Раул Гонзалез и Сeргеј Кокшаров за првпат ќе се најдат на спрoтивни страни. Шпанецот како селектор на Македонија, додека спортскиот директор на Вардар, како предводник на Русија. 

И официјално македонската репрезентација за време на ЕХФ-неделата (од 2 до 8 април) ќе одигра еден пријателски натпревар и тоа против селекцијата на Русија, која одлучи да дојде на подготовки во Скопје. Оваа соработка беше експресно договорена благодарение на вардарците, Раул Гонзалез и Сергеј Кокшаров, кои за првпат ќе се најдат на спротивните страни. Шпанецот како селектор на Македонија, додека спортскиот директор на „црвено-црните“ како предводник на Русија.

„Имавме кус состанок со селекторот Гонзалез за да ја дефинираме програмата за ЕХФ неделата, која е малку специфична со оглед на тоа дека е за време на големиот христијански празник Велигден, од 2 до 8 април.

Веќе е познато дека Русија доаѓа на подготовки во Скопје и договорено е двете репрезентации да одиграат еден пријателски натпревар, кој најверојатно ќе биде од затворен тип, барем таква е првичната идеја и желба на двајцата селектори", не информираше директорот на репрезентацијата, Милчо Чакарески.

За Македонија ЕХФ неделата е одлична можност да го задржат континуитетот на работа во пресрет на јунскиот бараж за Светското првенство 2019, во кој ќе играме против Романија.

Лидерот на Северна Кореја, Ким Јонг-Ун даде дозвола за трансфер на корејската мега ѕвезда Хан Кван Сон во Јувентус.

Деветнаесет годишниот напаѓач на Каљари е баран од Тотенхем и Ливерпул, но Ким Џонг-ун му препорачал да продолжи да игра во Италија, објавија локалните медиуми.

Според законите на Северна Кореја, секој граѓанин кој работи во странство е должен да плаќа даноци на неговиот приход и во неговата матична земја.

Вардар е најдобро рангиран клуб од сите македонски тимови според УЕФА. Нашата екипа се најде на 201 позиција на ранкингот на УЕФА, што е резултат на успешните настапи на „црвено-црните“ во Европа минатата есен.

Со овој пласман, „црвено-црните“ се пред сите останати македонски екипи кои се најдоа на ранкингот, и кои ја претставуваа Македонија во европските Купови во изминатите години. 

Благодарение на учеството во групната фаза од Лигата на Европа, Вардар направи скок од 54 места за разлика од сезоната 2016/2017 во која што беше како 255 пласиран тим. 

Баерн Минхен беше еден од првите европски клубови кои одлучија стариот да го заменат со комплетно нов и модернизиран стадион, а ако прекрасното здание на „Алијанц арена“ веќе не е никаква новост за светската спортска јавност, фудбалскиот гигант од Германија сега се погрижи со една иновација да го направи својот стадион уникатен и поразличен од сите останати.

Германскиот шампион објави дека потпиша ексклузивен договор со познатиот ланец на хотели „Мериот“, според кој „Алијанц арена“ ќе биде надополнета со луксузни ВИП соби во кои најценетите и најпрестижните гости ќе имаат можност да ги гледаат натпреварите во најдобра можна положба.

Вградените соби на „Алијанц арена“ е предивдено да бидат од највисока класа и со најголема удобност, па така отсега, сите среќници кои ќе можат да си го дозволат ова задоволство ќе можат да ги гледаат натпреварите на Баерн Минхен во живо од кревет.

 

Ракометарите на Вардар ќе се обидат и оваа сезона да направат „чудо“ и да ја одбранат титулата во Лигата на шампионите, нешто што досега на ниту еден тим не му успеало од рака.

Секако, на РК Вардар во прилог му одат и резултатите, но и местото, градот Келн кое беше потврдено од ЕХФ како домаќин на јубилејното 10. издание на Фајнл-форот од Лигата на шампионите.

Договорот на ЕХФ со градот Келн и „Ланксес Арена“ која собира 20 илјади гледачи, го потпишаа во 2010 година со важност до 2020 година, а со клаузула локацијата секогаш да биде потврдена кон средината на сезоната, само во случај ако ЕХФ смета да биде променета локацијата.

