(0 гласови)

Сите оние кои го сакаат фудбалот сакаат да видат атрактивни голови, а такви дефинитивно имавме во изминатава деценија, па со оглед на тоа што сме на крајот на 2019 или поточно на крајот на оваа декада дефиниитвно вреди да се потсетиме и ги погледнеме најдобрите 100 погодоци и тоа на едно место во едно видео.

(0 гласови)

Лос Анџелес Лејкерс останува неприкосновен лидер на Западот, и покрај тоа што изминатава вечер претрпе прв пораз по серијата од седум победи во низа во НБА лигата.

Во еден крајно изедначен натпревар во сите четири четвртини, играчите на Индијана на крајот имаа повеќе нерви и на домашен терен славеа со 105:102 за четврти триумф по ред, успех со кој се искачија на шестото место на табелата на Истокот. Сабонис со 26 поени беше најзаслуиен за славјето на Пејсерси, а Литванецот доби поддршка и од Тарнер и Брогдон кои уфрлија по 16 и 14 поени.

Во поразениот состав, Леброн Џејмс и Двајт Хауард постигнаа по 20 поени, а токму тие двајца беа задолжени и за главната атракција на вечерта. Најголем дел од задачата заврши Леброн кој смисли ново чудесно додавање, додека разиграниот Хауард имаше лесна задача за атрактивно да забие.

(0 гласови)

Катастрофалниот старт на сезоната за Њујорк Никс резултираше со отказ за тренерот Дејвид Фицдејл.

Клубот од Њујорк со лошата серија резултати и билансот 4-18 по првите 22 кола се реши да му врачи отказ на Фицдејл и неговиот помошник, Кејт Смарт.

Интересно е тоа што сега Њујорк Никс не може да најде тренер кој ќе сака да се нафати за оваа работа, па пожарот во клубот би можела да го гаси, Беки Хамон.

Доколку ја назначат за нов тренер на клубот, Беки Хамон ќе стане првата жена во историјата на НБА Лигата која ќе биде предводничка на една франшиза.

Хамон е една од најдобрите кошаркарки на САД на сите времиња, а во моментов работи во Сан Антонио Спарс како помошничка на легендарниот Грег Попович. Одамна се пишува дека токму таа ќе биде првата жена која порано или подоцна ќе стане главен тренер на некој клуб. Сега и се отвара голема прилика, дали ќе ја прифати, останува да видиме…

(0 гласови)

Публиката и спикерот на натпреварот помеѓу Филаделфија и Њујорк Никс 109:104 еден навидум обичен погодок го прославија како да се освоил шампионатот.

Причината за тоа е што Бен Симонс конечно успеа да ја постигне својата прва тројка во кариерата во НБА лигата.

Одличниот 208 см висок кошаркар во досегашната двегодишна НБА кариера и заработените над 19 милиони долари за прв пат успеа да погоди од три поени, по “цели“ 17 обиди во претходните две години.

(0 гласови)

Хрватскиот стратег, Нико Ковач неодамна доби отказ од редовите на Баерн Минхен, а истиот се случи по катастрофалниот пораз од Ајнтрахт Франкфурт со 5:1.

И првиот човек на клубот, Ули Хенес потврди дека играчите биле тие кои сакале смена на стратегот, а сега најугледниот германски медиум „Билд“ ги откри имињата на фудбалерите кои биле незадоволни од ковач.

Прв „бунтовник“ бил Томас Милер кој воопшто не добиваше шанса од Ковач, освен на последните средби кога играше од првата минута. Се спротивставил и Мануел Ноер кој го критикувал стратегот по неубедливата партија против Бохум во германскиот покал.

Жером Боатенг му замерил на Ковач за неисполнетите ветувања откако минатата година Хрватот го блокирал неговиот трансфер во ПСЖ.

ОСвен овие тројца искусни фудбалери, против Ковач се свртеле и Џошуа Кимих, Тиаго Алкантара и Хавиер Мартинез, а во последно време во квалитетите на Хрватот почнал да се сомнева и Роберт Левандовски.

Речиси сите играчи сеналутиле кога Нико Ковач истакнал дека неговиот Баерн Минхен не може да игра како Ливерпул.

(0 гласови)

Европската фудбалска асоцијација, УЕФА, сериозно размислува за опцијата финалето на Лигата на шампионите во 2024 година да се игра на друг континент, поточно во Северна Америка, а веќе е одбран и стадион.

Финалето на ЛШ никогаш не се играло надвор од Европа, но и тоа може да се смени во блиска иднина, па во 2024 година, за европската клупска титула битката да се води на „Метлајф“ стадионот во Њу Џерси, на кој играат НФЛ тимовите Њујорк џајантс и Њујорк џетс.

