(0 гласови)

„Децата кои од симптоми имаат само течење нос, апсолутно немаат коронавирус“, тврди британски експерт.

Професорот Тим Спектор од „Кинг Колеџ“ во Лондон, им објаснил на родителите како да ги разликуваат симптомите за сезонскиот грип од коронавирус. Тој, меѓу останатото вели дека 'течење нос, кивање и затнат нос', се симптоми кои упатуваат на тоа дека детето сигурно нема коронавирус, туку има настинка.

Професор Спектор, кој ја направил и „Coronavirus Symptom Study“ апликацијата, стои позади истражувањето за најчестите симптоми на коронавирус кај децата на школска возраст. Според неговите резултати, најчестиот симптом е замор (кај 55 отсто од неговите испитаници) и температура (кај 49 отсто).

Кај повозрасните, фреквенцијата на симптомите е следна: Замор (87 отсто), главоболка (72 отсто), губење на чувството за мирис (60 отсто). Ниту возрасните ниту децата заразени со коронавирус немале симптоми како течење нос, вели експертот.

(0 гласови)

Професор по молекуларна биологија од Медицинскиот факултет на Универзитетот во Оксфорд, Кристијан Рамадан, зборуваше за развојот на вакцините, како и за тековната борба против пандемијата на коронавирусите.

Запрашан како ќе се развие ситуацијата со пандемијата на корона вирусите оваа есен, тој одговори: “Тешко е да се предвиди, бидејќи јас сум научник, секогаш гледам наназад на некои податоци. Сигурно ќе има друг бран, па затоа треба да се подготвиме за есенва и зимата”.

Вакцини за корона вирус

Рамадан вели дека според неговите сознанија, во клиничката фаза има девет различни вакцини, три во моментот.

- Ова значи дека тие поминале низ клинички фази 1 и 2 и се докажале дека се релативно безбедни. Вакцините кои достигнале фаза 3 се релативно безбедни. Вакцината од Оксфорд беше мал проблем затоа што имавме еден несакан ефект со еден волонтер во Велика Британија. На десет илјади волонтери кои биле вакцинирани, доколку се појави еден несакан ефект и доколку се проектира на целото човештво, тоа може да биде проблем, рече Рамадан.

Тој посочува дека целта е да се направи вакцина која пред се нема да биде штетна, а другата цел е да се заштити човештвото од корона вирусот.

- Предклиничкото истражување на разни животни се покажа релативно добро. Научните трудови се објавени и прегледани од научната заедница. Целта на вакцината е да создаде имунитет што ќе не заштити од вирусот. Тоа е главната цел на вакцината – да се спречи заразна болест која може да се шири понатаму, рече тој.

Рамадан вели дека засега сакаат да ја спречат оваа пандемија за да можат луѓето да продолжат понатаму, а дека постарата популација е најзагрозена и дека мора да се вакцинираат.

Во врска со најавите на Трамп дека вакцината ќе биде масовно дистрибуирана во Америка до крајот на годината, тој вели: “Доналд Трамп многупати зборуваше глупости, можно е и сега да зборува глупости. Можно е американската вакцина да биде одобрена ако не се покажат по еден месец последици по здравјето на луѓето. Волонтерите треба да стапат во контакт со инфекцијата. Групите треба да се споредат затоа што имате луѓе кои биле вакцинирани со плацибо, солен раствор. Ќе треба време да се добијат сите податоци.

Колку долго вирусот ќе остане во популацијата?

На прашањето дали ќе биде вакциниран со руска или кинеска вакцина, тој одговори: “Јас не би се вакцинирал пред да дојдат резултатите од клиничката фаза 3. Ниту руската, ниту кинеската ниту оксфордската вакцина, јас лично не би ги одобрил или би се вакцинирал со неа”.

Тој вели дека е тешко да се одговори на прашањето колку популации треба да се вакцинираат за да се каже дека ја запревме болеста, но дека според некои основни епидемиолошки параметри треба да се вакцинираат од 60 до 70 проценти од човештвото со цел да се запре болеста.

