградие на германскиот град Морс, при што предизвикал фатална несреќа во која животот го загубила една жена.

Куштрим во понеделникот добил доживотна затворска казна, а другиот осомничен, Исмаиљ С. кој го возел другиот автомобил кој учествувал во трката, осуден е на три години и девет месеци затворска казна поради учество во трка која резултирала со смртен исход.

Несреќната 43-годишна жена која управувала со својот автомобил, починала во април откако во нејзиното возило удрил автомобилот на лицето од Косово.

Германски „Билд“ пренесува дека судиите од Окружниот суд во Клеве, во текот на вчерашниот ден пресудиле дека двете лица со два автомобили од по 600 коњски сили илгално се тркале во стамбен кварт. Прекршокот го признале двајцата осомничени.

(0 гласови)

Високата владина службеничка Биџал Пател изјавила дека ѕидот е кренат од безбедносни причини и дека не ја прикрива сиромашната населба.

Ѕидот од цигли долг половина километар забрзано е кренат во индиската држава Гуџарат пред посетата на американскиот претседател Доналд Трамп, а критичарите наведуваат дека е изграден за да го блокира погледот на сиромашната населба во која живеат повеќе од 2.000 луѓе. 

"Со оглед на тоа дека трошат пари на овој ѕид, зашто тоа да не го искористиме за подобрување на нашата населба и поголеми погодности за нас", рекол Кеши Сараниа, еден од жителите.

 

"Зошто не кријат нас сиромашните луѓе", се прашал тој, пренесува "AP".

Трамп во текот на дводневната посета на Индија следната недела ќе го посети градот Ахмедабад во Гуџарат за да присуствува на настан со име "Намасте Трамп", што во поздрав значи "Поздрав, Трамп", на стадион за крикет.

 

Минатиот септември бил одржан собир "Здраво Моди", кога Трамп му бил домаќин на индискиот премиер Нарендра Моди во Хјустон.

Трамп ќе се вози покрај сиромашната населба и ќе биде во придружба на Моди, кој е од Гуџарат.

 

Високата владина службеничка Биџал Пател изјавила дека ѕидот е кренат од безбедносни причини и дека не ја прикрива сиромашната населба.

"Освен од безбедносни причини, ѕидот е поставен и поради разубавување и чистота", рекла таа.

 

Властите вчера, исто така, пратиле известување за иселувањето на 45 семејства кои живее во друга сиромашна населба во близина на стадионот за крикет.

Жителите рекле дека од нив барале да ги напуштат домовите поради претстојниот настан, но градското собрание тоа го негирало.

(0 гласови)

Од посебните истражни мерки што биле спроведувани од 21 јуни 2019 година кон обвинетиот Бојан Јовановски и осудениот Зоран Милески се гледа како Бојан Јовановски одел кај Катица Јанева, во куќата од каде што ја уапсија.

Зоран Милески, пак, патувал за Охрид, а по пат подавал кеса на женско лице, презентира обвинителката Вилма Русковска на денешното судење за „Рекет“.

Во другите снимки направени со ПИ-мерки се гледа дека Јовановски се среќавал со Лила Филиповска, неговите родители, Анета Кочишки, но и непознати лица. Јовановски и Милески одат во разни локали и хотели, како и седишта на фирми. Првпат од спроведувањето на мерките, Јовановски во куќата, каде што престојувала Катица Јанева, бил на 1 јули 2019, а седум дена подоцна повторно ја посетил.

Кога обвинителката Вилма Русковска ја кажа адресата каде што бил Јовановски, потенцира дека таму престојувала Јанева, а на ова во судницата се смееше ексспецијалната обвинителка и почна да зборува со адвокатите по што судијката ја опомена.

Русковска презентира и снимка од ПИ-мерките на кои се гледа како возилото со кое се превезува осудениот Зоран Милески се паркира кај Владата на улицата Ристо Шишков. Потоа, Милески влегол во објект, сопственот на Владата на РМ, презентира Русковска. Ова се случило на 3 јули.

Јовановски, пак, гласно се смееше во судницата за време на презентирањето на ПИ-мерките, а судијката Васка Николовска-Масевска го праша дали сака да излезе надвор за да се смири, а тој одби.

Рочиштето продолжува по кратка пауза.

 

(0 гласови)

Над 60 проценти од компаниите кои ги има анкетирано Стопанската комора на Македонија се соочуваат со недостиг на работна сила. Недостига кадар од различни типови на образование и од различни професии, почнувајќи од мајстори до висококвалификувани кадри.

Причината за ваквата состојба, дел од компаниите ја гледаат во заминувањето на работоспособното население надвор од државата, а дел во несоодветното образование и неактивноста на работоспособното население.

Недостигот на кадар не е карактеристика само за еден од планските региони во државата, туку се јавува како проблем во сите плански региони.

– Од оние што бараат работа претежно тоа се лица со професии од општествените науки кои не можат да најдат работа на пазарот на труд. Затоа се тежнее кон тоа да се направи нивна преквалификација и доквалификација за да може да се вклучат во работниот процес. Исто така тоа се лица со високообразовни квалификации кои не сакаат да работат со пониско ниво на квалификации, иако платите што се нудат во компаниите се повисоки. Имате компании кои нудат плата до 30 илјади денари, но не можат да најдат кадар бидејќи работниците сметаат дека многу им е подобро да седат дома, отколку да бараат работа, рече денеска на прес-конференција Наташа Јаневска од Стопанската комора на Македонија.

Од Комората се задоволни што во Оперативниот план за вработување за 2020 година при креирањето на мерките се земени предвид потребите на компаниите.

Директорката на Агенцијата за вработувања Билјана Јовановска се надева дека и овој Оперативен план ќе ги даде очекуваните резултати.

– Министерството за труд и социјална политика како носител на Оперативниот план најверојатно ги има вклучено сите субјекти и партнери за кои смета дека ќе дадат ефект во позитивна насока за реализација на Оперативниот план бидејќи во 2019 година имаше успешна реализација со опфат на корисници околу 9.000 невработени и над 96 проценти буџетска реализација, рече Јовановска.

Top