Добро познато е дека принцот Вилијам е голем фудбалски фан и после поразот на Англија од Хрватска ги искоментира синоќешните настани по пат на официјалниот Твитер профил на Кенсингтонската палата.

Иако тој и Хари предвидувале дека "се враќа дома", сепак за жал не се врати, а Вилијам ја покажа својата поддршка за англискиот тим и изјави дека "не може да биде погорд на нив". 

"Знам колку се разочарани Англичаните, но не можам да бидам погорд на овој тим. Треба да се движите со подигнати глави. Бевте неверојатни, влеговте во историјата и ни дадовте нас фановите нешто во што можеме да веруваме. Знаеме дека од овој тим ќе имаме што да гледаме понатаму", напиша принцот на Твитер. 

Пред натпреварот исто така, принцот Вилијам напиша дека цела земја навива за нив.

"Одиме Англија, се враќа дома", рекол за британските медиуми, а со него се согласи и Хари: "Дефинитивно се враќа".

Поддршка кон англискиот тим упати и премиерката на Англија, Тереза Меј велејќи:

"Не беше судено да се оствари овој пат, но Вашето величествено патување ја направи оваа земја многу горда. Ќе ги вееме знамињата во сабота".

Италијанските медиуми деновиве тврдат дека Јувентус преговара со Реал Мадрид за купување на најголемата ѕвезда на „Кралевите“, Кристијано Роналдо.

Наводно од Јувентус биле подготвени да платат 120 милиони евра за услугите на Португалецот, а понудата наскоро ќе биде и официјално испратена.

После бројните шпекулации се огласи и поранешниот генерален директор на „Старата дама“, Лучијано Моџи кој изјави дека е сигурен дека Кристијано Роналдо веќе е нов играч на италијанскиот клуб.

„Роналдо веќе има потпишано за Јувентус. Тој ги помина медицинските прегледи во Минхен. Сите сакаа тоа да биде направено во тајност и се чини дека успеаа во тоа. Сепак, моите извори открија дека се е завршено и тој е нов фудбалер на Јувентус“, изјави Моџи.

Скубе доаѓа во Скопје како актуелен првак на Унгарија. Тој беше еден од клучните играчи на ПИК Сегед во освојувањето на шампионската титула на клубот во Унгарија запирајќи ја доминацијата на Вепрем.
Иако е висок 176 см. го вбројуваат меѓу најдобрите плејмејкери во Словенија, споредувајќи го со најдобрите светски играчи на таа позиција. Со неговото потпишување Вардар ќе има брз напад и ќе добие играч што е особено опасен во играта „еден на еден" и знае како да ја пробие противничката одбрана.

Вардар ќе биде втор клуб во неговата интернационална кариера. Претходно две сезони настапуваше за ПИК Сегед каде сега ја освои титулата, а претходно три сезони (2013-2016) беше дел од тимот на Горење Велење. Потекнува од ракометната школа на Требње каде дебитираше во 2000 година со 16 години.

„ Вардар го избрав затоа што е еден од најдобрите екипи во Европа. Среќен сум што ќе бидам дел од голем тим. Очекувам многу, значи ќе се обидеме да стигнеме до самата завршница во сите натпреварувања. Мислам дека ќе бидеме добра екипа, и едвај чекам сѐ да почне“, изјави Сташ Скубе.

Со репрезентацијата на Словенија го освои бронзениот медал на СП за играчи до 21 година во 2009 година. За сениорската репрезентација на Словенија има одиграно 17 натпревари и постигнато 32 гола.

Словенецот сезонава во Лига на шампионите постигна 34 гола, а на натпреварите против Вардар даде вкупно седум. Лани за ПИК Сегед постигна 52 гола во ЛШ.

„Вардар продолжува да ангажира врвни играчи на позициите за кои смета дека тоа е потребно. Скубе е играч кој веруваме дека ќе донесе нов квалитет во играта на Вардар во иднина. Со своите настапи се докажа како играч за кого во иднина многу ќе се зборува. Задоволни сме што тој одбра својата кариера да ја продолжи во Вардар и заедно да продолжиме по победничките патеки. Ова е само почеток на создавањето на нов шампионски тим на Вардар“, вели Давор Стојаноски, извршниот директор на Вардар.

Сезонава Вардар како европски првак успеа да се пласира на Ф4 турнирот и да биде единствениот тим што не е од Франција на турнирот. Во конкуренција на Монпелје, Нант и ПСЖ и во крајно неизвесни натпревари „црвено-црните" го освоија четвртото место.
Вардар пет сезони по ред е меѓу топ екипите во Лига на шампионите. Две сезони по ред е меѓу четирите најдобри и лани стана европски првак.
Вардар е најуспешниот машки клуб во Македонија со 12 титули, 13 куп трофеи и 1 супер куп. Еднаш беше првак на Европа и уште четири пати ја освојуваше СЕХА Газпром лигата.