- Прво би рекол дека ако вакцината не е штетна – најпрво треба да се вакцинираат најранливите групи, вели Рамадан.

Рамадан верува дека корона вирусот влегол во човечката популација и дека може да биде невозможно да се искорени.

- Пандемијата на ХИВ трае веќе 30 години, но најдовме лек и можеме да го лекуваме. Корона вирусот влезе во популацијата и ќе биде меѓу нас долго време. Многу работи ќе се променат во нашето однесување и сигурно ќе влијаат на нашата блиска иднина, рече Рамадан.

Тој смета дека научивме многу од оваа пандемија.

- Веќе подолго време не сме изложени на ваква голема пандемија. Денес е многу лесно да се пренесе вирус од едниот крај на другиот за неколку часа, заклучи тој.

(0 гласови)

Археолозите во древната египетската гробница Сакара откриле 27 саркофази, кои се стари повеќе од 2.500 години.

Според наводите на властите, 13 ковчези биле откриени на почетокот на овој месец, а потоа биле пронајдени уште 14. 

Тоа, нагласуваат експертите, е едно од најголемите откритија на таков вид.

Станува збор за добро сочувани дрвени ковчези со живописни бои, како и други помали артефакти.

Во соопштението на египетското Министерство за антиквитети се наведува дека првобитните истражувања покажуваат дека ковчезите се целосно затворени и дека не се отворени откако биле закопани.

 

Сакара повеќе од 3.000 години активно служела како гробница и се наоѓа под заштита на Унеско.

 
 
 
 
 

 

(0 гласови)

Генетичка компанија тврди дека типот на крвната група е поврзан со ризикот од Ковид-19

Научниците открија како и крвната група може да игра одредена улога во тоа колку тежок облик на болеста ќе се развие кај лице кое ќе се зарази со Ковид-19.

Исто така, откриено е дека луѓето со дијабетес и апнеја (краток периодичен прекин на дишењето за време на спиење) се група со зголемен ризик од хоспитализација.

Овие податоци беа изнесени на виделина со новото истражување на Универзитетот Варвик, а откритието дојде по систематски извештаи од други студии кои ги пријавуваат резултатите од Ковид-19 кај пациенти на кои исто така им била дијагностицирана опструктивна апнеја при спиење. Резултатите беа објавени во научното списание „Sleep Medicine Review“.

Едно од истражувањата покажало дека пациентите кои имаат дијабетес и се хоспитализирани поради коронавирус и кои примаат терапија за опструктивна апнеја, имаат 2,8 пати поголем ризик од смрт.

Опструктивната апнеја го зголемува ризикот од смрт за 2,8 пати ако пациентот е заразен со коронавирус.

Проблемот е во тоа што дури 85% од случаите на опструктивна апнеја се всушност неоткриени, односно без дијагноза, а без јасни податоци тешко е точно да се утврди колку луѓе со ова нарушување може да доживеале потешка форма на Ковид-19.

Една крвна група обезбедува одредена заштита од хоспитализација?

Друга група истражувачи откриле дека крвната група има влијание врз ризикот од добивање на коронавирусот. Генетската компанија „23andMe“ тврди дека крвната група е поврзана со ризикот од коронавирус, иако не е јасно колку и дали постојат начини на кои лекарите можат да дејствуваат на тоа.

Пациентите со нулта крвна група имаат помали шанси за хоспитализација? Научниците од споменатата компанија ја набудувале ДНК на повеќе од милион луѓе. Повеќе од 15.000 од нив имале позитивен тест на коронавирус, а 1.131 пациенти биле хоспитализирани. Сите собрани податоци ги зајакнуваат доказите за улогата на крвните групи А, Б и О во генетиката на домаќинот на коронавирусот.

„Нашите податоци поддржуваат улога во подложноста на инфекции, што укажува на тоа дека крвната група О е заштитна за разлика од другите“, се вели во нивниот извештај.

