(0 гласови)

Гугл додава нова опција „hum to search“ за мобилните уреди со која може да го регистрира пеењето или свиркањето на корисникот за идентификување на песните.

Опцијата се активира кога корисникот ќе запраша „која е оваа песна?”, по што треба најдобро што може да ја испее или исвирка песната која ака да биде препознаена од Гугл. Потоа, Гугл ги пребарува песните и дава резултати за кои пребарувачот утврдил дека се најблиски до она што го бара корисникот.

Од компанијата истакнуваат дека алгоритамот за машинско учење го трансформира звукот во секвенци, по што го  споредува со другите мелодии и пробува да ја пронајде најсличната. Новата опција е достапна во апликацијата Google и на iOS и на Андроид или со клик на неодамна додаденото копче „search a song“. Апликацијата засега поддржува дваесетина јазици.

Со оваа опција, Гугл оди чекор понапред во обидот да го неутрализира најпопуларниот сервис за пронаоѓање песни „Shazam“ со нивната нова и уникатна услуга за корисниците.

(0 гласови)

Анализата покажала дека најмирољубивите нации се оние кои што имаат моќна валута, голема количина храна која што ја одгледуваат, пониска каматна стапка, политичка стабилност, но и лично чувство за среќа.

Институтот за економија и мир направил анализа на 163 држави ширум светот и територии во кои што живеат 99.7 отсто од популацијата за да ги избере најмирните места за живот.

Листата е направена врз основа на: социјалната сигурност, количината внатрешни и меѓународни немири и стапка на милитаризација.

Веќе 10 години по ред титулата за најмирна земја на светот ѝ е доделена на Исланд. Во државата која што брои 365.000 жители и која што нема своја војска. Тие имаат ниска стапка на злосторства во земјата, висока стапка на вработеност, импресивен образовен систем.

Речиси 97 отсто од жителите се вбројуваат во средна или висока работничка класа. Тие исто така брзо реагираа и на првиот бран на коронавирусот и ги затворија своите граници за да го намалат ширењето на вирусот.

Нов Зеланд се најде на второто место на листата, а на третото место е Португалија која што го надминува просекот на индустријализирани земји по број на жители, рамнотежа на приватниот и професионалниот живот, лична сигурност.

Инаку, најголемиот број на држави кои што се наоѓаат на оваа листа се европски. Покрај Исланд и Португалија, на листата се наоѓаат и Австрија, Чешка, Данска и Швајцарија. Шестото место е резервирано за Канада, седмото за Сингапур, а на деветтото се наоѓа Јапонија.

10 најсигурни држави за живот за 2020-та година:

1. Исланд
2. Нов Зеланд
3. Португалија
4. Австрија
5. Данска
6. Канада
7. Сингапур
8. Чешка
9. Јапонија
10. Швајцарија 

(0 гласови)

Ризикот од изложеност на коронавирусот за време на лет со авион е многу мал, се вели во студијата на Министерството за одбрана на САД.

Кога пациент кој седи носи маска, просечно 0,003 проценти од честичките на воздухот во зоната на дишење околу главата на една личност се заразни, дури и кога секое место е зафатено, се вели во студија што може позитивно да влијае на авионската индустрија.

Тестирањето е со претпоставка дека во авионот има само едно заразено лице и не го симулира влијанието на движењето на патниците.

Студијата, извршена на летовите на „Јунајтед ерлајнс“ со Боинг 777 и 767, покажува дека маските помагаат во минимизирање на изложеноста на инфекција кога некој кашла, дури и ако е на соседното седиште.

– Овие резултати значат дека шансите да се заразите со Ковид во авион на Јунајтед ерлајнс се речиси непостоечки, дури и ако авионот е полн, изјави претставник на компанијата.

Студијата проценува дека патник ќе мора да биде во авион 54 часа со заразено лице за да се зарази.

