Веќе неколку недели не престануваат да се нижат нови детали поврзани со скандалот околу милијардерот Џефри Епстајн. Тој неодамна се обесил во затвор додека го чекал обвинението поради сексуална трговија со малолетнички.

Во оваа афера, според пишувањата на бројни медиуми, се вмешани бројни звучни имиња, но и еден член на британското кралско семејство, принцот Ендру, син на кралицата Елизабета Втора. 

Една од жртвите, Вирџинија Робертс, во јавност ја изнела информацијата дека имала секс со принцот и тоа во време кога била малолетна. Дури и испливала и нивна заедничка фотографија од тоа време.

Од самоубиството на Епстајн минатата недела, Бакингемската палата повторно негирала дека принцот е вмешан во скандалот на било кој начин.

"Секоја сугестија за непримерност со малолетнички е категорично лажна. Посебно се негира дека војводата од Јорк имал било каков сексуален контакт или врска со Вирџинија Робертс. Секое спротивно тврдење е лажно и без основа", порачале од палатата.

Daily Mail сега објавил ексклузивна снимка и фотографии кои уште повеќе го компромитираат британскиот принц.

Имено, тој бил снимен како минува низ дрвена врата на една вила на Менхетн, додека се поздравува со млада бринета која ја напуштала куќата од 69 милиони евра.

На снимката се гледа и како по поздравот проверува дали можеби некој е сведок на оваа средба. Според пишувањето на Daily Mail, оваа снимка докажува дека војводата од Јорк ја посетувал куќата на осудениот педофил Џефри Епстајн.

Снимките од војводата од Јорк, тогашен специјален претставник на Велика Британија за меѓународна трговија, биле снимени за помалку од еден час откако Епстајн од истата вила излегол во друштво на млада блондинка.

Видеото е снимено на 6-ти декември 2010-та година, кога принцот бил во посета на вилата на Епстајн, која многу жртви ја нарекле "куќа на ужасот".

Епстајн, кој минатиот викенд се убил во затвор, во 2008-ма година бил осуден за секс со дете и се наоѓа во регистарот на сексуални престапници.

Колку пати досега сте помислиле дека вашите деца поминуваат премногу време пред телевизор, компјутер или мобилен телефон? Веројатно многу пати. Особено доколку имате деца кои се во школска возраст.

Но, понекогаш е тешко да го ограничите времето кое тие го трошат на користење на технологијата, а на децата не им е јасно зошто тоа е штетно за нив. 

Сепак, една мајка се досетила на генијален начин како да го наведе својот син да го редуцира времето поминато на мобилен телефон и други уреди, а фотографиите од вознемиреното дете за кратко време станале вирални.

“Додека нејзиниот син спиел, мајката користејќи сенка за очи му го обоила подрачјето околу капаците, а тој бил ужаснат кога се разбудил”, пишува во описот од фотографијата, а авторот навел дека мајката му објаснила на детето дека темните, застрашувачки кругови се појавиле бидејќи премногу користел технологија. Според нејзиното тврдење, темните кругови ќе исчезнат доколку детето ги користи геџетите до еден час дневно.

Иако во оваа урнебесна објава не е наведено дали трикот успеал, многу мајки останале воодушевени од истиот.

Манекенката Елена Перминова денес има живот како од бајките - сопруга на милијардерот Александар Лебедев, три деца, прекрасна вила, многубројни патувања зад себе, скапоцени автомобили и облека од најпознати светски дизајнери, а некогаш немала ништо.

Нејзината животна приказна започнала во далечниот и ладен Сибир каде што живеела во сиромаштија со своите родители и сестра ѝ што кога татко им ќе им донесел чоколади и мастики девојчињата мислеле дека го освоиле светот. А потоа, Елена на 16 години го напуштила родителскиот дом и набрзо влегла во проблеми заедно со тогашното момче.

Убавата русокоса фатена била како дила дрога во некој ноќен клуб поради што завршила во затвор од кој ја спасила нејзиниот сегашен сопруг.

Дилерот кој го издала Елена ѝ се заканувал со смрт, а во Русија не постои закон за заштита на сведоци па така таа била осудена на шест години затвор. Нејзиниот татко стигнал до Лебедев кој работел на носење на закони за заштита на сведоци како член на парламентот, но љубовта пламнала неколку години подоцна.

Резултат со слика за lena perminova

Резултат со слика за lena perminova

Џефри Епстајн припадниците на светскиот естаблишмент ги снабдувал со малолетнички од сиромашни семејства.

За превоз го користел авионот "Лолита Експрес". Бил Клинтон 26 пати летал на "Островот на оргиите". Меѓу луѓето со кои Епстајн се поврзува е и Тони Блер, саудискиот престолонаследник Мухамед Бин Салман, режисерот Вуди Ален, актерите Кевин Спејси и Крис Такер. 