Покрај крвната група, далеку поголем ризик е дебелината, што повеќе од двојно ја зголемува можноста за хоспитализација.

Текстот е превземен од usb.mk

(0 гласови)

На само 23 години, д-р Верагандам Теја веќе работел во 16 приватни болници, водел неколку медицински кампови и волонтирал со бенгалската полиција и локалните работници за време на пандемијата. Сето звучи како завидно резиме за секој доктор, особено за оној што го напуштил училиштето во петто одделение и немал медицинско образование.

Веерагандам Теја од индиската држава Западен Бенгал повеќе од четири години работел како лекар пред да биде откриен. Клопчето почнало да се одмотува кога неговата втора сопруга го пријавила во полиција за психичко и физичко малтретирање. Требало само малку копање и полицијата открила мрежа на лаги што траеле десет години, лажни дипломи и сертификати, како и неколку негови псевдоними. Нивниот заклучок бил дека кариерата и скоро целиот живот на Теја, всушност, биле измислица, пренесува Oddity Central.

Во 2016-та година, кратко по почетокот на неговата медицинска кариера, полицијата го фатила како се претставува како полицаец на ИПС, тогаш користел службени возила, тврдејќи дека е син на висок офицер на ИПС, но во тој случај успеал да се ослободи од обвиненијата. Потоа почнал да работи како лекар во неколку реномирани специјални болници, а бидејќи ги имал основните медицински вештини што ги научил за време на стажирањето, никој не се сомневал во него.

Се покажало дека неговите достигнувања не биле ни приближно толку импресивни како што сугерирала неговата биографија. Го напуштил училиштето во петто одделение и побегнал од дома во 2005 година, а потоа патувал во повеќе градови, продавајќи флаширана вода и грицки во возовите. Така се сретнал со д-р Пурушотами Реди, кој му обезбедил работа. Потоа дознал за социјалните и финансиските придобивки од медицинската професија и решил да ги доживее од прва рака. Д-р Реди, кој му понудил засолниште и финансиска поддршка на Теја, откако слушнал дека е сираче, исто така, му помогнал да добие возачка дозвола и документ за гласање, како и други важни документи.

Амбициозниот тинејџер подоцна го позајмил презимето на лекарот и работел на добивање на секакви лажни сертификати и дипломи со цел измамата да биде што поубедлива. Тој ги искористил сертификатите што ги фалсификувал за стажирање во болницата, каде ги научил основните медицински вештини што подоцна ги користел. По стажирањето, замина во Бангалор, каде што извесно време работел како окружен медицински офицер. Потоа се преселил во Хајдерабад, каде работел како лекар во неколку болници.

Да не била тужбата на неговата сопруга, која ја покренала истрагата, Теја веројатно се уште ќе работел како лекар.

Истражителите откриле дека Теја, иако во некои документи се вели дека тој имал само 23 години, всушност бил многу постар. Нивниот извештај, исто така, споменува дека за време на неговата четиригодишна медицинска кариера лекувал голем број пациенти, вклучувајќи ги и оние со корона вирус.

(0 гласови)

Дури во 2022 година светот може да започне да размислува за враќање на животот пред Ковид-19, рече д-р Соумја Сваминатан, научник од Светската здравствена организација (СЗО) во Женева.

„Зборуваме за 2022 година, така што ќе мора подолго време да ги задржиме истите мерки што се применуваат, кои вклучуваат одржување на физичка дистанца, носење маски и одржување редовна хигиена“, им рече на новинарите д-р Сваминатан на онлајн конференција организирана од Обединетите нации, пишува Си-Ен-Ен.

„Овие мерки ќе мора да продолжат и кога ќе ја имаме вакцината и кога ќе започнеме со вакцинирање затоа што потребно е 60 до 70 проценти од популацијата да стекне имунитет пред да биде видливо драматично намалување на преносот на овој вирус“, рече таа.

