Dragan Stefanov

Dragan Stefanov

Email: Оваа е-адреса е заштитена од спамботови. Треба да ви е овозможено JavaScript за да ја видите.

Таа е дефинитивно најбрзо растечкиот талент на светската техно сцена. Deborah De Luca е на бесконечна светска турнеа додека во исто време ја раководи својата издавачка куќа Sola mente records каде ја пласира музиката што ја продуцира...

Во моменти кога е на самиот врв во оваа индустрија и настапува на најголемите и најважните подиуми ширум светот Deborah De Luca повторно решава да го стави Скопје како една од последните станици од оваа година. Со овој гест таа покажува почит кон една од најдобрите публики во Европа, публика која таа почит ја заслужи на претходните настапи во нашата земја и со право ја стави на пиедесталот на омилени музичари кои некогаш настапувале кај нас.

Deborah de Luca1

Таа е миленик кај повеќе генерации, а моментално е една од најабараните артисти, неодамна шпански Vogue (https://www.vogue.es/living/articulos/conoce-a-la-dj-italiana-deborah-de-luca-la-gran-reina-actual-de-la-musica-techno) ја опиша како “ Италјанската Dj-ка Deborah de Luca, една од денешните најголеми кралици на техно музиката“.

Настанот ќе се реализира на 28 декември во големата сала на А1 Арена (екс. сала Борис Трајковски) со почеток од 22:00 .Влезниците во претпродажба се со промотивна почетна цена од 600 денари.

Македонија предновогодишно ќе има можност да се забавува со урбан звук како примерот на големите светски метрополи, а за заокружување на оваа урбана приказна најавуваме беспрекорна организација со високи стандарди која за момент ќе Ви овозможи да се чувствувате како да сте дел од најголемите музички настани во светот.

Deborah de Luca3

Речиси секој врабетен ширум светов има основни приговори од работното место со кои се соочува - не е доволно платен, работи премногу и константно е ненаспиен.

Еден индиски стартап овие приговори ќе ги преврти наопаку - нуди плата за спиење.

“Wakefit“ е стартап кој се занимава со здраво спиење и одмор, односно со душеците кои го овозможуваат тоа. Таа компанија бара почетници кои би спиеле на работа по осум часа 100 дена по ред.

За таа “тешка“ работа ќе бидат платени околу 1.344 евра. Најдоброто од сето тоа е тоа што “вработените“ сето тоа би го правеле од дома па така нема да мора да патуваат до работа.

Според пропозициите, идеални кандидати се оние “кои се чувствуваат удобно во околината и оние кои со членовите од нивниот тим ќе можат да заспијат што подлабоко и подолго“. Доколку успеат да ја докажат љубовта кон топлиот дом, таа карактеристика посебно ќе им се вреднува.

 

Основното барање за добро завршување на оваа работа е фантастичната желба и способност да заспијат било кога и било каде. Од луѓето се очекува уште едно: да сакаат да го поминуваат времето во своите пижами.

Еден од условите кој треба да ги задоволи работодавачите е вработениот да не претерува со гледање телевизија и серии, а компјутер за време на работното време не е дозволен. Предност имаат луѓето кои можат вешто да ги игнорираат пораките и известувањата кои пристигнуваат на нивниот телефон.

Оние кои хрчат се исклучени. Целата цел на оваа работа е тестирање на душеците кои оваа стартап компанија ги произвела па така работниците ќе бидат набљудувани за време на нивниот сон. 

Саудиска Арабија планира во северозападниот дел од земјата да го изгради Неом, градот на иднината во кој не би важеле строгите исламски закони и во кој жените би имале исти права како и во западните земји.

Проектот позади кој стои принцот престолонаследник Мухамед бин Салман вреден е 500 милијарди долари и замислен е како место во кое исламското кралство би можело да организира спектакуларни спортски настани како трките Формула 1 или пак бокс натпревари за титулата првак.

Градот на иднината би требало да биде завршен до 2030-та година. Тамошните власти уште пред две години кога бил направен проектот за градење на градот на иднината, ангажирале голем број експерти за јавните служби од целиот свет како советници на проектот кои би требало да бидат десна рака на принцот престолонаследник.

 

Кога градот ќе биде изграден, тој ќе функционира како целосно независен од остатокот на таа земја. Во него за двата пола ќе важат истите правила како и во западните земји, а неговите жители ќе можат да уживаат и во алкохол.

Во Тијад веруваат дека градот на иднината од 2030-та година би можел да им помогне во намалување на зависноста од нафта. 

Руските медиуми објавиле дека станува збор за Дмитриј Обрететски, 49-годишен тајкун.

Рускиот милијардер, тајкун кој живеел во Велика Британија, загинал кога го удрил автомобил додека го шетал кучето во Сури. Во несреќата учествувале три возила. 

Полицијата во Сури објавила дека бил удрен маж на возраст од околу 40 години и дека подоцна починал. Руските медиуми објавиле дека станува збор за Дмитри Обрететски, 49-годишен тајкун.

