(0 гласови)

Според инсајдерот на ЕСПН, Адријан Војнаровски, играчите од НБА-лигата ќе изгубат 21-24 проценти од своите плати доколку сезоната 2019/2020 не продолжи.

На 11 март, НБА-лигата ја објави суспензијата на сезоната најмалку 30 дена поради откривање на коронавирусот кај центарот на Јута, Руди Гобер. Подоцна, тестовите на соиграчот на Гобер Донован Мичел и центарот на Детроит, Кристијан Вуд дадоа позитивен резултат.

Сопствениците и менаџерите на клубовите очекуваат сезоната да продолжи не порано од средината на јуни.

НБА-колективниот договор ѝ дозволува на лигата да ја намали платата на играчите за секој натпревар пропуштен поради епидемија.

(0 гласови)

Македонскиот репрезентативец Ељиф Елмас имаше мали проблеми со повреда, пред да се донесе одлука со која се прекинаа сите фудбалски ективности во Европа.

Членот на Наполи ќе го искористи слободниот период за да заздрави и да се подготви за она што следува во остатокот од сезоната. Покрај обврските за калчолигашот, 20-годишникот ќе има задача да и помогне на Македонија да се пласира на Европското првенство, кое неодамна беше одложено за наредната година.

Елмас ги послуша сите препораки на Меѓународната здравствена организација и остана дома, но не пропушти можност да тренира напорно. Целиот процес го споделува на социјалните мрежи и го покажува забавниот дел од неговиот карактер, тренирајќи во ритам на светски познати музички хитови.

 

(0 гласови)

Фудбалскиот застој кој владее во Европа дефинитивно нема позитивно да влијае врз финансиските структури во клубовите, а по објавите на неколку земји за вонредна состојба во нивните граници, ни пристигна и првиот радикален чекор од еден француски великан.

Олимпик Лион стана првиот клуб од Лига 1 кој одлучи комплетно да ги парализира давачките кон своите фудбалски ѕвезди, односно на неодредено време ги суспендираше платита на играчите од првиот тим како последица на големата криза со коронавирусот која силно ја погоди и Франција.

– По преземените мерки од авторитетните лица за да се справиме со КОВИД – 19 и со оглед на тоа што се суспендирани сите тренинзи и натпреварувања на национално ниво, мора да ве известиме дека цел персонал има прекин и одредена е суспензија на платите на сите вработени, – гласи објавата на Лион која само докажува дека клубовите можат да се соочат со сериозни финансиски кризи доколку брзо не се надмине глобалниот проблем со вирусот.

(0 гласови)

Француските медиуми доцна синоќа почнаа да шпекулираат дека Нејмар бил видно вознемирен во последните неколку дена поради кризата со коронавирусот, а по сериозните мерки кои ги активираше Макрон, сега пристигна потврда дека исплашениот Бразилец пребегал од Париз.

Големата ѕвезда на ПСЖ го напуштил Париз и со својот приватен авион се вратил во родниот Бразил, земја која во овој момент е далеку посигурно и побезбедна со оглед на тоа што жариштето на коронавирусот е Европа. Франција полека влегува во округот на ризични земји со растот на новозаболени, а таквиот тренд го исплашил Нејмар и решил брзо да реагира со заминување од Париз.

Оваа вест ја потврди „Лекип“ ова попладне, медиум кој тврди дека Нејмар ја напуштил земјата пред затворањето на границите кои беа најавени како мерки, а друштво му правел и неговиот сонародник Тиаго Силва кој исто така одлучил да се врати во Бразил заедно со своите најблиски.


 
(0 гласови)

Четворица кошаркари на Бруклин нетс се заразени со коронавирус, соопшти клубот. Еден од заразените кошаркари е и Кевин Дурент.

Добро сум. Бидете внимателни, внимавајте на себе и влезете во карантин. Ќе минеме заедно низ ова, рече Дурент.

(0 гласови)

Најдобриот фудбалер на Пари Сен-Жермен, Бразилецот Нејмар, одлучи да побегне од Париз и да се заштити од коронавирусот кој се повеќе зема замав во француската метропола.