„Ние исто така не знаеме колку долго ќе штитат вакцините – тоа е уште еден голем прашалник: колку трае имунитетот? И можеби ќе ви треба ‘засилувач’“, рече д-р Сваминатан.

Таа додаде дека здравствените власти во моментов сакаат да го контролираат коронавирусот, наместо да го елиминираат.

„Иако временската линија е сè уште неизвесна и тешко е да се предвиди, мислам дека може да се каже дека дури во 2022 година можеме да започнеме да размислуваме за враќање на нормалниот живот пред Ковид-19“, рече д-р Сваминатан и додаде дека не смета дека коронавирусот ќе стане сезонски вирус.

Наместо тоа, додаде таа, може да очекуваме да видиме подеми и падови во бројот на заразени.

(0 гласови)

Кога имате мал простор, неопходно е да бидете креативни. Со малку креативност, можете во стан од 24 квадратни метри да сместите спална соба, кујна, купатило и работен простор. Токму тоа го направил и архитектот Бред Шварц - тој креирал функционален стан од гарсониера, но никогаш не би помислиле дека е толку мал со оглед на идеалната искористеност на просторот. Можеби ова ви звучи нереално, но ќе се уверите во тоа кога ќе го погледнете видеото.

 

(0 гласови)

Во јавноста протекоа информации дека оваа музичка ѕвезда дневно заработува по 85.000 евра.

Пејачот денес е еден од најпопуларните на планетата, а малкумина знаат дека пред да се прослави во светот тој две години ги поминал на улица - како бездомник.

Ед Ширан има 28 години, а веќе е доказ дека човек може да успее во својот живот, само доколку се труди и дека од бездомник може да стане милијардер.

По тешкиот период низ кој што поминал, Ед моментално е најплатената музичка ѕвезда на светот.

 

Популарниот пејач се најде на првото место на топ листата со најплатена турнеја во 2019-та година.

Од неговата турнеја од 54 настапи минатата година заработи над 223 милиони долари.

Во јавноста се појавија информации дека Ширан дневно заработува по 85.000 евра.

Ед стекна планетарна слава, освои многубројни награди, а неговите песни се исклучително слушани ширум светот.

Освен тоа, тој се занимава и со хуманитарна работа а медиумите постојано пишуваат за неговиот поранешен живот - како од улица стана тоа што денес е, а еднаш додека бил на улица спиел пред Бакингемската палата.

Пејачот отсекогаш бил голем хуманитарец, па така настапувал во Бристол за да собере 40 илјади фунти за помош на работниците.

Покрај тоа, тој редовно ја донира и својата облека на луѓето на кои што им е најпотребна.

(0 гласови)

Човечкиот пептид наречен брадикинин може да биде одговорен за разновидните и понекогаш фатални симптоми забележани кај пациенти заразени со новиот коронавирус.

Лекови за контрола на брадикинин веќе постојат и тие во моментот се тестираат кај пациенти со Ковид-19 за потенцијална терапија против болеста.

Брадикининот нормално помага во регулирање на крвниот притисок, а кај некои луѓе, се чини дека новиот коронавирус го поттикнува производството на брадикинин „со петта брзина“. Тоа може да доведе до еден вид „бура на брадикинин“ во човечкото тело, што пак резултира со низа симптоми кои се вообичаени кај Ковид-19 болеста.

Ренука Роше од Универзитетот Eastern Michigan, вели дека таквата бура во човечкото тело може да објасни зошто се одделени толку многу аспекти на Ковид-19, како што се болки во мускулите, поблага форма на заболување кај жените отколку кај мажите и склоност на Афроамериканците да развијат компликации од новиот коронавирус.

Тим американски научници објавија студија во јули во која проучувале експресија на гени во примероци на белодробни течности земени од девет пациенти во Кина и ги споредиле наодите со примероци од група луѓе кои немале Ковид-19.

