(0 гласови)

Мајк и Ло Тејлор биле сосема обичен брачен пар додека во нивниот живот не влегла Џес Вудсток. Кратко потоа тие тројца започнале врска, а сега очекуваат и дете.

„Се запознавме случајно. Ло и јас секогаш бевме отворени за секс со уште едно лице, а тоа и се случи со Џес. Меѓутоа, сфативме дека тука постои подлабока поврзаност и дека сакаме повторно да ја видиме. Така започна сè“, рекол Мајк.

„Работите во спалната соба станаа многу подобри откако Џес е со нас. Многу повеќе од тоа што можеш да видиш и допреш. Не нè гледам нас како 2+1, ние сме 3+0, во оваа врска сите сме еднакви“, рекла Ло.

После една година врска, одлучиле дека се подготвени за дете и Ло останала бремена на почетокот на годината. Џес сака да биде вклучена што е можно повеќе. Ќе ги синхронизираат нивните хормони со Ло, за да може да произведува млеко и да го дои детето.

„Џес секогаш ќе биде вклучена во одгледување на детето. Сакам таа да биде дел од детето, бидејќи ќе изгледа како Мајк и мене, но сакаме и нејзин ДНК. Многу мајки немаат прилика да се опуштат и да се одморат. Запознавме и друга тројка која има деца и навистина функционира одлично. Ова дете ќе има повеќе шанси од што мислите. Ние тројца едноставно не можеме да дочекаме да станеме родители“, рекла Ло.

Истакнале дека околината на почетокот не ги прифаќала, особено родителите и роднините, но сега тоа се променило.

„Секогаш зборуваа дека проблемите ќе настанат кога една од нас ќе остане бремена, но се случи токму спротивното. Поврзани сме повеќе од било кога“, заклучила Ло.

(0 гласови)

Дарја Суњишникова (14) открила дека посакува второ дете. Сега го очекува првото, а забременила на само 13 години и тврди дека татко на детето е момчето Иван (10).

Децата на една руска државна телевизија откриле дека очекуваат бебе. Тинејџерката неодамна на Инстаграм рекла дека гинеколозите не можеле да го утврдат точниот термин за породување бидејќи никој не знае колку недели од бременоста ќе достигне.

Pregnant girl, 13, and dad, 10, show off bulging baby bump after ...

Младата трудница поради компликации завршила во болница. На Инстаграм открила дека никогаш не била толку исплашена, бидејќи мислела дека ќе се породи прерано, во 31-та недела од бременоста.

Откако веста за малолетничката бременост го обиколи светот и откако научниците тврделе дека таткото не е 10-годишно дете, Дарја храбро признала дека ја силувал, како што вели, 'дебел маж'. Додала дека на бебето после породувањето ќе му се направи ДНК тест, за полицијата да ги преземе сите чекори за апсење на нејзиниот напаѓач.

(0 гласови)

Во последните неколку денови во земјите од регионот, вклучувајќи ја и Македонија, сè поголем е бројот на заразени луѓе од Ковид-19.

Се појавија нови жаришта, а во некои од градовите во земјите од регионот се враќа и вонредната состојба. Епидемиолозите велат дека тоа е вториот пик од првиот бран на коронавирусот.

Во Белград се донесени посебни мерки, за чии непочитувања ќе следат соодветни санкции, а многубројни болнички установи повторно станале ковид болници и ќе примаат пациенти секојдневно.

Епидемиолозите повторно имаат свои препораки до Владите и граѓаните, а што подразбираат истите?

Избегнување на масовни собири, одржување физичка дистанца, носење заштитни маски во затворени простори и градски превоз, редовно одржување хигиена - што значи често миење раце.

Доколку не сте во можност да ги измиете вашите раце со вода и сапун тогаш тоа направете го со средство за дезинфекција.

Многу од граѓаните и понатаму се сомневаат во делувањето на носењето на заштитните маски и се прашуваат дали истите може да ги заштитат?

Следната илустрација го дава одговорот на тоа прашање:

 

Дополнително објаснување:

Доколку во директен контакт се најдат Ковид-19 позитивен и здрав човек, а и двајцата не носат заштитна маска - стапката на пренесување на вирусот е 100 отсто.