Во тек се преговори со комерцијални партнери од САД, а иако уште е почетна фаза, двете страни се силно заинтересирани за реализација на идејата. Капацитетот на стадионот е 82.566 седишта. Непосредната близина на „големото јаболко“ е магнет и евентуалното финале на ЛШ таму, има огромен маркетиншки потенцијал.

(0 гласови)

Милан минува низ турбулентен период кога во прашање се резултатите на почетокот на сезоната. „Росонерите“ го имаат најлошиот старт во последните 80 години, а како резултат на тоа „летна главата“ на тренерот Марко Џампаоло.

Сепак има уште вести кои може да ги загрижат фановите на клубот. Имено, Милан ја завршил сезоната со неверојатна загуба од 146 милиони евра, а тоа преведено со други зборови ќе значи дека клубот ќе мора да продаде една од своите најголеми ѕвезди уште во јануарскиот преоден рок за да избегне санкции од ФИФА.

Милан одби понуди за Сусо и Џанлуиџи Донарума во летниот преоден рок од Лион, Марсеј и ПСЖ, а сега во јануари ќе мора да ги слуша понудите за еден од овие двајца фудбалери.

Поверојатно е дека клубот ќе го напушти шпанскиот интернационалец за кој повторно постои сериозен интерес. Освен Сусо, во јануари може да си замине и Лукас Пакета за кого се интересира ПСЖ и од кој Милан може да инкасира значителна сума на пари.

Се споменува и заминување на Франк Кеси кој има понуда од тимот на Вулверхемптон кој летото веќе го обезбеди потписот на Кутроне од Милан.

(0 гласови)

Кина е втор по важност пазар за американската кошаркарска НБА лига, а од Пекинг зависи и висината на платата која ја добиваат играчите.

Политиката и спортот, за жал, веќе одамна се длабоко поврзани, а кога во сето тоа ќе се вмешаат и парите, поточно милијарди долари од спортски договори и права на пренос, секој погрешен чекор може да резултира со катастрофални последици.

Токму еден таков „погрешен чекор“, односно порака напишана на социјалната мрежа Твитер, преку ноќ стана исклучително скап и опасен избор на зборови во спортско-корпоративна Америка која пред целиот свет капитулираше пред заканата од Кина.

 

Колку еден Твит може да ја чини најсилната кошаркарска лига на светот?

Поддршката на граѓаните на Хонгконг која на својот профил на Твитер неодамна ја објави директорот на НБА екипата Хјустон Рокетс, Дерил Мори го навлече гневот на официјален Пекинг, а набрзо потоа предизвика и хаос со масивни финансиски последици.

„Борете се за слобода и бидете со Хонгконг“, напиша првиот човек на Хјустон Рокетс, па Кина веднаш одлучи да прекине да ги пренесува НБА натпреварите на својот огромен пазар, со што најсилната кошаркарска лига на светот ќе остане без дури 4 милијарди долари по сезона!

Се чини дека Мори залудно го избриша Твитот и се извинуваше - кинеските партнери на НБА лигата ги прекинаа сите врски, државната телевизија го прекина емитувањето на предсезонските натпревари, а влдата од Пекинг остро порача дека НБА треба да покаже „достојно почитување“.

 

Кина за НБА лигата е втор пазар по важност, а заработката од правата за телевизиските преноси е огромна. Колку оваа комунистичка земја има пресудно капиталистичко влијание сведочи фактот што после спорниот Твит на првиот човек на Хјустон Рокетс, предвидувањата за "Salary Cap" веднаш опаднаа - станува збор за ограничување на вредноста на договорот кои секој НБА тим може да им го понуди на своите играчи.

Американско „демократско“ лицемерие

Дека многу полесно е да му се пркоси на Трамп отколку на кинеските „комунисти“ најдобро покажува односот на тренерската легенда Грег Попович кој американскиот претседател во една прилика го нарече „импотентна кукавица“.

Попович и неговиот подеднакво критичен колега Стив Кер молчат, а кога новинарка на „СиЕнЕн“ неодамна побара коментар за „кинеската афера“ од играчите на Хјустон Рокетс, Џејмс Харден и Расел Вестбрук, портпаролот на клубот практично со телото ѝ го покри микрофонот.

Можеби и најголемата ѕвезда во лигата, Леброн Џејмс, инаку познат по својата „чувствителност“ на социјалната и општествена неправда, дури и го критикуваше шефот на Рокетс, нарекувајќи го лошо информиран за ситуацијата во Хонгконг, каде што инаку демонстрантите бараат повеќе демократија и протестираат против владата која планираше да донесе закон за екстрадиција на нивни граѓани во Кина.

