Португалските фудбалски гиганти Бенфика, Спортинг Лисабон и Порто се под обемна истрага по сомневањето дека вршеле притисок во определувањето на судии, соопштија медиумите во земјата Европски првак. Прва цел на Обвинителството бил шампионот Бенфика, а подоцна во скандалот се вметнати и другите два водечки локални клубот.

Властите ја испитуваат сомнителната коресподенција на вработените во трите тимови со судиите. Ако обвиненијата за корупција бидат докажани, клубовите можат да бидат казнети со одземање на бодови, но и со лишување од учество во првенството и купот во период од три години.

“Никој од Бенфика не извршил нешто нелегално. Активностите против тимот можам да ги споредам со грубо нарушување на приватноста на вработените на клубот. Од она што го знам и сум го чул од раководните луѓе во Бенфика, можам да гарантирам дека нема никакви контакти со судии или официјални лица. Нема корупција или трговија со влијание, сигурно”, рече адвокатот на Бенфика, Жоао Кореја.

Во ноември, 2005. година, на Сантиаго Бернабе, Реал Мадрид го дочека големиот ривал Барселона. Натпреварот заврши со победа на гостите од Каталонија со 3:0. Сепак, ова "El Clasico" е познато по тоа што по крајот на натпреварот, целиот стадион стана и му аплаудираше на Роналдињо, кој самиот постигна два гола. Тоа не се случува често...

 

Актуелниот европски шампион Вардар освои најмногу награди во изборот за спортисти на 2017 година што го спроведе Сојузот на спортови на град Скопје.

Капитенот на РК Вардар, Стојанче Стоилов е избран за најдобар спортист, пред Дејан Георгиевски (Теквондо) и Евгениј Поп Ацев (маратонско пливање).

Меѓу десетте најдобри уште влегоа: Дејан Недев (традиционално карате), Сара Ристевска (ракомет), Слободан Ивчевски (мотоциклизам), Игор Стефановски – Иџе (автомобилизам), Берна Шерифовска (џудо) и Дарио Ивановски (атлетика, маратон).

За најдобар странски спортист е прогласен голманот на Вардар, Арпад Штербик.

Тренерот на „црвено-црните“ Раул Гонзалез е најдобар тренер.

РК Вардар е најдобар клуб во машка конкуренција.

ЖРК Вардар е најдобар женски клуб.

За најдобар млад спортист е избран Петар Заборски од Макпетрол, пред Мартин Томовски (ракомет, Металург), Хамза Јашари (џудо, Миоки), Мила Саздовска (традиционално карате, Работнички) и Аид Салихаси (борење, Тефејуз).

Манчестер Сити има 11 бодови повеќе од градскиот ривал Јунајтед, а иако според многумина „Граѓаните“ веќе ја имаат обезбедено титулата во Премиер лигата, Мурињо нема намера да се откаже.

Жозе Мурињо наводно побарал од управата на Манчестер Јунајтед веќе во јануари да подготви вртоглави 140 милиони евра за напаѓачот на Интер, Мауро Икарди.

Аргентинецот веќе има во неколку наврати изјавено дека сака да остане уште многу долго на „Џузепе Меаца“ и да го постигне тоа што го има постигнато легендарниот Хавиер Занети, но секако, нема да му биде лесно да донесе одлука за својата иднина кога ќе биде контактиран од Мурињо.

Аргентинските медиуми пренесуваат дека Јунајтед има намера на 24-годишниот напаѓач на Интер кој оваа сезона на 17 натпревар постигна 17 погодоци, да му понуди 328 илјади евра неделна плата и да го направи еден од најплатените играчи во Европа.

Најдобриот македонски ракометен состав, Вардар ќе има сосема поинаков лик во следната натпреварувачка кампања со тоа што веќе се официјализирани заминувањата на дел од играчите, си оди и тренерот Раул Гонзалес што значи „црвено-црните“ ќе отворат сосема ново поглавје.

Од истото и понатаму ќе биде одличниот хрватски бек, Игор Карачиќ кој е еден од играчите со најголем стаж во клубот со оглед на тоа што во Скопје е од 2012 година. Ова го најави самиот Игор кој посочи дека очекува Вардар добро да се засили.

– Имам договор и за следната сезона и сигурно останувам до тогаш, потоа се е магла. Ќе видиме што ќе биде. По оваа сезона ќе имаме доста промени во играчкиот кадар. Многумина ќе си заминат, но очекувам и засилувања, -истакна Игор кој го искоментира овој Вардар.

– Ова е зрел тим и машинерија, што е резултат на напорите кои траеја четири години. Постигнавме огромен успех за македонскиот спорт, колку се цени тоа во земјата се гледа по тоа што државата ги одликува Македонците од екипата. Нема да се правам важен и да зборувам за одбрана на титулата во ЛШ, императивот е да се пласираме на завршниот фајналфор. Сепак, се надевам дека нема да застанеме на тоа. Не очекува пауза во ЛШ до февруари и ќе се обидеме што подобро да се подготвиме за следните предизвици. Ќе одиме чекор по чекор, како што го правевме тоа и минатата сезона, -порача Игор за „Независне“.

Вардар денес го очекува последниот меч од групната фаза од Европа лига, а противник е екипата на Розенборг. Стратегот на „црвено-црните“ пред мечот со составот од Норвешка најави храбра игра кој неговиот тим треба да го одведе до први бодови во дебитантската сезона во групната фаза од ова натпреварување.

