(0 гласови)

Основачот на Мајкрософт, Бил Гејтс, на милијардерот Ворен Бафет, за неговиот 90-ти роденден му направил орео торта.

Гејтс на Твитер објавил видео снимка со која му се обратил на пријателот Бафет. На површината на тортата бил исцртан ликот на Бафет, пренесува „CNN“.

„Ворен, среќен 90-ти роденден“, порачал Гејтс.

Бафет е познат по тоа што сака слатки работи и пие многу кока-кола, каде е и голем инвеститор, а има и своја фабрика за слатки.

Како што наведува „CNN“, Гејтс и Бафет се долгогодишни пријатели.

Гејт не одлучил случајно да направи орео торта. На својот профил напишал дека еднаш го затекнал Бафет додека го јадел омилениот десерт за појадок - орео.

(0 гласови)

Училиштата ширум Европа ги отвораат вратите за да ги поздрават учениците кои се враќаат во клупите, речиси шест месеци откако пандемијата на коронавирусот ги принуди да се затворат.

Многу наставници и родители стравуваат дека повторното отворање на училиштата ќе го забрза ширењето на Ковид-19, но владите инсистираат на тоа да се продолжи со наставата во училиштата.

Француските студенти се враќаат по двомесечна летна пауза. Наставниците и учениците на возраст од 11 до 18 години мора да носат маски и во затворено и на отворено.

Денеска во училиштата се враќаат и учениците во Белгија, а минатиот месец се вратија во Германија.

Маските се задолжителни и во Грција, каде учениците се очекува да се вратат на училиште следниот понеделник, со најмногу 25 ученици во одделение.

Во Англија и Велс – каде што децата се враќаат на училиште оваа недела по шест месеци – владата првично рече дека маските на училиште нема да бидат потребни, но ја смени својата одлука.

Новите упатства ги советуваат вработените и учениците на возраст од 11-18 години да носат маски во ходници и заеднички простории.

Шпанската влада инсистира на тоа дека децата над 6 години мора да носат маски постојано и да ги мијат рацете најмалку пет пати на ден.

Децата треба да одржуваат растојание од 1,5 метар едни од други, а регионалните власти ангажираа дополнителни наставници за да го намалат бројот на деца во училниците.

Сепак, многу шпански наставници и родители сметаат дека мерките не се доволни или дека биле воведени премногу кратко пред почетокот на наставата за да бидат соодветно спроведени.

(0 гласови)

Изумот на Морган Калбертсон е толку многу опасен што две компании за информатичка безбедност, објавиле посебни извештаи за него.

25-годишниот Американец Морган Калбертсон, е брилијантен студент и вработен во фирмата „Fire Eye“, е најопасниот светски хакер, тврди Федералното истражно биро (ФБИ).

Истражувачите се убедени дека токму Калбертсон го креирал злогласниот софтвер „Dendroid“ за провалување во оперативниот систем „Android“ за собирање информации од други уреди.

Американското Министерство за правосудство го затворило црниот пазар за хакери.

Инаку, Калберстон работел со елитен тим за ''напредни закани'' кој што ги проучува тактиките за напади, како оние на американските банки, трговски податоци или пак Белата куќа, кога хакерите провалуваат во системите и со месеци крадат информации.

Калбертсон со своите соработници во компанијата која што работел го креирал злогласниот софтвер за „Android“.

Наводно, секој за само 300 долари можел да го купи софтверот „Dendroid“ и преку било која легална „Android“ апликација да провали во туѓ уред.

На купувачите им бил нуден дури и постојан ''кориснички сервис'', а на хакерските форуми „Dendroid“ бил рекламиран преку банери.

Овој изум бил толку многу опасен што некои од фирмите за информатичка безбедност објавиле посебни извештаи за него.

Корисниците на „Android“ биле предупредени дека хакерите можат од далечина и незабележително да крадат фотографии, видеа и аудио-записи од нивните телефони.

(0 гласови)

Приказната за Николај Лукашенко, најмладиот син на белорускиот претседател Александар Лукашенко е навистина неверојатна. Кога имал само пет години, започнал да запознава некои од најважните светски лидери и бројни јавни личности – од Путин, преку Обама, Уго Чавез, до папата …

Кога имал седум години, тогашниот руски претседател Дмитриј Медведев, му подарил пиштол од чисто злато.

Русокосиот тинејџер Николај, кого од милост го нарекуваат Коља, денес е „страв и трепет за Белорусија“, пишуваат западните медиуми.