Соодветно на тоа, кај ковид-пациентите пронајдени се докази за прекумерна експресија на гени одговорни за производство на брадикинин, а кај групата која не била заразена имале намалена експресија на гени кои произведуваат ензими кои го држат брадикининот под контрола.

Брадикининот ги шири крвните садови и ги прави попропустливи, а големите количини на брадикинин може да доведат до протекување од крвните садови, особено во областите на телото кои се богати со крвни садови, како што се белите дробови. На сличен начин, брадикининот може да ја разгради браната помеѓу крвта и мозокот, што укажува на можна причина за збунувачките невролошки симптоми на болеста Ковид-19.

Канадскиот експерт Џо Пенингер смета дека хипотезата со брадикинин има смисла затоа што новиот коронавирус ги напаѓа ACE-2 рецепторите во клетките, а тие се исто така одговорни за зауздување на нивото на брадикинин. Бидејќи вирусот ја намалува способноста на овие рецептори, нивото на брадикинин во човечкото тело може да излезе од контрола, вели Пенингер.

Претходно споменатиот тим на американски научници во студијата објавена во јули откри прекумерна експресија на гените во телата на пациентите со Ковид-19, која е одговорна за производство на хијалуронска киселина, која кога ќе се измеша со течност, како онаа која крвните садови може да ја пуштат во белите дробови, станува желатинозен. Ова го објаснува и најтешкиот симптом на новата инфекција со коронавирус, односно отежнатото дишење.

За среќа, лековите што го контролираат нивото на брадикинин и хијалуронската киселина постојат дури и пред да се појави пандемијата. Затоа во јули во Холандија започна прелиминарното тестирање на лекот “ицатибант” кај девет пациенти кои беа на респиратори.

Ицатибант им помогна на осум од овие девет пациенти во прелиминарното тестирање.

Во моментов се спроведуваат нови студии во САД и Европа за да се тестира друг лек за контрола на брадикинин – “ланаделумаб”. Следејќи ги овие студии, целта е да се спроведе тестирање на стотици пациенти ширум светот.

(0 гласови)

Човечкиот пептид кој што се нарекува „брадикинин“, можеби е одговорот за разновидните, понекогаш и смртоносни симптоми кои што се забележани кај пациентите заразени со коронавирусот.

Лекови за контрола на брадикинин веќе постојат, а моментално се спроведуваат нови тестирања на пациентите кои што се заболени од Ковид-19, со цел потенцијална нова терапија против оваа болест.

Брадикининот инаку помага во регулирање на крвниот ток, а кај некои луѓе, новиот коронавирус очигледно дека прави производството на брадикининот да биде многу пообилно.

Тоа може да доведе до своевидно „невреме на брадикининот“ во човечкото тело, кое пак резултира со пониски симптоми кои што учествуваат кај болеста Ковид-19.

Ренука Роче, од Универзитетот Eastern michigan, вели дека таквото „невреме“ во човечкото тело може да објасни зошто толку аспекти од Ковид-19 се различни, како болки во мускулите, поблаг облик на болеста кај жените за разлика од мажите, склоноста на Афроамериканците да развијат компликации поради Ковид-19.

Тим од американски научници уште одамна објавија студија во која што ја проучувале експресијата на генот во примероци од белите дробови на девет пациенти од Кина.

Складно на тоа, кај Ковид-19 пациентите пронајдени биле докази на прекумерна експресија на генот одговорен за производството на брадикининот.

Брадикининот ги шири крвните садови и ги прави попроточни, а високата количина брадикинин може да доведе до протекување на крвта од крвните садови, особено во подрачјата на телото кои што се побогати со нив, како што се белите дробови.

 

Канадскиот научник Џо Пенингер смета дека хипотезата со брадикининот има смисла затоа што новиот коронавирус ги напаѓа ACE-2 рецепторите во клетките, а токму тие се задолжени и за регулирање на количината брадикинин.

Со оглед на тоа што вирусот ја намалува способноста на тие рецептори, количината брадикинин во човечкото тело може да излезе од контрола, вели Пенингер.

Top