Истражувањето траеше шест месеци и опфати 300 тестови за време на 38 часа лет и 45 часа тестирање на земја.

Plane travel and coronavirus (COVID-19): Do health experts recommend  passengers wear face masks on planes?

(0 гласови)

Без разлика дали сте имале „тешка настинка“ минатата зима или неодамна сте се бореле со кашлица која не престанува, природно е да се прашувате дали можеби сте имале Ковид-19 без да бидете свесни за тоа. Особено сега кога експертите за инфективни болести велат дека вирусот веројатно веќе се ширел пред градовите да започнат да воведуваат карантин и пред да бидат воведени мерки за спречување на ширењето на вирусот.

„Како одминуваше времето, стана јасно дека се работи за вирус кој е распространет низ целиот свет, особено во понаселените области“, вели др. Вилијам Шафнер, специјалист за инфективни болести.

Дали можеби сте биле заразени со Ковид-19, а да не сте знаеле? Можно е.

„Повеќето луѓе кои имаат коронавирус имаат полесни случаи на инфекција и не можат да се разликуваат од настинка или грип“, објаснува експертот за заразни болести Амеш А. Адаља, од Центарот за здравствена безбедност на Џон Хопкинс.

Покрај тоа, некои луѓе воопшто немаат симптоми – до 40 проценти од инфицираните, според проценките на Центарот за контрола и превенција на болести (CDC).

За жал, не постои начин со апсолутна сигурност да се утврди дали болеста со која се соочивте минатата зима била Ковид-19 или неодамна сте имале асимптоматски случај.

Експертите велат дека некои знаци може да бидат сигнали дека можеби веќе сте имале Ковид-19.

Сте имале „тешка настинка“

На почетокот на пандемијата, луѓето веруваа дека Ковид-19 се појавил во некои земји многу пред февруари или март. Новото истражување на Универзитетот во Тексас го посочува спротивното.

Истражувачите анализирале брисеви од грло земени минатата зима од луѓе за кои постои сомневање дека имаат грип. Овие брисеви биле земени во Вухан и Сиетл.

Истражувачите откриле дека на секои два случаи на грип, имало еден случај на Ковид-19. Како резултат на тоа, тие веруваат дека Ковид-19 веројатно пристигнал во САД некаде околу Божиќ.

Без тест, било тешко да се разликува настинка од лесна форма на Ковид-19, во зависност од тоа какви симптоми имате, вели Адаља, но настинката обично не предизвикува отежнато дишење, сериозни главоболки или гастроинтестинални симптоми, кои може да ги предизвика Ковид-19.

Го изгубивте чувството за мирис и вкус

Губењето на мирис и вкус е еден од симптомите на Ковида-19. Иако овој симптом не се јавува кај сите, д-р Адаља посочува дека сега тој е цврсто поврзан со новиот коронавирус.

Важно е да се знае дека е можно привремено да се изгубат овие сетила за време на други респираторни состојби, како што се настинки, грип, синусни инфекции, па дури и за време на сезонски алергии.

Но, експертите истакнуваат дека овој симптом, дури и по закрепнувањето од Ковид-19, кај некои луѓе може да трае со месеци.

Необјаснето опаѓање на косата

Иако овој симптом не е широко проучуван, многу луѓе кои се опоравиле од коронавирусот, пријавуваат проблеми со опаѓање на косата.

„Малку е веројатно дека едноставно би изгубиле повеќе коса отколку вообичаено, без да имате други симптоми на Ковид-19, како што се кашлица или треска“, вели д-р Адаља.

Исто така е важно да се напомене дека опаѓањето на косата може да се случи поради стрес, вели тој, и сите знаеме дека пандемијата исто така донесе голема количина на стрес.

Останувате без здив

Студија објавена во списанието ЈАМА откри дека луѓето со коронавирус можат да ги почувствуваат последиците на вирусот, вклучително и отежнатото дишење. Не е целосно јасно зошто се случува ова или колку долго може да трае, но веројатно се должи на воспалението на градите.