Дури и ако резултатот од истрагата биде потврда дека станувало збор за самоубиство, тоа воопшто нема да влијае на сеопштата убеденост во САД дека на 66-годишниот богаташ некој му помогнал да умре.

Епстајн бил длабоко и цврсто поврзан со врвот на Демократската партија на САД.

Посебно интригираат неговите чести контакти со американскиот претседател Бил Клинтон, кого сексуалните апетити од Овалниот кабинет засекогаш го компромитирале.

Американскиот претседател Доналд Трамп ја ретвитувал алузијата на сатиричарот Теренс Вилијамс, дека Епстајн располагал со компромитирачки материјали против Клинтон и дека поранешниот претседател бил заинтересиран тој "да не пропее".

Најбогатото семејство на светот, семејството Волтон, заработува 70.000 долари секоја минута.

Додека завршите со читањето на овој текст, најбогатото семејство на светот ќе биде побогато за дополнителни 70.000 долари. Тоа значи дека за еден час ќе инкасираат дури 4.3 милиони долари, а утре во исто време ќе бидат побогати за 100 милиони. 

Семејството Волтон е сопственик на најпознатиот американски малопродажен ланец "Волмарт", а моментално располага со нешто повеќе од 190 милијарди долари.

Тоа е 39 милијарди повеќе од јуни минатата година.

Меѓу членовите на семејството најбогати се браќата Џим и Роб, чии богатства се проценуваат на по 48,8 милијарди долари, а во чекор ги следи сестрата Елис со 48 милијарди долари.

Лукас Волтон, син на третиот бран Џон, кој починал во 2015-та година, располага со богатство вредно 16,7 милијарди долари. Ен Волтон Кроенке и Ненси Волтон Лори, ќерки на соосновачот на "Волмарт", Бад Волтон, се тешки по околу 6 милијарди долари. Исто толку има и Кристи Волтон, вдовицата на Џон Волтон.

 
 
 

 

Некои луѓе се опседнуваат со бројни необјасниви феномени, меѓу кои посебно место заземаат вонземјаните и нивните “посети” на Земјата.

Местата на кои тие наводно се видени се во голем број, а некои од нив станале толку познати што денес претставуваат општи места кога станува збор за “малите зелени суштества”. 

Дел од местата се претворени и во туристички атракции, а ова се најпознатите од нив:

Росвел, Ново Мексико, САД

Овој град се смета за НЛО престолнина на светот. Во него, наводно, уште во 1947 година се урнала летечка чинија.

Оние кои искрено веруваат во тоа, со децении наназад го опседнуваат овој американски град. Туристите од целиот свет го посетуваат Росвел за да ја истражат врската којa ја има градот со вонземјаните.

Бермудски триаголник

Оваа голема област во Атланскиот океан, исто така со децении ја буди фантазијата на љубопитните луѓе, а исчезнувањето на авионите и бродовите на тоа подрачје никој не е во состојба да го објасни.

 

Оние кои веруваат дека “вистината е таму негде”, за тој феномен ги обвинуваат НЛО, вонземјаните и небеските временски портали кои одвреме-навреме токму тука се отвораат.

Стоунхенџ, Велика Британија

Познатата неолитска камена градба се состои од камења кои се тешки и до 30 тона, наредени во круг. Тоа е древен храм, конструиран така што распоредот на неговите карпи го следи движењето на Сонцето.

А можеби оваа необична градба настанала со примена на напредна технологија од вонземско потекло...

 

Автопат на вонземјаните, Невада, САД

Големата сообраќајница го добила своето име по бројните пријавени случаи на средби со вонземјани.

Автопатот проаѓа непосредно покрај мистериозната “Област 51” за која се врзуваат бројни, како вонземски така и други паранормални приказни.

Наскански линии, Перу

Огромните цртежи во природата претставуваат мистерија повеќе од еден век. Гигантските “гравирани” облици најдобро можат да се видат од птичја перспектива.

Токму затоа многумина сметаат дека уникатните цртежи се дело на уметник од некој друг свет.

 

Шума Хоја, Романија

Оваа шума која се наоѓа во регионот, барем по приказните, претставува едно од местата на кое се забележани најмногу паранормални појави на светот.

Бројните фотографии од необјаснивите небесни светла и разните мистериозни сферични облици, според многумина, се дело токму на вонземјани.

Експерти од Универзитетот во Базел успеале да ги натераат клетките на рак на дојка да се претворат во сало и со тоа да станат сосема безопасни.

За да постигне нешто такво, научниот тим го следел чудниот пат на метастазирањето на клетките на ракот. Нивниот успех е само прв чекор, но напредокот многу ветува. 

Кога ќе го исечете прстот или кога фетусот ќе почне да формира органи, клетките на епителите почнуваат да се менуваат во еден вид на матични клетки по име мезенхимски матични клетки, кои потоа повторно се претвораат и го формираат тоа ткиво кое му е потребно на организмот.