Но, по се изгледа ЕХФ е задоволна од организаторот и натпреварите од фајнл-форот ќе се одржат на 26 и 27 мај во Ланксес Арената, а останува на ракометарите на Вардар сонот повторно да го претворат во јаве и да ги израдуваат уште еднаш своите навивачи и цела Македонија.

Камерунскиот интернационалец Кларенс Битанг е новото засилување во средниот ред на екипата на Вардар. 25-годишниот фудбалер потпиша договор на 2.5 години со нашиот тим, и веќе денеска се приклучи на екипата на тренинзите во Скопје. 

„Задоволство е што сум дел од оваа екипа. Во Анталија бев неколку дена со екипата, и можам да кажам дека има квалитет. Ќе дадам сè од себе да ја оправдам довербата, и се надевам дека оваа година ќе славиме нова шампионска титула. Знам дека тимот моментално е на втората позиција, но во пролетниот дел одиме на освојување на бодови, и се надевам дека на крајот ќе славиме уште една шампионска титула“, рече Битанг на денешната промоција. 

Битанг се приклучи на екипата во Анталија, меѓутоа по минувањето на медицинските прегледи, денеска и официјално стана дел од „црвено-црнот“ тим. 

„Очекувам брзо да се прилагодам во клубот, и да бидам прифатен од моите нови соиграчи. Ова за мене е нов предизвик во кариерата, и подготвен сум да дадам се од себе за доброто на клубот, и за нови успеси. Видов дека екипата играше во групната фаза од Лигата на Европа оваа сезона, и посакувам најмалку заедно да го повториме тој успех“, изјави Битанг. 

Актуелниот европски ракометен шампион Вардар, ќе отвори ново поглавје идната сезона откако ќе им дозволи на повеќе ракометари да побарат нови предизвици откако освоија се што можеше да се освои со „црвено-црниот“ дрес, а еден од оние кои заминуваат е фантастичниот голман Арпад Штербик.

Шпанскиот репрезентативец кој е припадник на унгарското национално малцинство во Србија веќе објави дека се сели во Веспрем, а колку ќе биде тешко да се пополни неговото место укажува и неодамнешниот „Блиц-криг“ во финалето на Еуро 2018, каде што беше прогласен за најкорисен играч во мечот за златниот медал.

Сега во игра остануваат неколку опции, а погледите се свртени кон Пик Сегед и голманскиот тандем кој го сочинуваат Хозе Мануел Сиера и Марин Шего. Шпанецот веројатно е прв избор на идниот тренер Парондо кој е негов сонародник, а Хрватот Шего заслужува внимание поради своето досегашно искуство и настапи во неколку европски клубови. Доаѓањето на Штербик во Веспрем предизвика трансфер на Мирко Алиловиќ во Пик Сегед, па Шего веќе го најавил своето заминување, но се уште е нејасно дали тоа ќе биде во Вардар. Хрватското „лоби“ во Скопје ќе го загуби Лука Циндриќ, но идната сезона остануваат Игор Карачиќ и Иван Чупиќ, па воопшто нема да биде изненадување ако Марин Шего им се придружи.

Уште една алтернатива е рускиот интернационалец Вадим Богданов, кој во моментов е дел од полскиот клуб Азоти-Пулави и сигурно би сакал да настапува за клуб како Вардар кој во моментов е со далеку поголемо реноме на европската ракометна сцена.

Како што „Дерби“ претходно најави, Сергеј Самсоненко веќе мерка неколку играчи од руските простори, а левото крило Андреј Јуринок веќе е завршена работа, додека преговорите со Богданов и некои други играчи се уште траат.

Шпанецот Роберто Гарсија Парондо од следната сезона ќе биде нов тренер на Вардар, како наследник Раул Гонзалес. Парондо доаѓа од женската екипа на Вардар каде е помошник тренер и во следните две сезони ќе го предводи машкиот европскиот првак од клупата.

Парондо (38) е и актуелен помошник во машката сениорска репрезентација на Македонија и беше дел од стручниот штаб на последното ЕП во Хрватска. Претходно тој помагаше и во подготовката на машката младинска репрезентација на настапот на СП во Алжир каде стигнавме до Топ-8. Во моментов заедно со Ирина Дибирова седат на клупата на женската екипа на Вардар и се единствен тим во лигата на шампионите што е без пораз сезонава во елитното европско натпреварување.

