(0 гласови)

Научниците овојпат се посветиле на феноменот губење на сетилото за мирис, кое што често се појавува кај заразените луѓе од Ковид-19, па дошле до важно откритие.

Откритието го пренесува Би-би-си, а научниците велат дека губењето на сетилото за мирис е единствено и поразлично од тоа кога ни се случува додека сме настинати.

Имено, аносмијата кај Ковид-19 се случува одеднаш и е многу моќна. Покрај тоа, истата не е проследена со затнување на носот.

Напротив, поголемиот дел од заразените пациенти од Ковид-19 можат нормално да дишат низ носот, што не е случај доколку пациентот е настинат.

Втора работа по која што Ковид се разликува од настинката е губењето на сетилото за вкус.

 

Научниците велат дека при благо пореметување на сетилото за вкус автоматски доаѓа и до губење на сетилото за мирис.

Заболените пациенти од Ковид-19 на пример не можат да разликуваат слатка од горчлива храна.

Научниците овој заклучок го објавиле во списанието „Rhinology“, а се сомневаат дека тоа се случува затоа што вирусот влијае на клетките кои што директно се вклучени во создавање на вкусот и мирисот.

Велат дека со овие симптоми треба да се тестирате на Ковид-19, а членовите на семејството од луѓето кај кои истите се појавуваат треба да одат во самоизолација.

 

Истражувањето кое што го покажало ова, било спроведено на 30 волонтери. 10 од нив имале Ковид-19, 10 настинка, а 10 биле целосно здрави.

Се докажало дека губењето на сетилото за мирис било поизразено кај заболените од Ковид, а Карл Филот, професор од Универзитетот „East Anglia“, кој што го спровел овој тест, вели дека луѓето и сами можат да го направат дома - со производи како кафе, лук, портокал или лимон и шеќер (потребно е само да ги помирисате).

Секако дека ништо не може да го замени лабораторискиот тест, нагласил тој.

(0 гласови)

Една од најстарите цивилизации во Јужна Америка создала таинствен народ - Моче.

Постоела од првиот до осмиот век, на северното крајбрежје на денешен Перу.

Во 1899-та година за нив дознал упорниот германски археолог Макс Ухле, почнувајќи со ископување на крајбрежниот дел од земјата, во покраината Трујило.

Неговите колеги сметале дека тоа е губење време. Никому не му било јасно што мисли да пронајде на подрачјето кое што било непогодно за живот, каде што сонцето ја убивало сиромашната вегетација.

Ухле мислел поразлично од нив, и докажал дека е во право. Прво открил скршени делови од керамика, а потоа пред неговите очи се појавил цел комплекс од градба.

Ухле на светската јавност ѝ ги претставил доказите за постоењето на дотогаш целосно непозната предколумбиска индијанска цивилизација.

Па, како што било вообичаено древните цивилизации да се наречат според крајот во кој што се пронајдени остатоците, и оваа го добила името Моче.

Подоцнежните ископувања покажале дека овој народ поседувал тешко објаснувачко технолошко знаење, кое што му овозможило да ги соедини комплексните системи од планината во облик на канали и да подигне величенствена градба, како скалеста пирамида и храмови посветени на божества.

(0 гласови)

Од површината на планетата Земја исчезнаа вкупно 28 трилиони тони мраз од 1994-та година досега, а до овој податок дошле британски научници кои што со помош на сателит ја истражувале површината на Земјата.

Научници од Универзитетот во Лидс, Единбург и Лондон, со еден збор губењето на количината мраз го опишале како ''запрепастувачко'', пренесува „Guardian“.

„Доколку глечерите и ледените плочи продолжат да се топат со оваа брзина, секој центиметар на пораст на нивото на морето ќе значи дека околу милион луѓе ќе бидат иселени од своите домови“ - објаснил професор Енди Шефард од Универзитетот Лидс.

Научниците укажуваат дека топењето на мразот во такви количини сериозно ја намалува способноста на Земјата да рефлектира сончева радијација назад во вселената.

Мразот исчезнува, а морето или тлото изложени под него упатуваат повеќе топлина, зголемувајќи го затоплувањето на Земјата.

„Во минатото научниците проучуваа само поедини подрачја, како Антарктикот и Гренланд, набљудувајќи каде и колку мразот се топи.

