(0 гласови)

Вардар непосредно пред тргнувањето за Келн ги промовираше новите дресови, кои им донесоа среќа на ракометарите на македонскиот првак. Нормално е што по европската круна фан-шопот на „вардарци“ беше преполн со фанови, па од таборот на „црвено-црните“ утрово се пофалија дека сите залихи од новите дресови се експресно распродадени.

Секој сака да биде шампион во нешто, а ако веќе не може, барем да има шампионски дрес. „Црвено-црната“ треска дефинитивно ќе продолжи и во наредниот период…

malasoldout

(0 гласови)

Пред неколку денови како гром од ведро небо одекна веста дека Елиф Елмас кариерата ќе ја продолжи во Интер откако италијанскиот тим се согласил да плати 11 милиони евра за неговите услуги.

Сепак, утрово од извори блиски до Фенербахче, еден од најугледните турски медиуми „Фанатик“ пренесе информација дека за нашиот Елмас до крај ќе притиска и шпанскиот Атлетико Мадрид.

Медиумот имено пишува дека Чоло Симеоне е подготвен да плати 14 милиони евра  за да го обезбеди трансферот на 19 годишниот фудбалер.

Атлетико Мадрид ќе претрпи значителна реконструкција следната сезона, а Симеоне наредил Елмас да биде еден од играчите кои ќе го засилат средниот ред на тимот. „Фанатик“ пишува дека трансферот е многу блиску до реализација затоа што наводно и Фенер се согласил на оштета од 14 милиони евра.

(0 гласови)

По големиот успех и фантастичниот пречек на скопскиот плоштад, на својот Фејсбук профил се огласи капитенот на ракометарите на Вардар, Стојанче Стоилов.

“За сите вас кои вчера чекавте, чекавте и не дочекавте да ја прославивме втората ЕХФ Цхампионс Леагуе титула!

За ова чудо од клуб РК Вардар!

За Саздо и Комити Скопје кои никогаш не не оставија и до крај веруваа во нас!

За цел Балкан, за Македонија, за Скопје и за сите македонски градови и села!

За сите вас!

Од срце ви благодарам, без вас сево ова немаше да биде возможно!

ЕднаЉубовЕденЖивот

ОдимеНаТретаТитула, напиша на Фејсбук Стојанче Стоилов.

(0 гласови)

Успехот од Келн на новиот европски ракометен првак Вардар му носи најмалку 1.5 милион евра во клупската каса. Тоа се пари што ќе ги добие како награда од дражавата и Европската ракометна федерација (ЕХФ), а допрва треба да ги заработи парите од Интернационалната ракометна федерација (ИХФ).

Вардар со победата во финалето обезбеди учество на Супер Глоуб 2019, првиот турнир од оваа серија што нема да се игра во Катар туку во С. Арабија. Таму наградниот фонд е од 150.000 долари за трето, 250.000 за пласман во финале и 400.000 за победа во финалето.

635.000 евра (500.000 за победата во финалето, 135.000 за пласманот на Ф4)
500.000 евра Владата на Македонија
100.000 евра Град Скопје
100.000 евра АМС
150-400.000 долари – ИХФ Супер Глоуб

Вкупно од 1.485.000 – 1.785.000 евра (минус разликата на курсната листа долари-евра).

(0 гласови)

Сопственикот на Вардар, кој неодамна ја извести македонската јавност дека ќе се повлече од клубот, синоќа за gol.mk порача дека после титулата, размислува за една работа – за нова титула во Лигата на шампионите!

Сергеј Самсоненко пред четвртфиналниот дуел против ПИК Сегед, соопшти дека доколку Вардар не добие финансиска поддршка, ќе мора да се повлече од клубот. И додека „Вардарци“ стравуваат за иднината на македонскиот, а сега и европскиот ракометен џин, Самсоненко за gol.mk порача дека сега размислува како да се освои и третата титула.

„Зошто сте зборуваат за некој крај? Она што е важно сега е дека освоивме две европски титули од можни три. Уште сега треба да работиме на трета титула. Јас секогаш верувам во титули. Еве го Филип Лазаров е тука, одамна не е во клубот, но ме познава. Јас секогаш верувам во титули.

Беше тешко да се преживее викендов, но сега треба да славиме, потоа ќе зборуваме за други работи. Има многу информации, преговори, но сега тоа не е важно. Сега треба да славиме“, изјави Самсоненко за gol.mk.

Имаше и интересен коментар за полуфиналето против Барселона.

„Јас бев разочаран и така и седев и го гледав мечот. Го гледав мечот така разочарано, а потоа одеднаш почнав да гледам минус четири, три два, еден, нула, а потоа плус еден и плус два и толку. Луѓето зборуваат дека е различно, но кај мене е исто“.

Во однос на писмото кое го објави пред Пик Сегед дека ќе си замине од клубот исто така со интересен одговор.

„Ние игравме добро против Пик Сегед и имавме резултат. Што и како се случуваше друго останува во клубот“, изјави Самсоненко.

(0 гласови)

Mногу поранешни вардарци не пропуштија да им честитаат на ракометарите, стручниот штаб и навивачите на Вардар за втората европска титула.