Откако Гранит Џака и Џердан Шаќири, двајцата швајцарски репрезентативци со албанско потекло ги прославија головите за победата над Србија (2-1) со „летање орли“, провоцирајќи ги српските навивачи во Калининград, многумина беa зачудени зошто во таа прослава со политичка конотација не учествувал Валон Бехрами, кој е по потекло од Косово.

Таткото на Бехрами, Рагип откри за швајцарските медиуми зошто неговиот син не им се придружил на Џака и Шаќири, кои сега се предадени на дисцилинска комисија поради своите прослави и се соочуваат со суспензија од најмногу два меча.

Бехрами е родум од Косовска Митровица.

„Валон не прави такви работи, од едноставна причина. Можеби спортот понекогаш е повеќе од спорт, ама тој не сака да се плетка во такви работи“, рекол таткото на швајцарскиот репрезентативец.

Рагип се преселил од Косово, кога Валон имал четири години, заедно со својата сопруга Халима и ќерката Валентина. Немале документи, па во средината на 90-те им се заканувала депортација.

„Немаше каде да се вратиме, па размислувавме да одиме илегално во Шведска или Германија. Но интервенираше татко на еден соиграч на Валон од младинските категории. Собраа 2.000 потписи и некако останавме. Во тоа време Валон беше подобар во скијање, затоа што само што почна да игра фудбал“, додава таткото на Бехрами.

Како што објавуваат медиумите, Бехрами не го интересира политика, туку само спорт и тој со сите фудбалери со кој играл, без оглед на етничаката припадност имал фантастичен однос и бил пример за однос кон сите.

Sport1.mk

Лионел Меси во овој момент е максимално сконцентриран на својата репрезентација и она што ја чека Аргентина на Светското првенство во Русија, но од друга страна пак, нема проблеми да одработи интервјуа за познатите каталонски весници, во случајот „Спорт“.

Угледниот весник од Каталонија денеска ексклузивно го објави опширното интервју со најдобриот фудбалер на шпанскиот првак, во кое покрај тоа што Лео порачува дека не ги заменил двете освоени титули во Примера и Копа дел Реј со онаа од Лигата на шампионите, говори и за доста емотивни моменти, впрочем за најтешките кои ги доживеа како член на Барса и жител на Барселона.

Меси доби сериозни обвиненија за затајување данок и беше изнесен на суд од властите во Шпанија, моменти за кои сега одлучи да се отвори Лео, огласувајќи се со жесток тон и покажувајќи со прст кон властите во Мадрид.

– Имав навистина тешки моменти тој период, имаше моменти кога ме доведоа до плачење. Беше навистина тешка година таа со даночните обвнувања, беше навистина тешко за мене. Не ме доведоа до депресија, но навистина бев погоден од начинот на кој ме напаѓаа и од работите кои ги говореа за мене, за мојот татко и за моите блиски. Беше навистина тешко и се почувствував како некој да сака да ме прогони. За среќа, добив поддрршка и љубов од моите луѓе, од градот Барселона, од Каталонија и тоа направи да се чувствувам многу помирно. Мислам дека наредбите за напаѓање и осудување пристигнуваа од Мадрид. Знаев дека тоа е така и тоа навистина ме болеше, – порачува Меси.

Ѕвездата на серијата “Game of Thrones”, Хафтор Бјорнсон (29) повторно го исмеваат на социјалните мрежи поради фотографијата која ја објавил со својата девојка, терапевтка и вљубеничка во фитнес – Келси Хенсон.

Исланѓанецот е во врска со Хенсон од септември минатата година, а на луѓето им е смешно да ги гледаат заедно поради разликата во нивната висина. Многу обожаватели коментираат дека неговата девојка изгледа како да му е ќерка. 

 

Имено, Хафтор е висок 206 центиметри, а Келси со своите 158 центиметри висина не му е ни “до рамена”. Неговата девојка вели дека кога сакаат да се бакнат, тој мора да се наведне, а таа се поткрева на прсти.

“Или едноставно му кажувам да ме подигне во раце, поинаку нема смисла”, објаснила Келси. Бјорнсон е официјално најсилниот човек на светот, но тоа не ги спречува “храбрите обожаватели” да му испраќаат негативни и навредливи коментари.

 

Тор со години се натпреварувал за титулата “најсилен човек на светот”. Пред осум години, тој бил на шестото место, а во 2012, 2013 и 2015 година го освоил третото место. На второ место бил во 2014 и 2016 година.

Поранешниот кошаркар следниот месец започнува со снимање на осмата сезона на серијата “Game of Thrones” во која се појавува во улога на Грегор Клегејн – Планината.