Како што пренесуваат француските медиуми, тој најверојатно побегнал во Бразил со својот приватен авион. Таму заразата е на многу помало ниво.

Челниците на францускиот клуб не знаат каде во моментов Нејмар се наоѓа, затоа што фудбалерот на никого не му пријавил дека ќе замине. И останатите Бразилци во клубот исто така изразија желба да им дозволат да се вратат во својата татковина.

(0 гласови)

Според пишувањето на шпанскиот весник AS, една од опциите е завршување на Лигата на шампиони и Лига Европа е Фајнл Фор.

Откако повеќето европски фудбалски првенства се прекинати поради пандемијата на коронавирусот, се бараат најдобри решенија кои би требало официјално да се усогласат во вторник на вонреден состанок на УЕФА. 

Се поизгледно е дека Европското првенство 2020-та година ќе се откаже за декември или за следното лето, а Лигата на шампиони те и Лига Европа ќе ги спаси завршница на која би играле само четири клуба.

Идејата на UEFA е во четвртфиналето да се игра само еден натпревар на неутрален терен или со влечење да се одреди домаќинот. После тоа четири клуба ќе учествуваат на Final Four.

Така завршницата на ЛШ би се играла во Истанбул, а Лига Европа во Гдањск.

На видео состанок утре, 17-ти март, ќе учествуваат 55 претставници на фудбалските сојузи кои ќе гласаат за иднината на европскиот фудбал.

(0 гласови)

Министерот за здравство Венко Филипче потврди дека сите спортски натпревари на територијата на Македонија ќе се играат без публика во наредните 30 денови.

Натпреварот меѓу фудбалските репрезентации на Македонија и Косово кој е закажан за 26. март ќе се игра пред празни трибини.

На прес конференција министерот за здравство Венко Филипче потврди дека меѓудругото Владата донела одлука спортските натпревари во наредните 30 денови да се играат без публика.

Натпреварот меѓу Македонија и Косово беше распродаден, Арената „Тодор Проески“ требаше да биде полна за овој важен дуел, но тоа нема да се случи. Во наредниот период ФФМ ќе излезе со информација како ќе им бидат вратени парите на луѓето кои купиле билети.

(0 гласови)

Македонскиот репрезентативен голман Дени Илиев брани за Јагелонија во полската прва фудбалска лига. Во натпреварот меѓу неговиот тим и Корона Киелце, тој беше најзаслужен што гостите не постигнаа гол. Одбранта не остана незабележана, а се појави и на официјалниот твитер профил на полската фудбалска лига.

 

(0 гласови)

Навивачите на фудбалскиот клуб Барселона ќе се запознаат со начинот на кој функционира криптовалутата, односно системот блокчеин.

Барса, како еден од најпопуларните светски фудбалски клубови, ќе издаде дигитални токени за употреба на платформа за ангажирање на навивачи.

Токените исто така ќе им овозможат на нивните сопственици да гласаат за различни одлуки за тимот, како што е на пример музиката која ќе се пушта на стадионот кога тимот ќе постигне гол. Идејата е да им се овозможи на навивачите ширум светот да учествуваат во важни и помалку важни одлуки во клубот.

За да ги добијат валутите, фановите можат да ја преземат апликацијата Socios.com, да ги купат оригиналните монети познати како Chiliz, а потоа да ги искористат за купување на токени од Барса.

На навивачите ќе им бидат понудени 40 милиони монети по 2 евра, а најголем дел од приходите ќе одат во клубот, изјави Александар Дрејфус, извршен директор на Socios.com. Chiliz токените се тргуваат на неколку крипто берзи, а можат да се држат и на дигитален паричник.

Инаку, ова не е новост. Откако во декември беа претставени навивачките токени, околу 110.000 корисници се пријавиле, купувајќи монети во просек вредни 20 долари.

– Не ги таргетираме навивачите кои се на стадион. Идејата е да се достигнат 99,9 проценти од луѓето кои не се на стадион – изјавил Дрејфус.

Top