„Ова е едно од познатите долгорочни ефекти кај луѓето со дијагностициран Ковид-19“, вели др. Шафнер.

Продолжена кашлица

Продолжената кашлица е уште еден симптом за кој дискутираат учесниците во студијата ЈАМА. Кашлицата е често сува, што значи дека со неа не се појавува слуз, вели др. Адаља.

Ова е прилично чест симптом. Податоците на CDC откриле дека 43 проценти од луѓето кои имале Ковид-19 сепак кашлале од 14 до 21 ден откако добиле позитивен тест за вирусот.

Постојан замор

Според студијата на ЈАМА, ова е еден од најчестите долгорочни симптоми откако едно лице ќе преживее Ковид-19. Ова го покажало и истражување кое открило дека 53 проценти од пациентите рекле дека се борат со замор дури и 60 дена откако првпат ги почувствувале симптомите на вирусот.

„Гледаме некои луѓе кои имале лесна форма на болеста, а кои сè уште се чувствуваат уморно некое време“, вели др. Адаља и додава дека во моментот не е целосно јасно зошто се случува ова.

Може да биде начин на кој имунолошкиот систем реагира на вирусот или едноставно начин на кој вирусот делува во организмот.

Имајте на ум дека заморот е навистина чест проблем и може да биде знак на многу различни здравствени проблеми, вклучувајќи, се разбира, недоволно спиење.

Други причини

Се разбира, има многу други компликации за кои експертите можеби дури и не знаат.

Ако се чувствувате лошо и симптомите ви се трајни, д-р. Шафнер вели дека е добра идеја да се посети лекар, без оглед дали мислите дека е поврзано со Ковид-19 или не, пишува Prevention.

Иако сите овие симптоми може да бидат показател дека сте имале Ковид-19, тие исто така можат да бидат предизвикани од други болести.

„Секако е познато дека продолжената кашлица и замор можат да бидат резултат на грип – само затоа што ги имате не значи дека сте имале Ковид-19“, вели др. Шафнер.

Во секој случај, важно е да продолжите со практицирање на превентивните методи, како што се носење маска, редовно миење на рацете и одржување на пропишаното физичко растојание за да се заштитите себеси и другите.

(0 гласови)

Актерката Кончата Ферел, најпозната по улогата на помошничката Берта во серијата „Два и пол мажи“, почина на 78-годишна возраст.

Како што јавува „Deadline“, таа починала вчера поради компликации кои настапиле по застојот на срцето кој го претрпела. 

Зајадливата Берта во ситкомот на „CBS“ беше еден од омилените ликови на гледачите, а од неа на социјалните мрежи се опрости и долгогодишниот главен актер Чарли Шин.

„Таа беше апсолутно мила, вистинска професионалка и искрена пријателка, а ова е шокантна и болна загуба. Берта, твоето грижење за домот беше дискутабилно, но твоето грижење за луѓето беше совршено“, напишал Шин на Твитер.

Како што пишуваат странските медиуми, Кончата починала опкружена со членовите на своето семејство во болницата Шерман Оукс во истоимениот округ. Таа од 1986 година била во брак со Арни Арденсон со кој ја има 38-годишната ќерка Саманта.

Нејзините здравствени проблеми започнале во мај, кога завршила во болница поради инфекција. По неколку дена доживеала застој на срцето поради што била 4 недели на интензивна нега. Во јули била преместена на оддел за долготрајна нега.

Ферел беше 3 пати номинирана за наградата „Еми“.

(0 гласови)

Андре Луи Аизиер, првиот сопруг на француската прва дама Брижит Макрон, на кој по разводот му се изгубило секаква трага, починал во месец декември минатата година, открила за колумна во Париз Тифани, нивното најмладо дете.

Андре Луи Аизиер и Брижит Макрон се венчале во 1974-та година, а набрзо потоа добиле три деца: Себастиан, Лауренсе и Тифани.

