Сопственикот на Вардар, Сергеј Самсоненко е познат по тоа што знае да им угоди на спортистите. По освојувањето на европската титула со машката екипа, ракометарите добија покана од Самсоненко за заеднички одмор во Хрватска.

Ова ќе им биде како бонус, покрај премиите што ги заработија за титулата. На клупскиот „тим билдинг“ се најголем дел од ракометарите, кои веќе се пофалија на социјалните мрежи за нивниот пат до Сплит и на хрватското приморје. Погледнете како изгледа нивниот одмор…

vardar1-438x900.jpg

vardar4-506x900.jpg

vardar8-506x900.jpg

24Ракомет.мк

 

Руската Република Дагестан, која е дел од Руската федерација, денес го одликува ракометарот на РК Вардар и член на руската репрезентација, Тимур Дибиров.

Повод за ова одликување беше огромниот придонес на Дибиров кој го даде за развојот на спортот во Дагестан.

Претседателот на Владата, Абдусамад Гамидов ја имаше честа да му го врачи ова одличје со гравиран часовник и плакета од Министерството за спорт на вардаровиот ракометар. 

Дибиров, како и секогаш скромен и видно возбуден истакна дека ќе продолжи да дава максимум во спортот и преку неговите игри и неговото име ќе ги презентира и боите на неговата татковина. 

Во Дагестан благодарение на популарноста на Дибиров, биле отворени голем број на ракометни школи и овој спорт,моментално зема голем замав во овој дел на Русија. 

Дибиров во моментов е на одмор со семејството и се очекува кон крајот на јули да пристигне во Скопје на подготовките кои следуваат за наредната натпреварувачка сезона. 

Но, најпрвин, Дибиров со РК Вардар ќе треба да го одиграат големиот ,,Супер глоуб’’во Доха, Катар.

По речиси цела година разонаразни гласини и неколку прекини на взаемните преговори, претставиците на Лионел Меси и одговорните луѓе на Барселона ставија крај на неизесноста наречена „нов договор“ на феноменалниот Аргентинец, а ваквата ексклузивна и многу важна вест за навивачите на Барса ја пренесоа сите најугледни каталонски и шпански медиуми.

Најблиските извори на клубот пренесуваат дека документите се веќе подготвени и дека само ќе се почека да заврши медениот месец на Меси, но најавено е дека Барселона уште во текот на денешниот ден ќе потврди дека најголемата ѕвезда останува на „Камп Ноу“ уште најмалку три години. Најмалку поради тоа што Аргентинецот побарал еден интересен услов од првите луѓе на Барселона, односно самоиницијативно инсистирал неговиот договор да гласи „три плус еден“.

Ова значи дека Меси сигурно уште три сезони ќе го носи дресот на Барселона, но во зависност од тоа во каква форма ќе се наоѓа, ќе одлучи дали ќе биде подготвен и доволно добар да го претставува каталонскиот гигант и во 2021 година. 

Ваквиот потег на Меси е само потврда за неговиот неверојатен професионализам и голема чесност, а иако првично не се откриени детали за тоа колку ќе заработува годишно од новиот договор, познато е дека неговата откупна клаузула ќе изнесува фантастични 300 милиони евра.

Учеството во Вардар Јуниор лигата за две девојки од Делчево Вардар значеше исполнување на сонот – влез во младинската селекција на Вардар. Кети Ангеловска и Марија Гоцевска од следнава сезона се приклучуваат на вардаровата екипа, а интересно е што тренерот Анжела Платон одбра девојки кои се истакнаа на натпреварите на Вардар Јуниор лигата уште во првата сезона.

Денеска ви ја претставуваме Кети Ангеловска, која изминатите неколку години на сите наши турнири собираше индивидуални награди во нејзината старосна категорија 2000/01.

"Уште кога нашиот клуб се поврза со Вардар мојата мотивација за успех беше двојно поголема. Кога и самиот знаеш дека те гледаат врвни ракометни играчи пред кои можеш да ги покажеш своите вештини, чувството е возбудливо и неверојатно. Уште на првиот турнир на Вардар, 'Еден живот, една љубов' мојата желба за успех беше огромна и како резултат на тоа го добив признанието за најдобро крило. Следната година го освоивме првото место во Јуниор лигата и го добив признанието за најдобар стрелец, како и оваа година на зимскиот турнир ,'Еден живот, една љубов'", се потсетува Кети, која последнава сезона со екипата од Делчево се натпреваруваше во младинската и кадетската лига на Ракометната федерација на Македонија.