Доколку дојде до контакт на здрав човек кој што носи заштитна маска и човек кој што е позитивен на Ковид-19, а не носи заштитна маска - стапката на пренесување на вирусот изнесува 70 отсто.

Доколку Ковид-19 позитивна личност носи маска, постои 5 отсто шанса да зарази здрава личност која што не носи заштитна маска.

Доколку во директен контакт се заразен човек од Ковид-19 и здрав човек и притоа и двајцата носат заштитна маска тогаш шансата да дојде до пренесување на вирусот е само 1.5 отсто.

Значи, сепак носењето заштитна маска помага во спречување на ширењето на Ковид-19.

(0 гласови)

Сопругата на британскиот принц Хари, Меган Маркл, смета дека во периодот кога била бремена, од кралското семејство не добила заштита од лажните натписи на медиумите, а тоа, како што тврди, ѝ предизвикало емоционални и психички потешкотии.

Овие тврдења се изнесени во новите документи кои нејзиниот правен тим ги поднел до надлежниот суд во парницата која ја води против магазинот „Mail on Sunday“, и компанијата во чија сопственост е магазинот, пренесува „Sky News“.

37-годишната војвотка од Сасекс истакнала дека институцијата на британското кралство не ѝ пружила заштита, поради што станала 'предмет на голем број лажни и штетни статии' објавени во печатените медиуми за време на нејзината бременост, а тоа, како што се наведува, кај неа предизвикало огромни емоционални проблеми и го нарушило нејзиното психичко здравје.

 

Меган против магазинот и компанијата поднела тужба поради статија во која се објавени делови од рачно напишани пораки кои таа во 2018-та година ги упатила кон својот татко Томас, со кој не е во добри односи.

Според тврдењата на адвокатите на војвотката, со објавување на статијата е нарушена нејзината приватност.

(0 гласови)

41-годишната Мариам Набатаци од Уганда имала рекорден број на бебиња кога имала 36 години, а сите деца се од истиот татко.

Родила четворки пет пати, тројки четири пати, а близнаци шест пати. 

Но сега лекарите конечно откриле зошто Мариам е толку плодна. И било кажано дека пати од ретка генетска состојба поради која би можела толку пати да забремени и да роди.

"Нејзиниот случај е генетска предиспозиција на хипер-овулација, што значајно ја зголемува шансата за повеќекратно раѓање", рекол доктор Чарлс Кигунду, гинеколог во Кампала.

Мариам потврдила дека повеќе нема да може да има деца.

"Лекарот ми кажа дека ќе ми ја отстрани матката", рекла таа за локалните медиуми.

За жал, нејзиниот сопруг ја напуштил пред три години и сега ја сноси цела одговорност за одгледување на своето големо семејство.

Мариам се омажила на 12 години со својот тогаш 40-годишен сопруг. Нејзините први близнаци биле родени само една година подоцна.

По раѓањето на првите близнаци, Мариам отишла на лекар, кој и кажал дека има необично големи јајници. Ја советувал дека контрацепција како апчиња може да го оштети нејзиното здравје, така што децата би продолжиле да доаѓаат.

Многубројните семејства во Африка се чести, а жените во Уганда во просек раѓаат 5 до 6 деца, што според податоците на Светската банка е еден од најголемите наталитети на континентот.

Но, дури и во Уганда нејзиното семејство се смета за огромно.

Кога имала 23 години, Мариам имала 25 деца и во очај отишла на лекар да ја спречи повторно да роди.

Тој ја советувал повторно да забремени.

Во последната бременост пред две и пол години, Мариам имала компликации. Го родила шестиот сет на близнаци, но за жал едно од бебињата починало при раѓањето.

Тогаш ја напуштил и нејзиниот сопруг, кој често бил отсутен. Неговото име е сега семејно проклетство.

"Пораснав во солзи. Го минав сето време чувајќи и обидувајќи се да заработам нешто пари", рекла Мариам.

(0 гласови)

„Нема да има нов раст на заболени од коронавирус во Русија и светот“ - смета членот на Руската академија за науки, Генадиј Онишченко.