Ова е првпат некој да ја проучи цела површина на Земјата. Тоа што го пронајдовме, нè остави без текст“ - изјавил Шефард. 

(0 гласови)

“Microsoft” објави дека наскоро ќе престане да го поддржува носталгичниот “Internet Explorer” и дека ќе го укине програмот до 2021 година.

Според најавата, поддршката за овој пребарувач завршува на 30 ноември оваа година за веб апликацијата “Microsoft Teams”, додека преостанатата поддршка за неговата мрежна услуга како што се “Office 365”, “OneDrive” и “Outlook” ќе престане на 17 август 2021 година. 

“Купувачите одамна користат “Internet Explorer” и некогаш онлајн опкружувањето беше многу помалку софистицирано отколку денес”, велат од “Microsoft”.

 

“Оттогаш отворените веб стандарди и новите пребарувачи – како новиот “Microsoft Edge” – овозможуваат подобри, поиновативни искуства во мрежата. Веруваме дека претплатниците на “Microsoft 365”, и во потрошувачки и во комерцијален контекст, ќе бидат добро послужени од оваа промена”, додаваат од компанијата.

“Microsoft Edge” веројатно ќе остане единствениот пребарувач на “Microsoft”, иако се споменува и креирање на нов пребарувач кој ќе биде конкурент на популарниот “Chrome”.

(0 гласови)

НАСА активно набљудува чудна аномалија во магнетното поле на Земјата, односно огромно подрачје со понизок магнетен интензитет на небото помеѓу Јужна Америка и југозападна Африка.

Овој феномен, наречен Јужноатлантска аномалија (SAA), веќе со години ги збунува научниците. Сателитите се посебно чувствителни на намалената сила на магнетното поле во аномалијата, бидејќи поради тоа повеќе се изложени на честички од Сонцето, пренесува магазинот „Science Alert“.

Јужноатлантската аномалија генерално не влијае на животот на Земјата, но има ефект врз орбитите на вселенските летала, вклучувајќи ја и орбитата на Меѓународната вселенска станица.

Кога леталата ќе поминат низ аномалијата, може да дојде до дефект на нивните технолошки системи во случај да бидат погодени од високоенергетски протони, се наведува во статијата.

Се смета дека примарниот извор на аномалијата е вртлог на стопено железо во јадрото на Земјата. Движењето на таа вжарена маса создава електрични струи кои на Земјата предизвикуваат магнетно поле.

Иако оваа аномалија сè уште претставува голема мистерија за научниците, неодамнешни истражувања понудиле некој увид во причините и последиците за оваа необична појава.

Па така, студија на НАСА во 2016-та година открила дека аномалијата полека се движи во насока кон северозапад. 

(0 гласови)

Оваа теза била докажана со помош на експеримент кој што го спровеле виролозите од Рур Универзитетот во Бохум, во соработка со колегите од Бремен и Нинберг.

Новото истражување покажало дека Ковид-19 може да биде деактивиран со употреба за течност за уста.

Резултатите од истражувањето ги пренел „Sciencedaily“, а научниците велат дека високата концентрација на вирусот кој што вообичаено се наоѓа во грлото и забите на заразените луѓе, може да се намали со употреба на течност за миење на устата и со тоа воедно да се намали ризикот инфицираната личност да го пренесе вирусот на некој друг.

 

Во истражувањето биле користени осум различни течности кои што научниците ги помешале со честички од вирусот.

Со таквата течност го имитирале процесот на плакнење на устата кој што се случува во текот на употреба на таква течност.

Секоја од осумте различни течности ефикасно го намалила бројот на присутноста на вирусот, а три од нив таа работа ја направиле за само 30 секунди.

Меѓутоа, неучниците напоменале дека потребно е да се направат дополнителни проверки и тестови за ова сознание дефинитивно да се потврди.

(0 гласови)

Поголемиот дел од истражувањата кои што досега биле направени донеле заклучок дека само 10 до 20 отсто од луѓето стекнуваат антитела.

СЗО соопшти дека човештвото не е ниту блиску до тоа да има ниво на имунитет на Ковид-19 кој што би бил неопходен за стекнување колективен имунитет каде што доволен број од светската популација би имала антитела и би се запрело ширењето на заразата.