„Сите имаме слобода на говорот, но во чувствителните моменти мораме да внимаваме да не им наштетиме на луѓето, не само финансиски, туку и емоционално, духовно“, изјави Џејмс веројатно мислејќи на сопствениот џеб со оглед на тоа што кошаркарите би можеле да добиваат помали плати во иднина.

НБА потроши многу години и милиони долари за да се пробие на кинескиот пазар и да го достигне досегашниот статус. Според аналитичарите, Кина има удел од 10% од приходите на НБА лигата, а до 2030-та година тој удел требаше двојно да се зголеми.

(0 гласови)

Квалификацискиот меч во Софија меѓу Бугарија и Англија се претвори во вистински циркус, или поточно ни понуди расистички скандал од огромни размери, поради што англиските фудбалери и јавноста од оваа земја останаа згрозени.

Бугарските фанови не престануваа со расистичките скандирања и поради негодување на гостинските играчи, натпреварот во два наврати беше прекинат, нешто што сигурно ќе предизвика ригорозна реакција од страна на УЕФА која веќе затвори дел од стадионот „Васил Левски“ поради идентичен прекршок.

Англиските фудбалери не криеја дека се згрозени од однесувањето на домашната публика, а иако потенцираа дека пронајдоа добра утеха во понижувачката победа од 0:6, интересна изјава имаше Маркус Рашфорд кој одлучи да го истакне гестот на капитенот на Бугарија.

Ивелин Попов собра храброст да им се спротивстави на несовесните навивачи и на полувремето се соочи со истите и побара да прекинат со глупостите, а овој потег не заборави да го потенцира младиот играч на Јунајтед по мечот.

– Не беше лесно да се игра во вакви услови, ова не треба да се случува во 2019-та година. Горд сум што го надминавме сето тоа и што ги освоивме бодовите со убедлива победа. Англиската поддршка беше брилијантна. Исто така, ми беше кажано и потоа видов што направил бугарскиот капитен на полувремето. Да седиш сам во таква толпа и да бидеш единствен со такво мислење, треба да имаш голема храброст, а таков акт не смее да остане незабележан од нас. Тоа е за почит, – порача Рашфорд.

(0 гласови)

Спортот и алкохолот не одат заедно, така барем би требало да биде... Меѓутоа, во пракса сепак не е така. Ви ја претставуваме “црната листа“ на најголеми алкохоличари во светот на фудбалот.

Пол Гаскјон

Првото место секако дека го зазема Пол Гаскјон, англиски фудбалер кој важел за еден од најталентираните во својата генерација, но љубовта кон алкохолот го спречила да го достигне врвот. Гаскјон дури и престојувал во институција за одвикнување од алкохол, но ниту тоа не помогнало. И денес на овој Англичанец дружењето со чашка алкохол му создава големи проблеми.

 

Гаринча

Иако бил еден од најдобрите фудбалери кој оваа планета го имала, Гаринча на 49 години починал токму поради последиците од пиење алкохол. Бразилецот кој ја испишал својата историја во светскиот фудбал целата кариера ја поминал во својата татковина, а најдобрите натпревари ги одиграл во дресот на својата репрезентација.

 

Џорџ Бест

Легендата на Манчестер Јунајтед ќе остане запомнет како еден од најдобрите фудбалери и како мајстор кој оставил многу од себе на фудбалскиот терен, но сето тоа го упропастил поради љубовта кон шишето. Во својата десетгодишна кариера во дресот на „Црвените ѓавли“, постојано се борел со својата зависност која подоцна ја лечел во помали средини, а починал на 59 годишна возраст.

 

Сократес

Бразилскиот доктор во копачки својата брилијанта кариера ја “зачинил“ со алкохол и се вброил во редот фудбалери кој својата среќа ја нашол во Европа, а тогаш силната Фиорентина нему никако не му одговарала токму поради недоволната слобода, да може да се држи до чашката. Починал на 59 години.

 

Адриано

Најсвежиот пример на овој список е секако бразилскиот ас Адриано кој играјќи за Интер во раните деведесетти покажал до тогаш ретко виден талент. Му се смешкала блескава кариера бидејќи одигрувал неверојатни натпревари, а потоа одеднаш се свртел кон блазилски начин на живот кој подразбирал консумирање на повеќе литри алкохол, одење на забави до раните утрински часови. Изгубил контрола, а потоа големите клубови биле незаинтересирани за него.

 

 

Top