По неколку години семејна среќа, бракот влегол во турбулентен период откако Брижит, тогашна наставничка по книжевност, го запознала Емануел Макрон.

Таа со својот ученик многу разговарала за книжевноста и театарот, а помладиот Макрон признал дека нешто чувствува кон неа. Иако чувствата биле взаемни, Брижит имала семејство кое што не сакала да го остави, па нивната врска со Макрон била дисктерна.

 

За крајот на нивниот брак пресудил Андре, кој што поднел документи за развод, а го завршиле во 2006-та година. Следната година Брижит се венчала со Макрон.

По разводот од Брижит, Андре одлучил целосно да се повлече. Пред претседателските избори во 2017-та година, новинарите се обиделе да најдат некаква трага од него за да добијат некое интервју, но никој не успеал во тоа.

Дури и веста за неговата смрт долго била чувана во тајност, сè до 8-ми октомври кога неговата помлада ќерка Тифани во колумна открила дека поранешниот сопруг на првата дама на Франција починал кон крајот на минатата година.

 

„Мојот татко е мртов. Го погребавме во најстрога тајност на 24-ти декември. Го обожував, беше посебно суштество, некомформист кој што ја ценеше својата анонимност. Тоа мора да се почитува“ - објаснила Тифани во колумната.

Поранешниот сопруг на француската прва дама бил погребан на гробиштата Пјер-Лашез во Париз, познати како вечно почивалиште на Џим Морисон и Оскар Вајлд.

(0 гласови)

Зошто едни луѓе работат додека други максимално ги одбегнуваат сите обврски? Зошто вистинските прилики им се случуваат само на поединци, додека други мака мачат за да се вклопат...

Нашиот мозок го контролираат хормони. Односно, мозокот донесува или не донесува одлуки благодарение на поединечни хормони. Овие хормони имаат многу различни ефекти врз нашето однесување и носење одлуки. 

Кои хормони влијаат на нас и колку долго живеат во нашиот мозок?

- допамин

- окситоцин

- серотонин

- ендорфин

- кортизол

Во внатрешноста на мозкот всушност постојат 3 мозоци:

- човечки мозок: постојано премислување, комбинирање

- мозок на цицачи: чувства, добри и лоши

- мозок на влекачи, најстариот мозок: инстинкт за преживување

На пример:

- Змиите не мислат, тие само реагираат, се движат, се размножуваат и речиси не чувствуваат болка.

- Кучињата чувствуваат желба, знаат да сакаат и како да сакаат, чувствуваат болка, разочарување.

- Луѓето имаат логика, можат да пресметуваат и читаат, зборуваат и одржуваат рамнотежа, мислат итн.

95% од сите одлуки се случуваат во „мозокот на влекачите” односно во лумбалниот мозок.

На луѓето им се обраќаме со својот „човечки мозок” кој нè спречува да се промениме, односно, тој мисли дека нè штити така што ништо не менуваме, па колку повеќе имате ваков мозок, толку повеќе имате искуство и тоа е полошо за вас. Паметните луѓе знаат како да се одбранат од сè, па и од животот.

Кои настани или ситуации активираат одредени хормони?

Причини за лачење на допамин – ситуации во кои се чувствуваме пријатно, но и очекување на некој позитивен настан. Во нашиот мозок има дејство на траење од околу 2 минути.

Причини за лачење на окситоцин – чувство на сигурност, зедништво, љубов, породување… трае 6 минути во нашиот мозок, а потоа мора да повторите сè отпочеток, односно да се потсетите. Пример за ова се пушачите кои не се навлечени на никотинот туку на окситоцинот. Односно, не се зависни од никотинот, туку од социјалното опкружување на пушачи, разговорот, паузите…

Причини за лачење на серотонин – супериорност, подобрување на статусот, победа, препознавање и признание. Цели 24 часа живее во вашиот мозок!