„Не треба да се зборува за нова пандемија на вирусот корона од овој тип, затоа што за седум месеци, колку што поминаа од првиот случај во Кина, не дојде до поголема мутација на генот (вирусот), ниту пак тоа ќе се случи. Тоа е специфично за овој вирус“ - изјавил Онишченко.

Според неговите зборови, САРС и МЕРС исто така не мутирале, како што е ситуацијата и со овој вирус.

„А, бидејќи тоа не се случува, во најдобар случај, наесен исто ќе имаме случаи на коронавирус, но нема да има пандемија“ - објаснил тој.

 

Тој исто така смета дека ниту сега не е забележан пандемиски скок на бројот на заразени од коронавирусот.

„До утрово во светот регистрирани се околу 10.3 милиони случаи на заболени, што за пренесување по пат на воздушно-респираторни капки е ништо.

Само во Русија годишно од грип се разболуваат во просек 6-7 милиони луѓе“ - објаснил академикот.

Притоа, како што вели тој, поради тоа што 40 отсто од заразените немаат никакви симптоми на вирусот, но се преносители и извор на заразата, треба внимателно да се однесуваме кон луѓето кои што се во поодминати години и кои што остануваат во ''зоната на ризик'' и мора да се почитуваат сите мерки за заштита од коронавирусот.

(0 гласови)

Академијата за филмски уметности и науки вчера објавила дека оваа година сака да прими 819 нови членови во тимот кој што одлучува за доделувањето на Оскарите. Интересно е тоа што и Балканот има свои претставници.

„Задоволни сме што можеме да повикаме толку талентирани луѓе да ни се приклучат. Никогаш претходно не сме имале толкава група луѓе која ги претставува сите сфери од животот, од целиот свет“ - порачале од Академијата.

 

Членовите можат да се приклучат во Академијата само доколку добијат повик, а повик можат да добијат само доколку биле номинирани за престижната награда Оскар или пак доколку ги спонзорираат двајца членови од Академијата од истата бранша.

За Македонија ова е голем успех, поради тоа што покана добиле и македонските филмски уметници - Љубомир Стефанов, Тамара Котевска и Атанас Георгиев.

Инаку, „Медена земја“ е прво македонско остварување номинирано за Оскар за најдобар странски филм и најдобар документарен филм.

(0 гласови)

Многу млади луѓе имаат пневмонија, иако не беше така во март, април, мај, вирусот предизвикува тешка пневмонија и ги напаѓа помладите луѓе, како да не е истиот вирус. Мене ова ми се чини како нов вид вирус на корона, рече д-р Бранимир Несторовиќ.

– Некако помина незабележано дека овој вирус ги напаѓа мозокот, бубрезите, тестисите … Ова е единствениот респираторен вирус кој ги напаѓа тестисите. Ќе видиме како ќе реагираат на ова младите луѓе кои се заразиле со вирусот … Никогаш не сум видел ваков вирус – изјави Несторовиќ.

Ние овде доста добро поминавме, и финансиски, немаше немири, смета Несторовиќ.

– На крајот на краиштата, ова беше страшен стрес. Имам впечаток дека луѓето се незадоволни што 270 луѓе починале – смета Несторовиќ.

Словените и Германците одлично поминаа, ние сме прилично отпорни на овој вирус, вели д-р Несторовиќ. Генетиката исто така игра голема улога. Доказ дека сме најстара нација во Европа е PH негативност. Бевме отпорни и на СИДА. Оние нации кои страдале многу од туберкулоза, се чини дека се отпорни на СИДА. Вирусите сами по себе не се опасни за нас, тие се опасни за поедини луѓе.

– Навистина мислам дека сме на крај, но кога ме прашаа кога ќе ја одјавиме епидемијата, реков веројатно никогаш. Секогаш ќе има по некој индивидуален случај. Луѓето живеат нормално. Можеби и не е лошо што се случи ова, и младите луѓе се разболеа, па претпоставувам дека ќе започнат да ги почитуваат некои мерки, а не да лудуваат – рече на крајот Несторовиќ.

(0 гласови)

По една роденденска забава во Тексас на 30 мај, еден човек наводно заразил со коронавирус 17 члена на неговата фамилија. Читајќи вакви вести, можеби ќе помислите дека вирусот е пожар кој инстантно предизвикува епидемија каде и да се појави. Но, други известувања носат сосема друга приказна.