Поради повреда два месеци отсуствувала од теренот, но вели дека желбата за враќање на терен била огромна и за брзо време успеала да се врати во форма. Но, она што не го очекувала е покана во Вардар по завршувањето на сезоната.

„Во моментот кога го добив повикот се чуствував... не можам да го опишам тоа чувство. Не знаев ниту како да реагирам. Се разбира бев среќна, но многу чувства се измешаа. Вардар јуниор лигата и зимскиот турнир дадоа голем придонес во повикот за Вардар, бидејќи ни овозможија докажување пред наши идоли и врвни играчи кои сега се дел од Вардар. Голем придонес за доаѓањето во Вардар имаше и мојот тим и тренерот Горан Велков, кој ми ги пренесе сите тајни на ракометот, за што сум им благодарна. Сега во Скопје доаѓам во нова средина со нови луѓе, ново училиште, и можам да кажам нов живот, каде се надевам дека бргу ќе се вклопам и навикнам во мојот нов тим, а се надевам и на многу успеси. Се надевам дека искуството на моите нови тренери ќе нѐ насочи кон повторување на нивниот успех", вели Кети.

Очекува брзо да се вклучи во новата екипа, зашто веќе ги познава девојките. Изминатата сезона ги следела нивните натпревари, а во лигите на РФМ играла и против нив. Најголемиот ракометен проект во Македонија, Вардар јуниор лигата повторно покажа дека за квалитетот секогаш има место и тој секогаш ќе биде препознаен и ќе добие шанса за напредување. Во Ракометната академија на Вардар има околу 2.000 деца кои секојдневно се дружат во ракометот и сонуваат да стигнат во првиот тим и настап на натпревари од лигата на шампионите. Полека, но сигурно за дел од тие деца почнува остварување на нивниот сон. А сите други добиваат желба за работа и докажување.

Усоврши го своето фудбалско знаење, земајќи учество на летниот камп на Вардар во Охрид. 

Ве повикуваме, покрај тренерите на Вардар во младинската школа и високите стручни лица, да земете учество на овој камп, и да го надоградите своето фудбалско знаење. Биди подобар фудбалер под водство на високо образовани тренери од фудбалската Академија на ФК Вардар. Кампот ќе биде посетен и од играчи од првиот тим на „црвено-црните“, како и од поранешни легенди на клубот кои оставиле траен белег низ Вардаровата историја. Тие ќе имаат предавања и ќе ги пренесуваат своите искуства. 

Кампот ќе биде одржан од 5 до 20 август, по следните термини: 

ГРУПА 1: 05.08 - 10.08 - детска школа

ГРУПА 2:10.08 - 15.08 - Генерација 2004, 2005, 2006

ГРУПА3: 15.08 - 20.08 - Генерација 2007, 2008

Ацо Јоноски со своето огромно искуство беше голем плус на нашата репрезентација во преубедливата победа која ја оствари во клучниот дуел со Чешка за пласман на Европското првенство во Хрватска, а бидејќи оваа пресметка за него воедно значеше враќање во селекцијата, неговото обраќање во микс-зоната беше едно од најинтересните за новинарите.

Столбот во одбраната доби солидна минутажа при своето враќање и навести дека постојат шанси да го гледаме на турнирот во Хрватска, но неговото интервју во подтрибинскиот простор уште поинтересно го направи селекторот Гонзалес.

Раул се втурна меѓу новинарите и го прекина интервјуто на Јоновски и му го порача следново: 

– Сакам да му се заблагодарам на Јоно што дојде одма кога можеше. Кога му се јавив, ми порача: „Раул не се грижи, ќе го фатам првиот авион и ќе дојдам“. Ти благодарам Јоно, – му порача симпатичниот шпански стручњак на Јоноски, потег со кој успеа да ги насмее сите новинари во микс зоната. 

Претходно, Јоноски порача дека бил посебно мотивиран на овој дуел со Чешка бидејќи поради лични обврски не успеал да стигне навреме за Украина. 