Стотици илјади демонстранти во Минск, но и во другите белоруски градови, бараат оставка од Лукашенко, но се чини дека на 15-годишниот Николај воопшто не му пречи. Уште повеќе, според „Дејли Бист“, младиот Колја, е снимен како луто пролетува со хеликоптер, облечен во тактичка униформа на белоруските воени сили, како елитните командоси. Во друга слика, објавена од режимот, Николај може да се види како седи на маса со својот татко, со автоматска пушка на рамото.

Неговиот силно вооружен син е знак дека младиот човек е подготвен да го одбрани својот живот, но и режимот со кој Александар Лукашенко управува цели 26 години.

Деновиве е објавено „надреално“ видео на кое се гледа како младиот Лукашенко се бори во хеликоптер со специјална полициска опрема што тој никако не можеше да ја облече. Кога конечно успеа, тој викна „Каде се!?“, осврнувајќи се на демонстрантите. Татко му одговори: „Откриле дека доаѓаш, па побегнаа како стаорци“.

Тоа беше првото појавување на младиот Лукашенко откако избувнаа големите антирежимски демонстрации.

Неговата мајка е избришана од белорускиот јавен живот, а Александар Лукашенко тврдеше дека момчето е родено скоро па безгрешно, односно дека тој е „дар од Бога“. Во исто време, Коља е резултат на еден вид генетско инженерство на неговиот татко. Имено, Лукашенко смета дека жената не треба да има повеќе од 165-175 сантиметри, и дека не е успешна ако не роди најмалку три деца.

(0 гласови)

Резиденцијата на американските претседатели била место на кое што се одржани 18 венчавки.

Минатиот петок, во Белата куќа беше одржан опело за братот на претседателот Доналд Трамп во кругот на семејството.

Актуелниот претседател на САД, својот брат го опиша со следните зборови:

„Тој не беше само мој брат. Тој ми беше најдобар пријател“.

„Белата куќа е комплексно место. Таа е и канцеларија, и музеј, и дом“ - изјавила Анита Мекбрајд која што е вработена во Белата куќа за време на мандатот на три американски администрации.

За само неколку седмици, претседателот Трамп ќе ја користи Белата куќа за церемонија на која што официјално ќе ја прифати кандидатурата од својата Републиканска партија за претстојните претседателски избори.

 
 
 

 

(0 гласови)

Тревор Милтон, основач и претседател на компанијата “Никола Мотор”, одлучил да го одржи ветувањето дадено на работниците кога го отпочнал бизнисот и да им подари акции од компанијата.

Со тоа, првите 50 работници во компанијата за производство на електрични камиони ќе добијат 6 милиони акции кои Милтон им ги ветил кога прифатиле да работат за него. 

“Кога го отпочнав бизнисот, ги барав најдобрите работници на светот и тоа беше огромен риизк. Веројатноста дека некогаш ќе успееме беше минимална, и за среќа пронајдов неверојатна група на луѓе кои беа покрај мене од првиот ден”, изјавил Милтон во видеото објавено на Инстаграм.

Вредноста на акциите на компанијата со седиште во Финикс која ќе им ја подари на вработените моментално изнесува околу 233 милиони долари. Нивната вредност пораснала откако со акциите се тргува на Насдак од почетокот на јуни, поттикната од апетитот на инвеститорите за произведувачи на електрични возила, иако компанијата допрва треба да го произведе своето прво возило.

37-годишниот основач, според индексот на милијардери на Блумберг, “тежи” 4,6 милијарди долари со што се наоѓа помеѓу 500-те најбогати луѓе на светот.

Тој на Твитер напишал дека не планира да ги продаде сопствените акции и дека добил одобрение од Управниот одбор.

“Во иднина тоа би можело да вреди милијарди ако работиме добро. Којзнае кон која насока ќе оди. Но, јас ги исполнувам моите ветувања”, рекол Милтон.

Но, не сите ќе бидат воодушевени од ваквата одлука бидејќи неколку вработени кои работеле на почетокот, си заминале од компанијата.

(0 гласови)

-Наша грешка е што мислиме дека треба да се создата антитела за да го запреме корона вирусот, но, излегува дека ковид „одлучи“ тие да не се создаваат, барем не во доволна мера и тоа ни го урива целиот концепт, – објаснува во интервју за српски „Мондо“, имунологот, проф. др. Борислав Каменов.