Колективниот имунитет вообичаено се постигнува со вакцинација и поголем дел од научниците проценуваат дека најмалку 70 отсто од популацијата мора да има антитела за да се спречи емидемијата.

Сепак, некои од експертите сугерираат дека заштитен ефект би се добило дури и доколку половина од популацијата стекне имунитет.

Таквата теорија ја отфрлил член на СЗО Мајк Рајан, велејќи дека не треба да живееме со надеж дека ќе стегнеме колективен имунитет, пренесува АП.

„Како глобална популација не сме ниту блиску до стекнување на колективен имунитет, кој што е неопходен за запирање на ширењето на оваа болест.

Тоа не е решение кое што треба да го бараме“ - изјавил тој во вторникот на конференцијата.

(0 гласови)

Како работат јавните куќи за време на коронавирусот и дали се почитуваат санитарно-епидемиолошките норми, истражува дописник на "Sputnik" во јавните куќи во Солун.

Мерење на температурата на клиентите 

Коронавирусот ја промени самата филозофија во пружањето на услугите. За да се сочуваат клиентите во јавните куќи, воведени се не само санитарно-епидемилошки правила, туку е регулиран и начинот на кој ќе биде остварен контактот при пружањето на услугите, што во теорија би можело да помогне вирусот да не се шири.

Дописникот на "Sputnik" посетил јавни куќи во северниот дел на Солун, кои се поделени во две категории, односно "златни" и "сребрени". "Златните" се од повисоко ниво и цените се движат од 40 евра, додека "сребрените" се од пониска категорија и услугите се поевтини.

"Ако посетителот има зголемена температура, тој не може да влезе. Температура се мери на влезот во борделот", објаснило лицето "Н", кое ги рекламира јавните куќи на неколку јазици на интернет.

"Клиентот мора да го остави своето име и бројот од мобилен телефон, за да можеме да го информираме во случај на зараза", објаснува Н.

Антисептици, задолжително туширање и еднократна постелнина

Во "златните" јавни куќи преовладува црвено осветлување. Во чекалната се наоѓа пулт за прием, гарнитури за седење и една фотелја за масажа. Во сите соби има туш, а во некои и џакузи.

Лицето "П", администраторка на "Златен" бордел, ги објаснува новите правила за работа кои се применуваат поради коронавирусот.

"Користиме еднократна постелнина и во сите простории има антисептик. Клиентот мора да носи маска при влезот и додека е во чекалната. По половиот однос мора да се тушира, а ние мора да му обезбедиме чист пешкир", вели таа.

 

 

Државата вовела нови правила со кои се штитат работниците во јавните куќи. Ни клиентите ни работничките немаат обврска да носат маска во собата, но можат да користат само две пози при кои не се завртени со лице еден кон друг.

"После секој клиент просторијата се проветрува и дезинфицира", вели Н и нагласува дека секоја девојка на 15 дена оди во болница на преглед.

 

"Сите девојки се тестирани на коронавирус"

Сите јавни куќи во Грција биле затворени за време на карантинот и повторно отворени на 15-ти јуни. Според зборовите на лицето Н, "сите девојки се тестирани на коронавирус". Работничките во јавните куќи, кои ги посетил "Sputnik", не добиле никакви надомести од државата за време на карантинот. Во исто време сите работници на прием на клиентите имаат договори за работа и добиле пари од државата. Според зборовите на лицето Н, парите кои ги добиле ги давале на девојките, за да има со што да се прехранат.

Пад на прометот за 50 проценти

Обемот на прометот се намалил за 50 проценти поради коронавирусот. Вработените во секс индустријата сметаат дека со новите санитарно-епидемиолошки мерки може да обезбедат квалитетна услуга. Вработените во јавните куќи ги осудуваат жените кои работат на улица. За време на карантинот тие излегувале надвор, а тоа го прават и сега. Притоа, немаат никаква заштита.

Во чекалните во јавните куќи се слуша тивка музика. Маж чека девојка да го одведе во соба. Две девојки веќе се наоѓаат во собите со клиенти. Администраторката организира собите да бидат чисти, проветрени и антисептиците и маските да бидат на своите места.

(0 гласови)

Погледнете на кои места најверојатно никогаш нема да може да погледнете што има, на кои острови не смее да чекорите.