– Ми се јави селекторот и ме праша дали можам да дојдам. Имав работи во Германија кои морав да ги средам и за првиот натпревар не можев да дојдам никако. Најдов простор и време да дојдам за вториот меч и мило ми е што бев тука да помогнам. Треба добро да се размисли дали ќе играм на Европското првенство, рано е да ветувам уште од сега, но сепак мислам дека ќе бидам дел од тимот. Бев посебно мотивиран за овој меч, од непознати причини не бев повикан за Светското првенство во Франција, но еве добив нов повик и се вратив. Се надевам дека во иднина ќе биде сè како што треба, – истакна Јоноски.

Нема одмор за дресовите од Вардар Јуниор лигата. Со крајот на натпреварувачката сезона и почетокот на летната сезона нашите млади ракометари веќе се подготвуваат за нови ракометни предизвици. Желни за нови знаења и нови искуства децата веќе се подготвуваат за летните кампови.

Повеќето регионални единици кои членуваат во Ракометната академија Вардар летово организираат кампови за децата кои тренираат во школите, а од кои дел се натпреваруваат и во Вардар Јуниор лигата.

Леа Христоска минатата година се издвои како еден од најдобрите голмани кои се натпреваруваа во лигата, а на зимскиот турнир „Еден живот, една љубов", кој се одржа во јануари годинава, беше наградена како најдобар голман во женска категорија во генерацијата 2004/05. И Леа се подготвува за ракометен камп.

„Важно ми е да продолжам да тренирам и во текот на летото, и додека трае распустот ќе се вклучам на летен камп за ракомет, а веќе со стартот на школската година со девојките од мојата екипа се враќаме на тренинзи во школата на Кастратовиќ Вардар. Вардар Јуниор лигата за мене беше одлично искуство и планирам да продолжам да се натпреварувам и во следната сезона", вели Леа Христоска, која изминатата година и половина тренира за голман во школата Кастратовиќ Вардар.

Леа е родена во 2004 година, и во лигата се натпреварува со нејзината генерација.

„Кога во школо игравме фудбал или ракомет секогаш бранев. А, ракометот ми е интересен спорт и ме привлече да се запишам да тренирам, се разбира како голман. Веднаш се вклучив во лигата. На почетокот ми беше потешко зашто ми беше прва година во лигата, а имаше девојки кои имаат поголемо искуство од мене, но со време, како што тренирав таа разлика ја надминав и ми стануваше сѐ полесно. Тренингот за голманите е во истиот термин со останатите играчи, но јас не ги работам истите вежби со останатите деца. Од тренерот Здравка Дамовска јас добивам вежби кои се наменети за голмани. Многу неочекувана ми беше и наградата за најдобар голман зашто имав повреда и шест месеци не можев да тренирам и сметав дека не сум многу подготвена. Но, имаме одличен тренер кој се грижи за нас и успева и на терен да го извлече најдоброто од нас", вели Леа.

Искуството од изминатата сезона вели дека и помогнало да стане подобар голман.

„Лигата беше супер. Има одлична организација. Се дружиме со нашите врсници и се натпреваруваме. Со нетрпение ја очекувам следната сезона и верувам дека ќе бидеме прво место. Многу повеќе ќе тренираме, ќе се подготвуваме за златото", вели Леа.

Во меѓувреме Леа останува да ја развива желбата за ракомет, за што најголема поддршка и е татко ѝ, кој е голем ракометен фан.

Сергеј Самсоненко во изминативе неколку години вложи многу средства за да го изгради Вардар како надалеку познат спортски бренд, а напорната работа и потрошените пари на огромно задоволство вродија со плод пред 10 дена кога РК Вардар ја освои титулата во Лигата на шампионите.

Рускиот газда со честите финансиски инјекции направи од Вардар спортски проект кој сега служи за пример на овие простори, а дека Самсоненко едноставно е вљубеник во спортот и инвестирањето во истиот ни потврди со својот последен потег.

Самсоненко кој инаку е сопственик на „Бет Сити“, како спонзорски партнер влезе во рускиот фудбалски гигант ЦСКА Москва, а клубот ова попладне ја потврди заемната соработка.