Некои руски медиуми денес ги објавиле сомненијата на неговите пријатели. Павел Бoровков се прашува дали несреќата била случајно или не.

"Life" пишува дека Обрететски е долгогодишен жител на Велика Британија, но дека често одел работно во Русија.

 

"Знаете, луѓето во Велика Британија возат автомобили многу внимателно...не ја исклучуваме можноста ова да се случило намерно", навел Бoровков.

Во несреќата учествувале три автомобили, а полицијата и натаму трага по информации за несреќата.

 

Несреќата се случила на 25-ти ноември, но вчера била потврдена во медиумите.

Да потсетиме, во Велика Британија се случиле серија мистериозни смртни случаи на истакнати Руси. Бадри Патаркатшвили умрел во Ледерхед во 2008-ма, Александар Периплични потоа умрел во 2012-та во Вејбриџ, а Борис Березовски во Аскот во 2013-та година.

 

 

Зад една од најголемите измами со криптовалути стои Бугарката Руја Игнатова, која од илјадници луѓе украла десетина милијарди долари.

На илјадници фанови во 2016-та година на преполната Вембли арена таа им ветила дека Onecoin ќе биде најголема криптовалута. "За две години никој нема да зборува за Биткоин", рекла таа самоуверено. 

Имала добри причини за тоа, Британците во првата половина од 2016-та година на нејзината валута потрошиле 30 милиони евра. Во период од 2014-2016 година на светот во оваа валута биле вложени 4 милијарди евра.

Два месеци по лондонскиот настап на Др. Руја, на експертот за криптовалути Бјорн Бјерк му била понудена работа да изработи блокчејн за компанијата која се занимавала со критповалути - Onecoin. Не ја прифатил понудата.

Др Руја на потенцијалните купувачи им била претставена како докторка по науки од Бугарија, а емитуван бил и говорот кој го држела на конференцијата на угледниот лондонски "Economist".

Најмалиот пакет чинел 140 евра, но оделе се до 118.000 евра, додека тајкунскиот пакет чинел 5.000 евра. Сепак фасадата не можела долго да држи. Постојано било одложувано времето за размена, кога клиентите ќе можеле Onecoin да го претворат во кеш. Кога конечно дошол тој ден, во октомври 2017-та година, Руја не се појавила.

Иако нема точни суми, експертите претпоставуваат дека станува збор за 15 милијарди долари. Кога новинарите се обиделе да видат кој стои за Onecoin, пронашле низа компании кои биле во меѓусебна сопственост. Крајната компанија имала седиште во даночен рај.

Бјерк е уверен дека Др. Руја никогаш не очекувала дека Onecoin ќе оди толку далеку со раст и заработка. Луѓето кои биле вклучени во раните фази рекле дека тоа никогаш не требало да биде измама од милијарда долари. Се обидела да престане со тоа, но луѓето од сенка не и дозволиле.

Изненадувачки, дури и после тоа, Onecoin продолжил со работа - и луѓето продолжиле да вложуваат во него. Британските регулатори предупредиле за Onecoin, но подоцна предупредувањето го повлекле. И парите и натаму доаѓале.

Дури во 2019-та година американските власти откриле дека на 25-ти октомври 2017-та година Руја долетала од Софија во Атина, но никој не знае каде ја одвел патот подоцна.

На 5-ти октомври 2019-та година, ден откако бил пуштен последниот текст за Руја на BBC, нејзиниот брат Константин Игнатов бил изведен пред суд во Њујорк. Државниот обвинител го обвинил за перење на 400.000.000 долари, колку што Onecoin заработил во САД.

На суд било откриено дека Игнатов на 4-ти октомври потпишал договор за признавање на вината под неколку обвиненија. ОД централата во Софија и натаму тврделе дека податоците објавени на BBC се лажни обвиненија против исчезнатата Руја, и дека со ширење на акцијата Onecoin ќе произведе финансиска револуција. Но, денес едно е сигурно - Onecoin е најпозната дигитална измама.

 

Американската тенисерка Бетани Матек Сандс за време на одморот во националниот парк „Yellowstone“, кој бил покриен со снег, ги покажала голите гради и фотографијата ја објавила на Инстаграм.

„Џастин: Сите го прават тоа. Јас: Навистина? Надвор? На ладново? Џастин: Да, тоа сега е кул...“, напишала тенисерката во описот и на тој начин открила како се одлучила за нудизам на снег. За потребите на Инстаграм, градите ги покрила со емотикони со ѕвезди.

Нејзината голотија привлекла неочекувано големо внимание во српските медиуми, па Бетани споделила и насловни страници на српски медиуми со опис: „Бетани Матек Сандс ги шокираше српските медиуми!“

После тоа објавила и фотографија на која е покрај река облечена во костим за капење.

 

 

Страница 1 од 1754
Top