-Секогаш се фаќаме за крајот, а не за тоа што е прво и најважно, а тоа е имунитетот. Вистина е дека короната прави огромни оштетувања на белите дробови, но, тука многу повеќе страдаат крвните садови во нив, а не самиот орган. Фокусирани сме на белите дробови, загрижени за воспалението, но на пациентите во тој случај им е потребна антикоагулативна терапија. Имунитетот е невидлив кога добро функционира, станува видлив дури тогаш кога човекот ќе се разболе, а основно нешто за силен имунитет е витаминот Д. Тој го убива вирусот. Пример за тоа е една неодамнешна студија во Индонезија во која се земени 100 пациенти кои имаат нормални вредности на витамин Д и други 100 кои имаат дефицит. Кај првите се развила многу блага клиничка слика на инфекцијата на корона вирусот, додека кај останатите 100 пациенти со ндостиг од витаминот Д, клиничката слика била со многу сериозни симптоми, вели имунологот Каменов.

Тој вели: „Сите мислат само да дојде вакцината и се ќе биде решено“, но според него тоа не е вистина и постои потврда за тоа.

-Постојат пациенти кои прележаа корона, а по три месеца повеќе немаат антитела. А, кога некоја болест ќе се прележи, тогаш се стекнува најголем имунитет. Па, ако по три месеци од излекувањето кај одредени пациенти нема нема антитела, па колку може да има по примањето на вакцината, па и да е најдобрата на светот. Значи, во ниту еден случај не можеме да се потпреме на заштита од корона вирусот со создадени антитела, веќе е докажано дека тие не се трајни. Тоа што е најважно, потенцирам уште еднаш е силен имунитет, кој се јакне со витамин Д, но бидејќи не го примаме доволно од сонцето, треба да се зема како суплемент, заклучува професорот Каменов.

(0 гласови)

“Stella Island Resort” е хотел со 225 соби, лоциран на грчкиот остров Крит.

Овој ресорт кој е отворен во 2017 година, е изграден врз огромен тиркизен базен кој го рекреира океанското опкружување на вилите на Малдиви, а истиот е составен од бунгалови со приватни тераси, лежалки и џакузи. 

 

Луксузниот ресорт со 5 ѕвездички поседува и посебно место за релаксација на средина на базенот кога сакате да бидете опкружени со вода, но да останете суви.

 

Големите бунгалови над вода се изолирани, додека оние стандардните се одвоени со преграда за целосна приватност, пренесува “Insider”.

 

Ентериерот е модерен и уреден во земјени тонови, со огромни прозорци за вистинско уживање во тиркизната боја која ве опкружува.

 

Исто како и кај популарните ресорти на Малдиви, има патека над водата која е поставена точно во средината на “Stella Island”.

 

Ресортот поседува соби со директен излез на базенот, со цени кои почнуваат од 175 долари за една ноќ за 2 лица, додека цената на бунгаловите над вода започнува од 233 долари. Со оглед на тоа што една вила на Малдивите чини околу 2500 долари за една ноќ (“One&Only Reethi Rah”), “Stella Island” е многу поевтин ресорт кој го нуди приближно истото искуство.

 
 
 
 

 

(0 гласови)

Apple има стотици продавници ширум светот кои служат како изложбени, продажни и сервисни центри. Сепак, сега за прв пат ќе биде отворена нова продавница, која ќе биде изградена на вода. Компанијата ги потврди плановите за изградба на продавница во форма на топка во близина на одморалиштето “Marina Bay Sands” во Сингапур.

Продавницата ќе биде лоцирана на местото на „кристалниот павилјон“ каде порано таму се наоѓал ноќен клуб. „Apple“ ќе направи структура од стаклени панели кои ќе го рефлектираат небото над Сингапур во текот на денот, и ќе свети како фенер во текот на ноќта. Врската со копното ќе биде двојна – класичен мост ќе се поврзе со марината, а подводниот тунел ќе води до блискиот шопинг мол.

Ова ќе биде трета продавница на Apple во Сингапур. Првата продавница е отворена во 2017 година, а втората во 2019 година. Можеби е чудно што во момент на пандемија се отвора нова продавница, но компанијата има доволно пари кои може да ги инвестира во екстравагантни проекти.

(0 гласови)

Ова момче кое што го снимило видеото, не направило ништо магично, тоа може да го направите и вие.

Со желба еднаш-засекогаш да докаже кои од заштитниме маски најмногу штитат од коронавирусот, а кои не се ништо друго туку обичен материјал преку устата, еден Филипинец извел мал експеримент.

Тој ништо магично не направил, тоа може да го направите и вие дома.

Зел запалка и дувал низ маската за да воочи кога ќе успее да го изгасне пламенот, а кога не.

Инаку, станува збор за медицински техничар кој што одамна знае што може да ве заштити, па поради тоа тој шесте видови заштитни маски во видеото ги проверува по ред, од најнеефикасна кон најефикасна.

@vihannce08

Understanding the differences of face mask. ##coronavirüs ##covid ##facemask ##mask ##fyp ##n95 ##coppermask ##zyxcba

♬ Coronavirus Check - 7eer
Top