Некои од најинтересните места на светот, кои што сведочат за развој на цивилизации во светот, затворени се за јавноста и претставуваат забранети дестинации за туристите, па веројатно никогаш нема да можеме да ги посетиме.

Повеља, Италија

Овој малечки остров во венецијалнската лагуна се смета за едно од најактуелните места на светот.

Напуштен е од 1968-та година, кога се затворила тамошната психијатриска болница. Пред тоа служел како карантин за заболените од чума, а низ историјата било и како контролна точна на пловилата.

Италијанската влада пред неколку години го понудила на долгорочен закуп од 99 години, со надеж дека некој ќе го купи и оживее, но безуспешно.

poveglia island octagon | Most haunted places, Island, Remote island

 

Област 51, Невада

На ова подрачје во Северна Невада никој не смее да му се приближи, освен тајните служби и воени лица со посебни дозволи.

Подрачјето 51 е неформално име за оддалечена база на американското Воено воздухопловство Edward Air Force.

Долго се верувало дека таму се тестираат авиони и оружја, додека пак теоретичарите на заговор тврдат дека таму американската влада крие доказ за вонземјански живот.

Off limits – 5 places you won't be visiting in your lifetime ...

 

Островот и вулкан Херд во Австралија

Ова е едно од најзапоставените места на Земјата, каде што живеат пингвини, фоки и морски птици.

Островот се наоѓа помеѓу Мадагаскар и Антарктикот. На 953 квадратни километри се наоѓаат 41 глечер.

Експертите од Универзитетот на Хаваите во 2000-та година воочиле ток на лава долга дури два километри, која што излегувала од југозападната страна на врвот Мосон.

Lava Flow on Mawson Peak, Heard Island

 

Ватиканската тајна архива

Длабоко под улиците на Ватикан се наоѓаат писмата на Микеланџело, писма на шкотската кралица Марија, барањата на кралот Хенри VIII за поништување на брак.

Таму има и историски документи, а некои од нив потекнуваат од VIII-от век.

Архивата е во сопственост на папата, а се проценува дека во неа се сместени над 35.000 документи, на полици кои што се протегаат до 83 километри.

The Vatican Secret Archives, Rome, Italy – The Library Card Museum

(0 гласови)

Остатоците од прастариот град Дварка во индиските води поставуваат многу прашање на кои нема одговор. "Златниот град", кој според најновите истражувања е стар барем 10.000 години, има развиена инфраструктура и уреден начин на живот.

Меѓу најголемите мистерии на современото време многу експерти го вбројуваат потопениот град Дварка во Индија. Импозантната градба се наоѓа 36 метри под вода, а првите сериозни научни истражувања датираат од 1979-та година. Оттогаш до денес траат контроверзии околу тоа кој и кога го изградил овој град и зошто сега се наоѓа под вода. 

На ниедно од овие прашања не постои валиден одговор. Имено, прво научниците тврделе дека Дварка е направен некаде околу 526-та година пред новата ера. Тогаш го поврзувале со Александар Македонски, неговиот поход на Индија и изградбата на утврдени градови. Сега, со најновото проучување откриле дека градот е стар 10.000 години.

Дварка значи "Златен град" и според мислењата на некои индиски истражувачи лесно може да се поврзе со преданијата кои ги пренесува епот "Махабхарата" и дека е кренат во чест на хиндуистичкото божество Кришна.

Сепак, ни тие немаат одговор на прашањето како овој град, чија најдолга страна е долга дури 8 километри, е направен во тоа време од гранитен камен и како завршил по вода.

 

Во јануари 2017-та година одделението за Подводна археологија при Индискиот институт Сарвеј пронашло ѕидини од тврдината на овој град. Притоа, тие биле направени од истиот материјал како и повеќето градби и биле дел од една целина, што уште повеќе ги збунува научниците. Зошто? Затоа што делови од масивната градба се најдени и неколку километри подалеку. Пронајдени се и бројни камени скулптури и накит...

Градот има правилно распоредени згради, улици, плоштади. Оние кои сметаат дека станува збор за град кој се опишува во "Махабхарата". сметаат дека допрва треба да се откријат други делови од градот, кој спред преданието имал 900.000 градби. Кралската палата била од бел мермер, украсена со злато.

Во Индија инаку, има неколку престари градови со истото име.

 

 

 

Top