Ендорфинот го активира сознанието дека сте живи и дека постоите, задоволството од тоа што сте тука и сега присутни трае околу 4 часа.

Причини за лачење на кортизол – одвојување од родителите, неверство или развод, загуба на работа – отказ, социјална изолација и тишина, чувство на страв и несигурност, губиток, штета…

Како делува кортизолот врз нас?

Благодарение на кортизолот (кој некои го нарекуваат и „отров“), ние како луѓе сме опстојале: „не оди таму, ќе те касне куче” или “Не влегувај таму, ќе паднеш во дупка“, “Не трчај толку брзо” итн… Благодарение на кортизолот сме преживеале како вид. Мозокот е зависен од кортизол и истиот му е неопходен.

Кортизолот живее во нас 3 години и го чува нашиот мозок. Благодарение на овој хормон кој е во нашиот мозок ние не си веруваме себеси. Тој нè учи дека не можеме да си веруваме до толку, бидејќи сме паднале, сме добиле отказ, не сме успеале да се запишеме на факултет…

Мозокот учи и добро и лошо. Некои научуваат дека не можат, а други научуваат да одат, да станат, да работат…

Ако секој ден на телевизија гледате само лоши вести, мозокот ве учи дека сте беспомошни. Но, сепак, возможно е да се натера мозокот да размислува и поинаку, а тоа можете да го постигнете така што ќе направите повеќе одлуки, ќе работите повеќе и ќе се наградувате себеси.

Доколку сакате нешто да промените во својот живот, измамете го својот мозок. Исклучете го оној “човечки мозок” и размислувајте со оној на влекачите.

Ова е важно од само една причина: На овој начин вие можете да го промените својот живот, само морате да го „измамите“ вашиот мозок!

(0 гласови)

Добитникот на Нобеловата награда за физика, сер Роџер Пенроуз, тврди дека постоел уште еден универзум пред Големата експлозија, а доказ за тоа сè уште постои во вид на црни дупки.

Непосредно откако беше објавено дека тој е добитник на Нобелова награда за значајни пробиви во теоријата за релативност на Ајнштајн, како и докази за постоењето на црни дупки, сер Роџер Пенроуз во интервју за британскиот „Telegraph“ изјавил дека пред нашиот, постоел уште еден универзум и дека неговата енергија ја чувствуваме преку црните дупки. 

Сер Роџер тврди дека т.н. Хокингови точки – точки на големо, необјасниво електромагнетно зрачење на небото – се остатоци од некој претходен универзум.

Оваа претпоставка е дел од теоретскиот модел на универзумот наречен конформална циклична космологија. Според оваа теорија, Хокинговите точки го претставуваат последното исфрлање на енергијата (во облик на т.н. Хокингово зрачење) од постариот универзум, преку црна дупка.

Црната дупка е објект чие гравитациско поле е толку силно што ниту еден облик на материја или зрачење – па дури ни светлина – не може да му се спротивстави. Можно е еден таков објект да се наоѓа во средината на нашата галаксија. Научниците Рејнхард Гензел и Андреа Гез, кои ја делат Нобеловата награда со сер Пенроуз, дошле до најубедливите докази за претпоставката дека во средината на Млечниот пат се наоѓа супермасивна црна дупка.

Постои можност временскиот период потребен за целосно исчезнување на црната дупка да е подолг од сегашната старост на нашиот универзум, а со тоа ова исчезнување е невозможно да се набљудува.

Како што пренесува „Independent“, сер Роџер нагласил дека „Големата експлозија не е почетокот. Пред неа постоело нешто, а тоа нешто нè чека во иднина“.