Во Италија, на пример, научниците испитувале зачувани примероци на отпадна вода за да ги побараат најраните траги од вирусот. Минатата недела тие известија дека вирусот го имало во Торино и Милано уште од 18 декември. Но, поминале два месеца пред болниците во Северна Италија да почнат да се полнат со жртви на Ковид-19. Па изгледа како тие вируси од декември постепено да ги снемало.

Колку и да изгледа чудно, тие известувањa не се контрадикторни. Повеќето заразени луѓе не го пренесуваат коронавирусот на некој друг. Но, мал број можат да го пренесат на многу други во таканаречени настани на суперширење.

-Можете за тоа да размислувате како за фрлање чкорче во дрвца. Фрлате едно чкорче, па може и да не се запалат дрвцата. Фрлате друго, може пак да не се запалат. Но, тогаш едно чкорче ја погаѓа вистинската точка и одеднаш настанува оган – вели научникот Бен Алтхаус.

Научниците велат дека сфаќањето зошто некои чкорчиња предизвикуваат пожар, а некои не, ќе биде клучно за зауздување на пандемијата.

– Инаку сте во позиција каде што секогаш сте еден чекор зад вирусот – вели Адам Кучарски, епидемиолог во лондонската Школа за хигиена и тропска медицина.

Кога вирусот првпат се појави во Кина, епидемиолозите поитаа да сфатат како се шири од човек на човек. Една од нивните први задачи беше да се процени просечниот број на луѓе што ги заразува едно заболено лице или, како што го нарекуваат научниците, репродуктивниот број.

Новиот коронавирус излезе дека има репродуктивен број некаде помеѓу два и три. Не е возможно да се каже точен број бидејќи однесувањето на луѓето може да го олесни или отежни ширењето на вирусот. На пример, преку одење во изолација Масачусетс го намали репродуктивниот број од 2,2, колку што беше на почетокот на март, на 1 кон крајот на месецот, а сега е 0,74.

Овој просечен број исто така може да биде лажлив затоа што ја маскира варијабилноста на ширењето од едно лице на друго. Ако 9 од 10 лица не го пренесуваат вирусот воопшто, а десеттото го пренесува на 20 лица, просечниот број сè уште би бил 2.

Во некои случаи, како при грип или сипаници, голем дел заразени луѓе го пренесуваат патогенот на неколкумина други. Тие болести имаат тенденција на бавно и стабилно растење. Но, другите болести, како што се малите сипаници и САРС, се склони кон ненадејно избувнување со само неколку лица што ја шират болеста.

Епидемиолозите ја сфаќаат разликата меѓу разгорувањата и бавното ширење со нешто познато како параметар на дисперзија. Тоа е мерка за тоа колкава варијација има од лице до лице во пренесување на патоген.

Но, Џејмс Лојд-Смит, кој го развил параметарот пред 15 години, предупредува дека само затоа што научниците можат да го измерат, не значи дека тие разбираат зошто некои болести се шират повеќе од други.

– Ние само разбираме делови од тоа – истакнува тој.

Кога изби Ковид-19, Кучарски и неговите колеги се обиделе да го пресметаат тој број преку споредување на случаите во различни земји.

Ако Ковид-19 беше како грип, би очекувале епидемиите на различни места да бидат претежно со иста големина. Но, Кучарски и неговите колеги забележале големи варијации. Најдобриот начин за објаснување на оваа шема, утврдиле тие, било тоа дека 10 отсто од заразените биле одговорни за 80 проценти од новите заразувања. Што значи дека повеќето луѓе им го пренеле вирусот на само неколку лица.

Кучарски и неговите колеги ја објавиле нивната студија во април, но извештајот не бил прегледан од други научници и објавен во научно списание. Други епидемиолози го пресметале параметарот на дисперзија со други методи и дошле до слични процени.