 

Овој процес е познат како епително-мезенхимска транзиција (EMT), а веќе некое време е познато дека клетките на рак со овој или со спротивниот процес, мезенхимска-епителна транзиција (МЕТ), може да се шират низ телото и да метастазираат.

Поради тоа научниците во глувците ставиле агресивен облик на човечки рак на дојка, за потоа глувците да ги тестираат со два лека - "росиглитазон" и "траметиниб". Благодарение на лековите, клетките на рак, наместо да се прошират во текот на процесот на метастазирање, се претвориле во масни клетки, преку процес кој се нарекува адипогенеза.

 

"Резултатите покажуваат дека терапијата предизвикала адипогенеза во клетките на ракот", се наведува во истражувањето.

"Малигните клетки, кои минале низ ЕМТ процес, сосема престанаа да се шират. Тоа што го видовме во долгорочните експерименти е дека не постои повратен процес по кој клетките на рак се претвораат во масни клетки", истакнал биохемичарот од Универзитетот во Базел, Герхард Кристофори.

Манекенката Џиџи Хадид (24) си ветила дека нејзината нога повеќе никогаш нема да стапне таму.

Се работи за грчкиот остров Миконос. Нејзината одлука таа ја донеал откако со нејзината сестра Бела (23) биле ограбени во текот на престојот во некоја луксузна вила.

Крадецот провалил во нивната вила и украл накит, гардероба, чанти и очила, пренесуваат од “Бизнис Инсајдер“.

Нивниот татко, Мохамед Хадид изјавил дека неговите ќерки многу се потресле поради овој несреќен случај.

„Џиџи ми се јави од аеродром. Многу се потресе поради сè. Тие биле надвор со нивниот телохранител за време на кражбата. Кога се вратиле виделе дека куќата е обиена и дека работите им ги нема“ - изјавил Мохамед Хадид.

View this post on Instagram

mornin ??

A post shared by Gigi Hadid (@gigihadid) on

Џиџи и Бела на Миконос отишле минатата недела за да го прослават роденденот на нивната постара сестра Алан, а за враќање оттаму резервирале приватен авион.

„Никогаш повеќе нема да се вратам на Миконос. Таму ме ограбија. Не му препорачувам на никој да оди на овој остров. Потрошете ги вашите пари на некое друго место“ - напишала манекенката ан Инстаграм.

 
 

 

Познатиот теоретичар на теории на заговор тврди дека станува збор за скулптури кои претставуваа уметничко дело на вонземјани. Од НАСА тврдат дека сепак станува збор за ефект на пареидолија.

Теоретичарот на теорија на заговор Скот К. Воринг, кој себеси се претставува како искусен ловец на НЛО, ги воочил и ги опишал необичните скулптури кои наводно се наоѓаат на Марс како рачна изработка на вонземјани. Тој истакнува дека станува збор за статуи на маж, жена и дете за кои се претпоставува дека се направени од припадници на суштества кои не живеат на нашата планета.

 

Воринг кој претходно наводно шпионирал неидентификуван летечки објект во Област 51, како и “азиската Атлантида“ на морското дно во близина на Јапонија, повторно го сврте вниманието на себе, овојпат за потенцијалните рачни изработки на вонземјаните на Марс кои не можат да се воочат на фотографиите на НАСА.

Зборувајќи детално за своите пронајдоци на блогот „NLO Sightings Daily“, Воринг тврди дека на фотографиите се наоѓаат статуи на маж, жена и дете, а скулптурата од жената ја опишува како „Мона Лиза од Марс“.

„Статуата на жената има впечатлит зелен пењоар. Има и долга коса до рамениците, а раката ѝ е покриена со ракавот на пењоарот до зглобот каде што бојата на раката ѝ се претвора во розова. Нејзиниот лик без сомневање е лик на човек од женскиот пол“ - напишал Воринг во дескрипцијата на предметот кој го видел на снимките.

 

„Мажот (кој се наоѓа пред неа) исто така има зелена облека и розова ќелава глава. Изгледот на детето не може јасно да се воочи, само се гледа дека е во седечка положба, со погледот напред, а рацете му се поставени позади него“ - изјавил.

Неименуваниот Индиец бил толку многу разочаран со автомобилот кој го добил како роденденски подарок од својот татко што веднаш се одлучил да го направи овој радикален потег.

Ова младо момче автомобилот кој го добил од својот татко во вредност од 50.000 долари го турнал во вода поради тоа што наместо „BMW“ сакал „Јагуар“.

Тој бил толку многу разочаран и лут што новиот автомобил го турнал во реката која се наоѓа на северната индиска држава Харијана.

Полицијата покренала истрага за целата ситуација.

Top