„Нашиот универзум постојано се шири и целата маса пропаѓа со текот на времето, а според оваа моја луда теорија, таа далечна иднина станува Голема експлозија за некој нареден еон. Според тоа, нашата Голема експлозија започнала со нешто што било далечна иднина за некои претходни еони, и тогаш би постоеле слични црни дупки во фаза на исчезнување кои би ги произвеле овие точки кои јас ги нарекувам Хокингови точки. Сега ги гледаме овие точки. Тие имаат околу осум пати поголем дијаметар од Месечината и се малку потопли од нивната околина. Имаме прилично цврст доказ дека постојат најмалку шест такви точки“, наведува Нобеловецот.

 

Сепак, многу научници остро ја отфрлаат оваа претпоставка, тврдејќи дека сè уште не постои цврст доказ за видот на зрачењето кое излегува од црните дупки. Исто така, за да може бесконечно голем универзум да стане бесконечно мал, потребно е сите честички да ја изгубат својата маса со стареењето на универзумот, што исто така е често оспорувана претпоставка.

Според стандардната космологија, универзумот по Големата експлозија поминал низ краток процес на ширење во кој биле елиминирани неправилностите во неговата структура.

Како одговор на овие критики, Нобеловецот вели дека црните дупки долго време биле отпишувани како чисто математички концепт, сè додека не било докажано нивното постоење во реалноста.

(0 гласови)

Моментално сте вработени, но не сте задоволни од работата или пак сте невработени и сте виделе оглас за работа. Мислите дека ја заслужувате таа подобра работа или позиција.

Постои еден „мал“ проблем.

За истата работа се имаат пријавено уште десетина лугќе со истите или со подобри квалификации. Наместо да очајувате и да ја окривувате состојбата во земјата, светот или во друштвото, можете да ги направите овие 5 работи кои драстично ќе ви ги зголеми шансите да ве забележи вашиот иден работодавец.

Зголемете ја вашата вредност

Вашето oбразование не е завршено во моментот кога сте излегле од училиште. Напротив, токму тогаш започнал. Започнете да читате книги и весници од вашата област.

Следете го својот „Facebook“ профил

Вистинското прашање е што ќе видат кога ќе погледнат во вашиот профил? Каков впечаток ќе добијат за вас? Затоа внимавајте какви слики поставувате на вашиот профил. Не „лајкувајте“ секакви страници.

Направете „Twitter“ профил

На „Twitter“  постои дел каде што може да кажете нешто во врска со себе во 160 карактери. Потрудете се да бидете кратки и креативни. Поставете иста слика на сите социјални мрежи, бидејќи така полесно ќе ве препознаат.

Задолжително направете „Linkedln“ профил

„Linkedln“   е социјална мрежа наменета исклучително за деловни и комерцијални апликации. Еден вид на ваше онлајн CV. Профилот се прави многу едноставно, само пратете ги упатствата.

Поврзете се со саканиот работодавец

Пратетe го вашиот потенцијален работодавец на сите мрежи каде што е. Пратете ги и вработените од вашата идна компанија. Бидете конструктивни. Учествувајте во дискусиите на различните социјални мрежи.

(0 гласови)

Француската манекенка и телевизиска актерка Анџелик Морган гордо го покажала своето тело во розово бикини на плажа во Малибу.

Ако не знаете ништо за неа, тогаш нејзиниот изглед би можел да ве збуни - телото на Морган изгледа како на витка, млада девојка, но кога ќе го погледнете нејзиното лице, би претпоставиле дека има барем 60 години и безброј очајнички обиди зад неа да изгледа помладо. 

 

За нејзината витка линија е задолжена исхраната и редовното вежбање, што се гледа по убаво дефинираните мускули по целото тело, но она што го нарушува целокупниот изглед се силиконите и бројните естетски зафати кои Анџелик ги има направено на себе.

 

Неприродно големите усни и уште поголемите гради прават актерката да изгледа вештачки, а кој би рекол дека е всушност помлада од бројни познати дами како Џеј Ло, Моника Белучи, Елизабет Харли и Селма Хаек?

Анџелик има 45 години и е вистински доказ дека никој не може да ја уништи жената како сама себеси...

Top