„Како што знаете ова за нас е последен натпревар во Лигата на Европа. Сите досегашни мечеви ни служеа да собираме искуство, и ние како стручен штаб и фудбалерите видовме што значи да се игра во една ваква Лига. Овие мечеви треба да ни бидат мотив за следните сезони исто така да се обидеме да обезбедиме учество во вакви натпреварувања, бидејќи од овие фудбалери еден ден многумина ќе играат надвор, да знаат што ги очекува, и како е да се игра во Европа. Во овој последен натпревар сакаме да ги освоиме првите бодови, затоа што освен искуството мора да гледаме и резултатски. Знаеме дека резултатски не поминавме добро. На гостувањата бевме блиску, против Розенборг на гости одигравме добар натпревар со шанси, но за жал го загубивме. Со Зенит исто бевме рамноправен противник, особено во второто полувреме, каде што можевме да дојдеме до тој историски бод, и таму не успеавме. Утре ни е последен натпревар, последна шанса да дојдеме до бодови. Како тоа би го направиле? Со еден добар пристап организациски, тактички, желба, знаење и верба во своите квалитети и пред нашата публика, бидејќи знаеме дека двата меча дома не ги одигравме на нивото и доживеавме порази кои и ден денес не болат. Кончено очекувам со поддршка на нашата публика да ги освоиме тие бодови“, изјави Јаневски.

Сепак предводникот на Вардар пред денешниот меч се соочува со проблеми околу играчкиот кадар. Нема да може да смета на  Ховханес Хамбарџумјан кој што има жолти картони, а Владица Брдаровски одамна не е во комбинација поради повреда.

Фудбалерите на Џенова синоќа славеа на гостувањето кај Верона со 1:0 на последниот натпревар од 15-то коло во италијанска Серија А.

Моментот на одлука се случи во судиското продолжение од првото полувреме кога фудбалерите на Џенова организираа контра-напад, а топката во шеснаесетникот стигна до нозете на македонскиот фудбалер Горан Пандев кој што погоди за 1:0 за голема победа и важни три бода за Џенова.

Во второто полувреме имаше вистинска опсада по голот на Џенова. Верона имаше неколку фантастични шанси, меѓутоа Перин успешно го сочува својот гол.

Џенова сега се наоѓа на 15-то место на табелата со 13 освоени бодови, додека Верона останува на предпоследното место со девет освоени бодови.

Најдобриот македонски ракометар, Кирил Лазаров со години е заштитно лице на познатата компанија за спортска опрема Hummel. Данскиот бренд ги презентираше новите патики кои Лазаров ќе ги носи веќе од дербито во францускиот шампионат помеѓу Нант и ПСЖ, кое се игра во четврток.

Патиките се во сино-бела боја и го имаат заштитното лого „Лазаров7“.

Инаку од март наредната година, во сите специјализирани продавници на Hummel ќе можат да се купат овие патики.

Лазаров е еден од најдобрите и најпопуларни македонски спортисти во историјата така што данската компанија очекува дека патиките добро ќе се продаваат во Македонија.

Заради популарноста на Лазаров во нашата земја и низ светот, несомнено е дека патиките добро ќе се продаваат.

Hummel ги дизајнира и патиките за Лазаров и кога тој игра за репрезентацијата.

 

 

Останува уште помалку од една седмица дo последниот натпревар на Вардар во групната фаза од Лигата на Европа, во оваа историска сезона во која нашата екипа направи историја, и стана првата од Македонија што учествува во групите на едно европско натпреварување. 

Натпреварот со норвешки Розенборг се игра во четврток на 7-ми декември на Националната Арена „Филип Втори“ со почеток во 21:05 часот. Посакуваме полни трибини за овој последен меч од групата, за да испишеме уште еден дел од историјата, со тоа што ќе дојдеме до првите бодови во групната фаза. 

Билетите за овој натпревар се веќе во продажба. Набавете билет на следните продажни места, и дојдете да го проследиме и шестиот настап на Вардар во групната фаза од Лигата на Европа, со надеж дека нашиот најдобар македонски клуб ќе стигне до првите бодови. 

Ова беше европска „бајка“ за паметење, нека биде така и на последниот дуел. Во последните месеци имавме чест да ја гледаме македонската фудбалска гордост меѓу најдобрите  тимови од Лигата на Европа. За играчите како и за сите кои што се дел од „црвено-црните“ е едно огромно искуство. Време е сето тоа да биде заокружено со бодови и, конечно, со радост во четврток навечер. 

Раул Гонзалес, тренерот на македонскиот и европски ракометен шампион Вардар во интервју за „офф.нет.“ вели дека неговото семејство ужива во Скопје и дека на неговите девојчиња ќе им биде тешко кога ќе заминат.

Популарниот „Ел комаданте“ кариерата како тренер од Вардар ќе ја продолжи во Париз Сен Жермен.

– Уф, сите уживаат овде. Мојата постара ќерка Ана има 15 години и игра ракомет за Вардар. Во клубот и се сите другарки, се дружат и излегуваат. Помалата Сузана има 10 години и тренира хип-хоп. Минатата недела освои златен медал на некој интернационален натпревар во Србија. И двете зборуваат македонски и учат во гимназијата „Нова“. Ана прави повеќе проблеми, не сака да оди во Шпанија, не сака да оди во Франција, сака да остане во Скопје. Ама, животот е таков, таа знае дека ќе мора да оди – вели Гонзалес во интервју за „офф.нет.“

Прочитајте го целото интервју на следниов ЛИНК.

Top