Стоилов: Бевме спремни за Келн, ама не сме подготвени за лудилото во Скопје

Стојанче Стоилов по вторпат во својата кариера имаше можност да ја подигне европската титула и тоа по вторпат со Вардар, тимот од кој е дел со години и е вистински лидер, капитен на истиот.

Нормално големо е задоволството од освоениот пехар во ЛШ, но за „црвено-црните“ допрва следи вистинското славје, големата прослава при враќањето во Скопје, лудило за кое Стоилов вели дека не се подготвени тој и соиграчите.

-Ќе кажеш еднаш се случува, ама еве на нас вторпат ни се случи. Горд сум што сум дел од оваа екипа, секој ден е различен со овие момци, сите се легенди. Следните денови ќе биде лудило. За Келн бевме спремни, ама за тоа што следува не сме подготвени. Знаеме што ќе биде во Скопје, ама знам дека не се спремни. Ќе биде страшно лудило, ќе има многу луѓе на плоштад… треба тоа да се доживее, -истакна Столе кој направи споредба на двете титули.

-Ова е подрага титула, ама не може да се спореди со првата. Тогаш не знаевме што е Келн, што е фајналфор. Сега веќе знаеме како да се однесуваме, полесно беше оваа година. Ама цела сезона се што поминавме, ова е наградата, -порача капитенот за „Балкан Хендбoл“.

Top