Со назначувањето на Парондо за тренер продолжува низата од шпански стратези на клупата на „црвено-црните". Тој е поранешен ракометар на Валјадолид, Адемар Леон, Сиудад Реал, а има настапувано и за ПИК Сегед и Будакалаш, два тима од Унгарија.
Со Адемар Леон го освои КПК во 2005, со ПИК Сегед го освои ЕХФ купот, а со Атлетико Мадрид го освои Супер Глоуб во 2012 година.

За репрезентацијата на Шпанија настапуваше на Медитеранските Игри во 2005 година (злато) и на СП во 2007 (7 место). Последен настап за репрезентацијата на големо натпреварување имаше на ЕП 2012 година во Србија каде Шпанците беа четвртопласирани.

„ Многу сум среќен што добивам шанса да бидам дел од европскиот првак Вардар. Верувам дека довербата  ќе може да ја оправдам преку резултатите. Да се биде дел од тим што зад себе има таква спортска традиција и постигнати одлични резултати се голем предизвик за мене.

Вардар веќе го чувствувам како свој дом, тука сум речиси една сезона и условите што ни ги дава клубот ми даваат за право да се надевам за успешна соработка. Сега сум целосно посветен кон обврските во женската екипа на Вардар и сакам со успех да ја завршиме сезоната пред да ја преземам машката екипа.

И покрај ангажманот во женскиот тим доста сум запознаен и со работата на машкиот тим, и затоа очекувам брзо да се вклопат во таа приказна, и исто така и екипата да ме прифати мене и мојот начин на работа. Високите резултати секогаш ќе бидат наш приоритет, за клубот да остане онаму каде што е – во самиот европски врв, вели Роберто Гарсија Парондо.

Манчестер Сити се чинеше дека ќе биде доста повлечен и незаинтересиран во актуелниот зимски преоден рок, но откако останатите најголеми клубови во Англија преземаа акција на трансфер пазарот, на крајот покуси не останаа ниту „граѓаните“ кои ова попладне и официјално го изрежираа најскапиот трансфер во историјата на клубот.

Младиот стопер Ајмерик Лапорт се претвори во најспап играч во историјата на Сити со рекорден трансфер од 65 милиони евра, сето ова откако управата на клубот ова попладне го исплати депозитот во шпанската Ла Лига, процедура која е стандардна во Шпанија кога се исплаќа откупна клаузула на еден фудбалер. Атлетик Билбао не сакаше да преговара за трансферот на својот најдобар дефанзивец, но сепак тоа не значеше негово останување во клубот, бидејќи Сити го искористи своето право да ја отплати клаузулата и да го доведе Лапорт.

Актуелниот лидер во Премиер лигата официјално го потврди ангажманот на фудбалерот, а со тоа го надмина рекордот на Кевин Де Брујн кој досега важеше за најскап играч на Сити кога во 2015 година беше доведен за 55 милиони фунти (трансферот на Лапорт во фунти изнесува 57 милиони).

Вториот најскап фудбалер во историјата на Барселона, Усман Дембеле повторно се повреди ќе биде надвор од терените околу еден месец.

Медиумите во Шпанија веднаш ги најдоа причините за тоа. Наводно, од доаѓањето во Барселона, Французинот живее неспортски живот, постојани излегува и седи до доцните вечерни часови во ноќните клубови. Такво нешто можеше да си дозволи поради претходната повреда поради која не играше натпревари на својот тим.

@o.dembele7 famous fkayer BARSELONA

A post shared by Dragana Spasovska (@spasovskadragana) on

Најсвеж таков пример е оној од пред новогодишните празници кога Дембеле уште не беше вратен во тимот по по повредата.

Morning #positivevibes

A post shared by Dragana Spasovska (@spasovskadragana) on

Шпанските медиуми објавија дека тој интензивно се дружел и лудувал со македонската секс-бомба Драгана Спасовска. Станува збор за поранешна манекенка која по татко е Македонка, а по мајка Бугарка. Меѓу другото, ја бие глас дека е магнет за фудбалски ѕвезди.

#vacasionmood? yalla party ❤

A post shared by Dragana Spasovska (@spasovskadragana) on

http://sportclub.mk

Top