На пример, во Џорџија, Кристин Нелсон од Универзитетот „Емори“ и нејзините колеги анализирале повеќе од 9.500 случаи на Ковид-10 од март до мај. Тие создале модел за ширење на вирусот во пет земји и процениле колку луѓе заразило секое лице. Во непрегледаното издание објавено минатата недела, истражувачите пишуваат за многу настани на суперширење. Само 2 отсто од луѓето биле одговорни за 20 отсто од трансмисиите.

Сега истражувачите се обидуваат да сфатат зошто толку малку луѓе го шират вирусот на толку многу лица. Тие се обидуваат да дојдат до одговорите на три прашања:

-Кои се суперпроширувачите?
-Кога се случува суперширењето?
-Каде се случува суперширењето?

Во однос на првото прашање, лекарите набљудувале и виделе дека вирусите може да се мултиплицираат во поголеми бројки кај некои луѓе. Можно е некои луѓе да стануваат вирусни оџаци, исфрлајќи облаци на патогени со секој испуштен здив.

Исто така, кај некои луѓе има поголема можност за разболување, а потоа тие може да заразат други лица. Возач на автобус или вработен во дом за стари лица може да се наоѓа во центар на социјална мрежа, додека кај повеќето луѓе има помали шанси за доаѓање во контакт со други – особено во изолација.

Нелсон се сомнева дека биолошките разлики меѓу луѓето се помалку значајни.

– Мислам дека околностите се многу поважни – вели таа, а Лојд-Смит се согласува и додава дека мисли оти е посконцентрирано околу настаните.

Изгледа дека голема трансмисија се случува за краток период кој почнува неколку дена по заразувањето, дури и пред да се појават симптомите. Ако луѓето не се опколени со многу народ за време на тој краток период, тие не можат да го пренесат вирусот.

Дополнително, некои места изгледа се добри за суперширење. На пример, бар полн со луѓе кои зборуваат гласно. Секој од нив може да шири вируси дури и без да кашла. А без добра вентилација, вирусите може да останат во воздухот со часови.

Во студија од Јапонија објавена месецов се наведува дека имало кластери на случаи на коронавирус во објектите за здравствена нега, домовите за стари лица, рестораните, баровите, работните простории и музичките настани, како концерти во живо и караоке-забави.

Шемата на суперширење би можела да го објасни нејасното доцнење во Италија меѓу доаѓањето на вирусот и подемот на епидемијата. И генетичарите најдоа слично доцнење во други земји.

Многу земји се бореа со епидемијата со изолации, кои го намалија репродуктивниот број на Ковид-19. Но, како што владите одат кон ново отворање, не треба да станат задоволни и да го заборават потенцијалот на вирусот за суперширење.

-За само една недела може да преминете од мислење дека нештата ви се под контрола до неконтролирачка епидемија – вели Лојд-Смит.

Од друга страна, знаењето дека Ковид-19 е суперширечка пандемија може да е нешто добро.

Поради тоа што поголемиот дел од трансмисијата се случува само во мал број слични ситуации, може да е можно да се смислат паметни стратегии за нивна превенција. Може да се избегнат огромните изолации преку таргетирање на настаните каде што има големо ширење.

Извор: The New York Times

(0 гласови)

Тој објасни дали смртта на млади пациенти од КОВИД-19 кај нас и во светот е нужно поврзана со претходни хронични заболувања.

– Не мора да значи. Луѓето кои имаат хронични заболувања кои го ослабуваат имунолошкиот систем и го ослабуваат организмот во целина, секако имаат поголем ризик од неповолен тек на КОВИД-19, но секогаш постои таа невидлива предиспозиција. Некој едноставно може да има таква генетска структура, таков организам да има слаба точка, и додека таа слаба точка не е под напад, тие нема да знаат дека постои. Тоа е тој феномен на Ахиловата пета, или за помладите гледачи кои претпочитаат Толкин, јас секогаш зборувам за змејот Шмауг кој има непробојно око освен на едно место и е погоден од стрела на тоа место. Не го знаеме нашиот имунолошки оклоп и каде има такви слабости, но кај некои ги има – објасни член на Кризниот штаб за сузбивање на КОВИД-19.

Меѓу пациентите со новиот корона вирус, помладата популација е во водство, а епидемиолозите наведуваат дека причината за тоа е непочитување на мерките, пред се социјалното растојание и носењето маски.

Top