– Среќни сме што ќе имаме соработка со „Бет Сити“, гледаме оптимистички на иднината. Уверени сме дека оваа меѓусебна соработка ќе биде навистина плодна и исполнета со многу успеси и среќни моменти, – вели Евгениј Гинер, првиот човек на ЦСКА.

samsonenko-beit

Скопје, односно „Телеком арена“, на 8-ми август ќе биде домаќин на УЕФА Суперкупот. За овој трофеј ќе се борат освојувачите на Лигата на шампионите и Лига Европа, Реал Мадрид и Манчестер Јунајтед.

Реал и Манчестер Јунајтед, два трофејни, атрактивни тима, преполни со фудбалски ѕвезди, на 8-ми август ќе гостуваат во Скопје. Интересот за УЕФА Суперкупот е огромен, не само во Македонија, туку и низ целиот регион.

Интересот за билетите е огромен, а она што е познато дека продажбата ќе оди преку УЕФА. Дел од влезниците ќе бидат поделени на двата тима, дел УЕФА ќе задржи за своите спонзори, а остатокот е предвиден за локалното население. 

Продажбата на влезниците ќе започне денес, а по тој повод ќе биде одржана прес конференција (Телеком арена 18 часот), на која ќе биде соопштено како најлесно и најбргу заинтересираните ќе можат да стигнат до влезница. 

Гости на прес конференцијата покрај претставници на УЕФА, ќе бидат и Емилио Бутрагењо и Луј Саха како претставници на Реал, односно Манчестер Јунајтед.

 

Десет од најголемите ракометни клубови во Европа, меѓу кои е и македонскиот и од неодамна европскиот шампион Вардар, поставија ултиматум до ЕХФ за промени на Лигата на шампионите. Најмоќните ракометни клубови од ЕХФ бараат поголемо влијание и повеќе пари во Лигата на шампионите. Доколку ЕХФ не одговори на нивните барања, тогаш клубовите се подготвени да направат сопствена „пиратска“ лига.

Данскиот портал „БТ“ информира дека овој став бил утврден на Генералното собрание на Форумот на ракометни клубови што се одржа за време на Ф4 турнирот во Келн минатиот викенд. Во овој Форум се: Барселона, Целје, Фленсбург, Кил, Кјелце, КИФ Колдинг Копенхаген, Монпелје, Кадетен Шафхаузен, Вардар и Веспрем.

Идејата за создавање паралелна Лига од овие клубови е присутна веќе подолг период, но овој пат таа добива и многу поконкретен белег со ангажман на медиумскиот гигант ИМГ кој има искуство во создавање на вакви лиги во различни спортови, како што е Евролигата во кошарка.

Еден од творците на новиот проект на новата ракометна Лига би бил спортскиот директор на Колдинг Копенхаген и член на бордот на директори Форумот на ракометните клубови, Ласе Боесен.

„Учеството во Лигата на шампионите веќе не е економски атрактивно. Некои клубови трошат пари за да учествуваат во европските ракометни купови. И клубовите кои стигнуваат најдалеку во овие натпреварувања, не се соодветно наградени. Постои потреба за поголем комерцијален развој во ракометот и тоа може да го постигнаме со помош на ИМГ која е агенција со долгогодишно искуство во оваа област“ – истакнува Ласе Боесен.

Само за информација, Вардар како европски шампион заработи скромни 500.000 евра за освојувањето на титулата во Келн, сума што е прениска во однос на вложените средства во еден сериозен ракометен проект.

Од друга страна, престедателот на ЕХФ, Михаел Видерер ја нагласува добрата соработка со клубовите и позитивниот развој на европските клупски натпреварувања.

„Соработката меѓу ЕХФ и најдобрите клубови во Европа доведе до позитивен развој на европските купови од година во година, што се потврдува со зголемена популарност на овие завршни турнири и посебно на успехот што го имаше годинашниот Ф4 турнир од ЛШ во Келн. Јас не гледам никаква причина тоа да не продолжи и понатаму“ – истакна Видерер.

Со ова индиректно се потврдува дека ЕХФ има поинаков став и не ја сфаќа сериозно заканата од Форумот на ракометните клубови, па останува да се види дали екипите ќе се решат за конкретен чекор во следниот период, за гласно да ги претстават своите ставови.

Top