 

Бјорнсон ја преземал улогата на Грегор во четвртата сезона од серијата, откако во првата сезона го глумел актерот Конан Стивенс, а во втората сезона – Ијан Вајт.

Енис Барди изминатава вечер во својата низа на жртви го придодаде и голманот на Леганес, откако овојпат употреби една поразлична техника во споредба со претходните сценарија, испраќајќи неодбранлив удар во аголот кој го брани чуварот на мрежата.

Во сите четири претходни случаи, Барди маестрално и хируршки прецизно го гаѓаше подалечниот агол на голманите, а сега со промената на тактиката стигна до својот јубилеен петти гол од слободен удар во својата прва сезона во шпанската Примера, а со тоа си обезбеди влез во одбрано друштво во шпанскиот фудбал.

Македонскиот репрезентативец стана еден од последните пет играчи што успеале да постигнат по пет гола во една натпреварувачка сезона во Ла Лига, но навистина импресивен е еден податок околу Барди, а тоа е дека никој од претходните четири мајстори нема подобар ефект од „снајперистот“ Енис.

Асунсао дал 5 гола од 49 обиди во сезоната 2004/5, Пернија 5 од 24 обиди во сезоната 2005/6, Роналдињо 6 од 49 пред 11 години, Лео Меси 6 од 48 минатата сезона, додека маестро Барди оваа сезона постигна пет гола од само 16 обиди, ефект кој ја воодушевува шпанската спортска јавност, а истовремено и пркоси на реалноста.

Вуко Борозан, црногорскиот ракометар кој настапува за Вардар со силни емоции зборуваше по мечот со Кил  и истакна дека пласманот на завршницата во ракометната елита е награда за тимот.

Воедно, Борозан истакна и дека му е чест да го носи дресот на овој клуб.

-Натпреварот во Скопје беше ист како оној во Германија, знаевме дека од почетокот ќе биде тешко. Кил е голема екипа. Среќни сме што ние како екипа што освоила Лигата на шампионите се пласира во Келн и ќе ја браниме титулата. Чест и задоволство ми е да го носам дресот на овој клуб со срце. Разликата на теренот ја направи нашиот тим, функционираше како што треба и Штербик и тимот и сите фактори во клучните моменти. Ги наградивме нашите навивачи со пласман на Ф4, па ќе видиме што ќе биде понатаму, изјави Борозан. Црногорскиот „бомбардер“ беше прв стрелец во тимот на Вардар во победата на Кил со шест постигнати гола.

извор: gol.mk

Милански Интер потврди дека сите билети за саботното „Дерби на Италија“ со Јувентус се распродадени, а клубот од продажбата ќе заработи рекордни 5 милиони евра.

Натпреварот помеѓу Интер и Јувентус се игра во сабота на „Џузепе Меаца“ во Милано, а според многумина, можно е токм овој натпревар да одлучи кој ќе биде шампион оваа сезона во италијанска Серија А.

За двата тима дуелот е од огромна важност - Интер брка победа за продолжување на трката со Рома и Лацио за пласман во Лигата на шампионите, додека на Јувентус им е потребна победа затоа што имаат само еден бод повеќе од Наполи во трката за Скудетото.

Се очекуваат и 10 илјади навивачи од Торино да пристигнат во Милано, а тоа што е неверојатно е сумата која што Интер ја заработи од продажбата на билети.

Според италијанските медиуми, Интер ќе инкасира неверојатни 5 милиони евра од продажба на билети со што, најпосетуваниот клуб во Италија оваа сезона ќе постави убедливо највисок рекорд во Серија А.

Продолжува градењето на „костурот“ на тимот на Вардар за следната сезона. Шпанскиот тандем Жоан Кањелас и Хорхе Македа по завршување на сезоната дефинитивно ќе ги напуштат „црвено-црните“

За разлика од Македа на кого договорот му истекува ова лето, Кањелас спогодбено ја раскина соработката со актуелниот европски шампион, бидејќи има обврска уште една година.

Вардар договори две од четирите најавени руски интернационалци. Станува збор за Дмитри Житников, кој ќе биде замена за Лука Циндриќ, кој се сели во Келце. Рускиот репрезентативец е член на Пик Сегед.  

Во пакет со Житников доаѓа и Дмитри Киселев. Десниот бек на Санкт Петерсбург ќе ја потполни позицијата на Хорхе Македа. 

Засега е договорен и српскиот голман Дејан Милосављев. Чуварот на мрежата на Партизан доаѓа на местото на искусниот Арпад Штербик. Станува збор за извонреден млад голман кој беше чувар на мрежата на Србија на ЕП во Хрватска. Милосављев е роден во Војводина каде живеат голем број на наши иселеници и токму тој потекнува од фамилија која има наши корени.

Покрај овие ракометари за следната сезона е потврден Харбок, а договорот го продолжи и капитенот Стоилов.

Top