Еден од поранешните тренери и човекот кој и денес е миленик на „Комитите“, Веселин Вујовиќ неколку минути по завршувањето на натпреварот во „Ланксес Арена“, од Белград порача:

„Чувството како поранешен тренер на Вардар во овој момент е неверојатно. Постојано сум во контакт со играчите, со навивачите и ова е подвиг кој тешко се објаснува. Можам да замислам како тие се чувствуваат. Ова е порака за цела Македонија. Мора да биде во Статутот на земјата дека Вардар не смее да згасне“.

Веселин Вујовиќ доби отказ од Железничар на крајот од сезоната и многу фанови го посакуваат на клупата на Вардар во обид да се почне од почеток ако си заминат поголемиот дел од ракометари и стручниот штаб.

(0 гласови)

Стојанче Стоилов по вторпат во својата кариера имаше можност да ја подигне европската титула и тоа по вторпат со Вардар, тимот од кој е дел со години и е вистински лидер, капитен на истиот.

Нормално големо е задоволството од освоениот пехар во ЛШ, но за „црвено-црните“ допрва следи вистинското славје, големата прослава при враќањето во Скопје, лудило за кое Стоилов вели дека не се подготвени тој и соиграчите.

-Ќе кажеш еднаш се случува, ама еве на нас вторпат ни се случи. Горд сум што сум дел од оваа екипа, секој ден е различен со овие момци, сите се легенди. Следните денови ќе биде лудило. За Келн бевме спремни, ама за тоа што следува не сме подготвени. Знаеме што ќе биде во Скопје, ама знам дека не се спремни. Ќе биде страшно лудило, ќе има многу луѓе на плоштад… треба тоа да се доживее, -истакна Столе кој направи споредба на двете титули.

-Ова е подрага титула, ама не може да се спореди со првата. Тогаш не знаевме што е Келн, што е фајналфор. Сега веќе знаеме како да се однесуваме, полесно беше оваа година. Ама цела сезона се што поминавме, ова е наградата, -порача капитенот за „Балкан Хендбoл“.

(0 гласови)

Весникот близок до Реал Мадрид, „АС“, од свои добро упатени извори пренесува дека клубот ќе го претстави Еден Азар на 3 јуни.

Англискиот медиум „Скај Спортс“ пак излезе со информација дека двата тима конечно се согласиле за оштетата, па Реал Мадрид ќе плати приближно 115 милиони фунти, голема сума за фудбалер на кого следната сезона му истекува договорот.

По реализацијата на трансферот на Азар, „АС“ пренесува дека ќе следи ангажман и на Лука Јовиќ, за кого се е договорено со Ајнтрахт Франкфурт, а потоа ќе се влезе во завршните преговори со Лион за ангажман на Ферлан Менди.

Еден Азар вечерва во Баку ќе го одигра последниот натпревар во дресот на Челси и се надева дека од клубот ќе се збогува со трофеј.

(0 гласови)

Медиумите во Англија пренесуваат дека можно е во следниот период да видиме уште една продажба која ќе ја промени историјата на еден клуб од Премиер лигата.

Имено, полубратот на Шеикот Мансур, сопственикот на Манчестер Сити, бил заинтересиран да го купи тимот на Њукасл. Шеикот Калед бин Зајед Ал Нехјан сакал да го купи клубот од Мајк Ешли и од него да направи силен тим како што неговиот полубрат стори со Манчестер Сити.

Претставниците на богатиот шеик притискале продажбата да се случи ова лето додека преодниот рок е отворен со цел да може да купат силни засилувања во пресрет на следната сезона.

(0 гласови)

Тешкиот пораз на Барселона од Ливерпул и испаѓањето од полуфиналето на Лигата на шампионите (4:0), беше последниот аларм за промените што ќе се случат на Камп ноу.

Според известувањата од шпанските медиуми, поточно листата на АС, шампионот на Шпанија, налето ќе остане без десеторица свои фудбалери.

Кевин Принс-Боатенг и Џејсон Муриљо ќе се вратат во своите клубови како позајмување, додека да му истече договорот на Томас Вермален.

Резервниот голман Јаспер Цилесен сака да си замине, затоа што сака да биде голман и да брани, а Барселона планира да го продаде за 30 милиони евра.

Исто така Каталонците се подготвени да се ослободат и од Филипе Кулиња кој на натпреварот против Ливерпул докажа дека не е доследен да го носи тој дрес. Каталонците ќе бараат 100 милиони евра за Бразилецот.

Дефанзивецот Семјуел Умтити исто така се наоѓа на излезната врата, заради тоа што веќе сите го гледаат капитенот на Ајакс, Матијас де Лихта, на Камп ноу.

Бразилецот Малком може да си оди за 41 милион евра, слободен ќе биде и Иван Ракитич, додека пак Рафињ ќе биде преместен во клубот на Интер.

Дениз Суарез, моментално е позајмица за клубот на Арсенал, а во Барселона е вишок и до летото би требало да си замине.

Секако, на крајот на сезоната си оди и нивниот тренер, Ернесо Валверде. Прв на листата кој можеби ќе го замени, секако е тренерот на Ајакс, Ерик тен Хаг.  

Top